Números 14:11 - Li Santil hu

¹¹ Ut li Ka̱cuaꞌ quixye re laj Moisés: —¿Joꞌ najtil chic tincuy nak yo̱keb chincuechꞌinquil li tenamit aꞌin? Ut, ¿joꞌ najtil chic yo̱keb chintzꞌekta̱nanquil ut incꞌaꞌ tineꞌxpa̱b, usta nabal li sachba chꞌo̱lej xincꞌut chiruheb?

Q'eqchi Bible

¹¹ Ut li Qaawa' kixye re laj Moisés: “Jo' najtil chik tinkuy lintz'eqtaanankil xb'aaneb' li tenamit a'in? Jo' najtil chik ink'a' tine'xpaab', us ta naab'aleb' li sachb'ach'oolej inb'aanuhom sa' xyanqeb'?

Números 14:11 ပူးပေါင်းရင်းမြစ်များ

Salmos 106:24

Xban nak incꞌaꞌ queꞌxpa̱b li ra̱tin li Dios, eb laj Israel queꞌxtzꞌekta̱na li cha̱bil naꞌajej li quiqꞌueheꞌ raj reheb.

Salmos 78:32

Usta queꞌril li sachba chꞌo̱lej li quixba̱nu, abanan eb aꞌan incꞌaꞌ queꞌxqꞌue xcuanquil.

Salmos 78:22

Li Dios quijoskꞌoꞌ riqꞌuineb xban nak incꞌaꞌ queꞌxpa̱b nak aꞌan ta̱colok reheb.

Deuteronomio 1:32

Usta li Dios quextenkꞌa chak, abanan la̱ex incꞌaꞌ ajcuiꞌ quepa̱b li Ka̱cuaꞌ le̱ Dios.

Hebreos 3:8

Me̱ba̱nu joꞌ queꞌxba̱nu le̱ xeꞌto̱nil yucuaꞌ nak queꞌxkꞌet chak li cua̱tin. Queꞌcuechꞌoc ut nequeꞌayaynac ut queꞌxyal inchꞌiꞌchꞌiꞌinquil nak cuanqueb chak saꞌ li chaki chꞌochꞌ.

San Juan 12:37

Usta nabal li milagro quixba̱nu li Jesús chiruheb, abanan incꞌaꞌ ajcuiꞌ queꞌpa̱ban.

Números 14:27

—¿Joꞌ najtil chic tincuy nak yo̱keb chincuechꞌinquil eb laj Israel, li incꞌaꞌ useb xnaꞌleb? La̱in nacuabi nak nequeꞌxcuechꞌi cuix.

Números 14:23

Joꞌcan nak incꞌaꞌ teꞌril li cha̱bil naꞌajej li quinyechiꞌi reheb lix xeꞌto̱nil yucuaꞌeb. Ma̱ jun reheb li xeꞌqꞌuehoc injoskꞌil teꞌoc saꞌ li cha̱bil naꞌajej li quinyechiꞌi reheb.

Hebreos 3:18

Ut, ¿aniheb aj e quixye li Dios nak relic chi ya̱l incꞌaꞌ teꞌoc chi hila̱nc riqꞌuin saꞌ li cha̱bil naꞌajej? Reheb li queꞌkꞌetoc re lix chakꞌrab.

Hebreos 3:16

¿Aniheb li queꞌkꞌetoc chak re li ra̱tin li Dios li quixye reheb? Aꞌaneb chixjunileb li queꞌel chak Egipto nak laj Moisés quicꞌamoc be chiruheb.

Éxodo 16:28

Li Ka̱cuaꞌ Dios quixye re laj Moisés: —¿Cꞌaꞌut nak incꞌaꞌ nequeꞌabin chicuu?

San Juan 15:24

Ma̱cꞌaꞌeb raj xma̱c cui ta incꞌaꞌ xeꞌril li milagros li xinba̱nu chiruheb, li milagros li ma̱ ani chic naru xba̱nunquil. Abanan eb aꞌan queꞌril li xinba̱nu. Joꞌcan nak xicꞌ niquineꞌril la̱in ut xicꞌ ajcuiꞌ nequeꞌril lin Yucuaꞌ.

