Números 14:24 - Li Santil hu

²⁴ Abanan laj Caleb li naxqꞌue xchꞌo̱l chi cꞌanjelac chicuu, aꞌan jalan xnaꞌleb chiruheb li jun chꞌol. Aꞌan tinqꞌue chi oc saꞌ li naꞌajej li quicuulac chak rilbal. Ut eb li ralal xcꞌajol teꞌe̱chani̱nk re li naꞌajej aꞌan.

Q'eqchi Bible

²⁴ A'ut laj Kaleb aj k'anjel chiwu, jalan wi' li xna'leb' chiruheb' a'an, ut xinxpaab' chi tz'aqal re ru. Jo'kan naq taa'ok sa' li na'ajej li xo'ril chaq, ut eb' li ralal xk'ajol te'eechaninq re li ch'och' a'an.

Números 14:24 ပူးပေါင်းရင်းမြစ်များ

Efesios 6:6

Moco toj yo̱keb ta che̱rilbal nak te̱ba̱nu le̱ cꞌanjel re nak sahak xchꞌo̱l le̱ patrón e̱riqꞌuin. Chexcꞌanjelak ban chiru le̱ patrón joꞌ nak yo̱kex chi cꞌanjelac chiru li Cristo. Chi anchal e̱chꞌo̱l cheba̱nuhak li naraj li Dios.

Hechos 11:23

Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

Deuteronomio 1:36

Caꞌaj cuiꞌ laj Caleb li ralal laj Jefone ta̱ril. La̱in tinqꞌue re aꞌan li naꞌajej li quinumeꞌ cuiꞌ ut tinqꞌue ajcuiꞌ reheb li ralal xcꞌajol xban nak laj Caleb quixpa̱b chi anchal xchꞌo̱l li cꞌaꞌru quinye.”

Números 26:65

Ma̱ jun li queꞌajla̱c junxil cuan saꞌ xya̱nkeb xban nak li Ka̱cuaꞌ quixye nak teꞌca̱mk saꞌ li chaki chꞌochꞌ. Caꞌaj cuiꞌ laj Caleb li ralal laj Jefone, ut laj Josué li ralal laj Nun queꞌcana chi yoꞌyo.

Números 13:30

Ut laj Caleb quixye reheb nak teꞌxcanab a̱tinac riqꞌuin laj Moisés. Quixye reheb: —Tento toxic chi pletic riqꞌuineb. La̱o cau kib chiruheb aꞌan. La̱o naru nake̱chani li naꞌajej aꞌan, chan.

Colosenses 3:23

Nak yo̱quex chi cꞌanjelac chiru le̱ patrón, yo̱quex ajcuiꞌ chi cꞌanjelac chiru li Ka̱cuaꞌ Dios xban nak la̱ex rehex chic li Dios. Joꞌcan nak chixjunil li cꞌaꞌru te̱ba̱nu, cheba̱nuhak chi anchal e̱chꞌo̱l.

Salmos 119:80

Chinqꞌuehak taxak inchꞌo̱l chixba̱nunquil li cꞌaꞌru naxye la̱ chakꞌrab. Ut tzꞌakalak taxak re ru li cua̱m cha̱cuu re nak incꞌaꞌ xuta̱nal tine̱lk.

2 Crónicas 25:2

Laj Amasías quixba̱nu li us chiru li Ka̱cuaꞌ. Abanan moco anchal ta xchꞌo̱l nak quixba̱nu.

1 Crónicas 29:18

At nimajcual Dios, la̱at lix Dioseb laj Abraham, laj Isaac, ut laj Israel li kaxeꞌto̱nil yucuaꞌ. Chatenkꞌaheb la̱ tenamit re nak junelic taxak cua̱nk saꞌ xchꞌo̱leb li naꞌleb aꞌin ut ti̱cakeb xchꞌo̱l cha̱cuu.

1 Crónicas 29:9

Cꞌajoꞌ nak queꞌsahoꞌ xchꞌo̱leb li cristian xban nak chi anchaleb xchꞌo̱l queꞌxqꞌue re li Ka̱cuaꞌ li joꞌ qꞌuial qui-ala saꞌ xchꞌo̱leb.

Deuteronomio 6:5

Te̱ra li Ka̱cuaꞌ le̱ Dios chi anchal e̱chꞌo̱l, chi anchal e̱cꞌaꞌux ut chi anchal e̱metzꞌe̱u.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

Salmos 119:145

At nimajcual Dios, chi anchal inchꞌo̱l nintzꞌa̱ma intenkꞌanquil cha̱cuu. China̱sume taxak ut junelic taxak tinba̱nu li cꞌaꞌru naxye la̱ chakꞌrab.

Números 14:30

Relic chi ya̱l nak ma̱ jun e̱re la̱ex tex-oc saꞌ li naꞌajej quinyechiꞌi e̱re riqꞌuin juramento. Caꞌaj cuiꞌ eb laj Caleb li ralal laj Jefone ut laj Josué li ralal laj Nun naru teꞌoc.