Números 14:14 - Li Santil hu

¹⁴ Ut teꞌxye resil reheb li cuanqueb Canaán. Eb aꞌan ac xeꞌrabi a̱cuesil. Ac nequeꞌxnau nak cuancat kiqꞌuin ut xcuil a̱cuu. Nequeꞌxnau nak la̱at catcꞌamoc be chiku riqꞌuin li chok chi cutan ut riqꞌuin li xam chiru kꞌojyi̱n.

Q'eqchi Bible

¹⁴ Ut ke'xseeraq'i reheb' li wankeb' Kanahán. At Qaawa', ak neke'xnaw naq laa'at wankat sa' qayanq ut nakak'ut aawib' chiqu. Neke'xnaw naq laa'at, at Qaawa', wankat junelik sa' xb'een li tenamit a'in sa' laachoql; k'amolb'ehat chiruheb' chi kutan sa' li choql, ut chiru li q'oqyink, sa' li xam.

Números 14:14 ပူးပေါင်းရင်းမြစ်များ

Éxodo 15:14

Eb li jalaneb xtenamit teꞌrabi resil li cꞌaꞌru xaba̱nu. Ut sicsotkeb xbaneb xxiu. Ut cꞌajoꞌ nak teꞌxucuak laj filisteo.

Deuteronomio 5:4

Li Ka̱cuaꞌ quia̱tinac e̱riqꞌuin chi tzꞌakal saꞌ li xam aran saꞌ li tzu̱l.

Éxodo 33:11

Ut naa̱tinac li Dios riqꞌuin laj Moisés joꞌ nak nequeꞌa̱tinac cuib li rami̱gueb rib. Nak nasukꞌi laj Moisés saꞌ xmuheba̱l, laj Josué laj cꞌanjel chiru, nacana saꞌ li tabernáculo. Li sa̱j cui̱nk aꞌin, aꞌan li ralal laj Nun.

San Juan 1:18

Ma̱ ani qui-iloc ru li Dios. Caꞌaj cuiꞌ li Dios Cꞌajolbej, aꞌan tzꞌakal li cuan chi sum a̱tin riqꞌuin li Dios Acuabej. Ut aꞌan li quicꞌutbesin chiku chanru li Dios.

Salmos 78:14

Quixtakla li chok chi cꞌamoc be chiruheb chi cutan ut chi kꞌek jun li xam quicꞌamoc be chiruheb.

Nehemías 9:19

Xban xnimal la̱ cuusilal la̱at incꞌaꞌ catzꞌekta̱naheb nak yo̱queb chak chi numecꞌ saꞌ li chaki chꞌochꞌ. La̱at ban catcꞌamoc be chiruheb xban nak li chok incꞌaꞌ quisach chiruheb nak yo̱queb chi be̱c chi cutan. Joꞌcan ajcuiꞌ chiru kꞌojyi̱n, incꞌaꞌ quisach li xam chiruheb li yo̱ chi cꞌutuc lix beheb nak yo̱queb chi xic.

Nehemías 9:12

La̱at catcꞌamoc be chiruheb laj Israel chi cutan riqꞌuin jun li chok ut chi kꞌek catcꞌamoc be chiruheb riqꞌuin jun li xam re nak teꞌril lix beheb bar yo̱keb chi xic.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Números 12:8

La̱in nina̱tinac chi tzꞌakal riqꞌuin. Incꞌaꞌ nina̱tinac riqꞌuin saꞌ jaljo̱quil ru a̱tin. Ut nincꞌutbesi cuib chiru chi tzꞌakal. Cui la̱in nina̱tinac chi tzꞌakal riqꞌuin, ¿cꞌaꞌut nak incꞌaꞌ xexxucuac chixcuechꞌinquil rix laj Moisés laj cꞌanjel chicuu? chan.

Números 10:34

Ut li chok, li taklanbil xban li Ka̱cuaꞌ, cuan saꞌ xbe̱neb ut yo̱ chi cꞌamoc be chiruheb chi cutan nak yo̱queb chi xic.

Éxodo 40:38

Chi joꞌcan li chok li quitakla̱c xban li Dios cuan saꞌ xbe̱n li tabernáculo chi cutan. Ut chi kꞌek nacꞌutun joꞌ xam. Li chok yo̱ chi cꞌamoc be chiruheb laj Israel nak yo̱queb chi xic toj retal queꞌcuulac.

Génesis 32:30

Laj Jacob quixqꞌue chokꞌ xcꞌabaꞌ li naꞌajej aꞌan Peniel. Quixqꞌue lix cꞌabaꞌ aꞌin xban nak quixye: —Saꞌ li naꞌajej aꞌin xcuil ru li Ka̱cuaꞌ Dios ut toj yoꞌyo̱quin, chan.

1 Corintios 13:12

Anakcuan caꞌchꞌin ajcuiꞌ nakanau. Chanchan nak noco-iloc saꞌ junak lem moymoy ru. Abanan saꞌ jun cutan takil ru li Dios ut takanau chic chixjunil chi tzꞌakal joꞌ nak li Dios naxnau ku la̱o.

San Juan 14:9

Li Jesús quixye re: —At Felipe, ac junxil nin-oc saꞌ e̱ya̱nk. ¿Ma toj ma̱jiꞌ nequenau cuu? Li ani nanaꞌoc cuu la̱in, aꞌan naxnau ajcuiꞌ ru li Yucuaꞌbej. ¿Cꞌaꞌut nak nacaye cue, “Cꞌut chiku li Yucuaꞌbej?”

Salmos 105:39

Li Dios quixqꞌue jun li chok re xmuheb laj Israel chi cutan ut quixqꞌue li xam re xcutanobresinquil lix beheb chiru kꞌojyi̱n.

Deuteronomio 34:10

Chalen saꞌ li cutan aꞌan, ma̱ jun chic profeta quicuan saꞌ xya̱nkeb laj Israel joꞌ laj Moisés queꞌril ta ru li Dios chi tzꞌakal joꞌ quixba̱nu aꞌan.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

Éxodo 33:16

Cui incꞌaꞌ tatcua̱nk kiqꞌuin, ¿chanru nak ta̱cꞌutu̱nk chiruheb li jalan xtenamiteb nak la̱o xkacꞌam kib saꞌ usilal a̱cuiqꞌuin? Cui la̱at tatcua̱nk kiqꞌuin, chixjunileb li tenamit saꞌ ruchichꞌochꞌ teꞌxnau nak la̱o sicꞌbil ku a̱ban, chan laj Moisés.

Deuteronomio 1:19

La̱o kaba̱nu joꞌ quixye ke li Ka̱cuaꞌ li kaDios. Co-el saꞌ li naꞌajej Horeb ut conumeꞌ saꞌ li nimla chaki chꞌochꞌ li xiu xiu cuiꞌ numecꞌ. Queqꞌue ajcuiꞌ retal la̱ex. Conumeꞌ saꞌ lix naꞌajeb laj amorreo, li tzu̱l ru ut cocuulac toj Cades-barnea.

Deuteronomio 5:24

Ut queꞌxye cue, “Li Ka̱cuaꞌ li kaDios quixcꞌut chiku lix lokꞌal ut lix cuanquilal. Xkabi lix ya̱b xcux nak quia̱tinac chak saꞌ li xam. Nakanau nak li Dios naru naa̱tinac riqꞌuineb li cui̱nk ut incꞌaꞌ teꞌca̱mk li cui̱nk.