San Juan 10:38

Abanan cui yo̱quin chixba̱nunquil li cꞌaꞌru naraj li Dios, usta incꞌaꞌ niquine̱pa̱b la̱in, cheqꞌue retal li milagro li yo̱quin chixba̱nunquil re nak te̱nau chi tzꞌakal nak li Dios cuan cuiqꞌuin ut la̱in cuanquin riqꞌuin aꞌan, chan li Jesús.

San Marcos 9:19

Nak li Jesús quichakꞌoc, quixye reheb: —Ti̱c incꞌaꞌ nequexpa̱ban. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús.

San Mateo 17:17

Li Jesús quixye: —Ex tenamit, ti̱c incꞌaꞌ nequexpa̱ban ut incꞌaꞌ us le̱ naꞌleb. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús nak quichakꞌoc.

Zacarías 8:14

Quixye ajcuiꞌ li Ka̱cuaꞌ li nimajcual Dios: —La̱in quincꞌoxla xqꞌuebaleb chixtojbal lix ma̱queb le̱ xeꞌto̱nil yucuaꞌ nak queꞌxchikꞌ injoskꞌil ut incꞌaꞌ quinjal incꞌaꞌux riqꞌuin li quincꞌoxla xba̱nunquil.

Oseas 8:5

La̱in xicꞌ nacuil li cuacax oro li nequeꞌxlokꞌoniheb laj Samaria. Cꞌajoꞌ lin joskꞌil yo̱ saꞌ xbe̱neb. ¿Ma ma̱ jokꞌe teꞌxcanab xba̱nunquil li ma̱usilal?

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Proverbios 1:22

La̱ex, li ma̱cꞌaꞌ e̱naꞌleb, ¿jokꞌe te̱canab xba̱nunquil li to̱ntil naꞌleb li ma̱cꞌaꞌ na-oc cuiꞌ? Ut la̱ex li nequekꞌetkꞌeti e̱rib, ¿jokꞌe te̱canab xtzꞌekta̱nanquil li cha̱bil naꞌleb?

Salmos 95:8

Cherabi li cꞌaꞌru yo̱ chixyebal e̱re li Ka̱cuaꞌ: —Me̱cacuubresi e̱chꞌo̱l joꞌ queꞌxba̱nu le̱ xeꞌto̱nil yucuaꞌ nak cuanqueb saꞌ li naꞌajej Meriba. Me̱ba̱nu joꞌ queꞌxba̱nu eb aꞌan saꞌ li cutan nak cuanqueb saꞌ li chaki chꞌochꞌ saꞌ li naꞌajej Masah.

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

Éxodo 32:9

Ut li Ka̱cuaꞌ Dios quixye ajcuiꞌ re laj Moisés: —La̱in xinqꞌue retal nak li cristian aꞌin kꞌaxal cauheb xchꞌo̱l. Incꞌaꞌ nequeꞌabin chicuu.

Números 32:10

Quichal xjoskꞌil li Dios saꞌ xbe̱neb ut quixye riqꞌuin juramento:

Jeremías 13:10

Eb li tenamit aꞌin numtajenak lix ma̱usilaleb ut kꞌaxal cauheb xchꞌo̱l. Queꞌxkꞌet li cua̱tin ut queꞌxcuikꞌib ribeb chiruheb li jalanil dios re teꞌxlokꞌoni ut queꞌcꞌanjelac chiruheb. Joꞌcan nak tinsacheb. Chanchanakeb chic li cꞌa̱mal saꞌ aꞌin li ma̱cꞌaꞌ chic na-oc cuiꞌ.

Ezequiel 20:13

Abanan eb laj Israel queꞌxkꞌetkꞌeti ribeb chicuu saꞌ li chaki chꞌochꞌ. Incꞌaꞌ queꞌxba̱nu li cꞌaꞌru quinye reheb. Queꞌxtzꞌekta̱na lin chakꞌrab usta queꞌxnau nak riqꞌuin xba̱nunquil li cꞌaꞌru ninye cua̱nk xyuꞌameb. Ut queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb ut tinsach ruheb saꞌ li chaki chꞌochꞌ.

Éxodo 23:21

Chex-abi̱nk chiru ut cheba̱nu li cꞌaꞌru naxye. Me̱kꞌetkꞌeti e̱rib chiru xban nak aꞌan incꞌaꞌ tixcuy e̱ma̱c. Li cꞌaꞌru tixba̱nu aꞌan, tixba̱nu saꞌ incꞌabaꞌ la̱in.