Números 14:27 - Li Santil hu

²⁷ —¿Joꞌ najtil chic tincuy nak yo̱keb chincuechꞌinquil eb laj Israel, li incꞌaꞌ useb xnaꞌleb? La̱in nacuabi nak nequeꞌxcuechꞌi cuix.

Q'eqchi Bible

²⁷ —Jo' najtil chik tinkuy rab'inkil xwech'b'al wix xb'aan li komonil a'in ink'a' useb' xna'leb'? Laa'in xwab'i naq eb' laj Israel neke'xwech' wix.

Números 14:27 ပူးပေါင်းရင်းမြစ်များ

Éxodo 16:12

—La̱in xcuabi nak yo̱queb chi cuechꞌi̱nc laj Israel. Ta̱ye reheb nak joꞌcaꞌin xinye la̱in. “Rajlal ecuu textiꞌok tib ut ekꞌela texcuaꞌak cua. Chi joꞌcan te̱nau nak la̱in li Ka̱cuaꞌ le̱ Dios”, chan li Dios.

1 Corintios 10:10

Chi moco tocuechꞌok, joꞌ queꞌxba̱nu eb aꞌan. Ut xbaneb lix ma̱usilal queꞌcamsi̱c xban li ángel li quixtakla chak li Dios.

San Marcos 9:19

Nak li Jesús quichakꞌoc, quixye reheb: —Ti̱c incꞌaꞌ nequexpa̱ban. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús.

Números 14:11

Ut li Ka̱cuaꞌ quixye re laj Moisés: —¿Joꞌ najtil chic tincuy nak yo̱keb chincuechꞌinquil li tenamit aꞌin? Ut, ¿joꞌ najtil chic yo̱keb chintzꞌekta̱nanquil ut incꞌaꞌ tineꞌxpa̱b, usta nabal li sachba chꞌo̱lej xincꞌut chiruheb?

Éxodo 16:28

Li Ka̱cuaꞌ Dios quixye re laj Moisés: —¿Cꞌaꞌut nak incꞌaꞌ nequeꞌabin chicuu?

San Mateo 17:7

Tojoꞌnak li Jesús quijiloc riqꞌuineb ut quixtꞌotzꞌtꞌotzꞌiheb ut quixye reheb: —Cuaclinkex. Mexxucuac.—

Éxodo 16:7

Cuulaj ekꞌela te̱ril xnimal xlokꞌal li Ka̱cuaꞌ Dios. Aꞌan xrabi nak yo̱quex chixchꞌiꞌchꞌiꞌinquil. ¿Aniho la̱o nak yo̱quex chikacuechꞌinquil?—

Números 11:1

Saꞌ jun li cutan eb laj Israel queꞌoc chixcuechꞌinquil rix li Ka̱cuaꞌ xban li chꞌaꞌajquilal li cuanqueb cuiꞌ. Li Ka̱cuaꞌ quirabi li cꞌaꞌru yo̱queb chixyebal. Cꞌajoꞌ nak quijoskꞌoꞌ saꞌ xbe̱neb. Quixtakla chak li xam ut eb li muheba̱leb li cuanqueb toj chire queꞌcꞌat.

Números 14:26

Ut li Ka̱cuaꞌ quia̱tinac cuiꞌchic riqꞌuin laj Moisés ut laj Aarón ut quixye reheb:

Éxodo 16:9

Laj Moisés quixye re laj Aarón: —Joꞌcaꞌin ta̱ye reheb chixjunileb laj Israel, “Quimkex. Chꞌutubomak e̱rib chiru li Ka̱cuaꞌ Dios. Aꞌan xrabi nak yo̱quex chi cuechꞌi̱nc,” chaꞌkat reheb.—

Ezequiel 35:13

Xekꞌetkꞌeti e̱rib chicuu nak xeye li incꞌaꞌ us chicuix. Nabal xex-a̱tinac. Ut la̱in xcuabi li cꞌaꞌru xeye nak xine̱hob.