Números 13:33 - Li Santil hu

³³ Ut queꞌkil ajcuiꞌ chak li ni̱nki cui̱nk li ralal xcꞌajol laj Anac. La̱o chanchano laj sa̱cꞌ nak nocoeꞌril eb aꞌan xban nak kꞌaxal cocꞌo chiruheb, chanqueb.

Q'eqchi Bible

³³ Xqileb' ajwi' chaq xninqal poyanam, ralaleb' laj Anak, riyajileb' li najt xterameb'. Laa'o chanchano wi' chili' chiruheb' a'an, ut jo'kan ajwi' naq nokoohe'ril laa'o”, chankeb'.

Números 13:33 ပူးပေါင်းရင်းမြစ်များ

Deuteronomio 1:28

¿Bar ta̱ru̱k toxic anakcuan? Xchꞌinan li kachꞌo̱l xban nak eb li kacomon xeꞌxye ke nak eb li cristian aran ni̱nkeb rok chiku la̱o ut cauheb rib. Ut ni̱nkeb li tenamit ut ni̱nkeb ajcuiꞌ xteram li tzꞌac li sutsu̱queb cuiꞌ. Ut xeꞌrileb ajcuiꞌ chak ruheb li ralal xcꞌajol li nimla cui̱nk aj Anac xcꞌabaꞌ.”

Isaías 40:22

Li Dios cuan chak toj saꞌ choxa. Ut eb li cristian saꞌ ruchichꞌochꞌ chanchaneb laj sa̱cꞌ chiru li Dios. Li Dios naxhel ru li choxa. Chanchan jun li muheba̱l nequeꞌcuan cuiꞌ li cristian.

Génesis 6:4

Saꞌ eb li cutan aꞌan queꞌcuan cui̱nk ni̱nkeb rok. Ut eb li ralal xcꞌajol li Dios quilajeꞌcuan ralal xcꞌajol riqꞌuineb li ixk. Ut li ralal xcꞌajol eb aꞌan ni̱nkeb ajcuiꞌ rokeb. Eb li cui̱nk aꞌan cauheb rib ut naꞌno ruheb.

1 Samuel 17:42

Laj filisteo quiril nak chꞌinaꞌus na-iloc laj David. Xban nak toj sa̱j al, incꞌaꞌ quixqꞌue xcuanquil.

Deuteronomio 9:2

Ut ni̱nkeb ajcuiꞌ li cristian ut kꞌaxal cauheb rib. Ac e̱rabiom resil nak ma̱ ani naru naxcol rib chiruheb li ralal xcꞌajol laj Anac, li nimla cui̱nk.

Deuteronomio 3:11

(Chirix lix camic li rey Og, ma̱ jun chic xcana xcomoneb li ni̱nki cui̱nk. Lix chꞌa̱t laj Og yi̱banbil riqꞌuin chꞌi̱chꞌ. Numenak ca̱hib metro rok ut numenak cuib metro ru. Toj naru rilbal saꞌ li tenamit Rabá, lix tenamiteb li ralal xcꞌajol laj Amón.)

1 Crónicas 11:23

Quixcamsi ajcuiꞌ jun li cui̱nk aj Egipto. Li cui̱nk aꞌan kꞌaxal najt rok. Numenak cuib metro xteram ut cuan xla̱ns saꞌ rukꞌ chanchan xcheꞌel li quemleb. Laj Benaía quixchap jun li cheꞌ ut qui-oc chi pletic riqꞌuin toj retal quixmakꞌ lix la̱ns chiru. Ut riqꞌuin ajcuiꞌ li la̱ns aꞌan quixcamsi laj Egipto.

Deuteronomio 2:10

(Junxil queꞌcuan eb laj Emita saꞌ li naꞌajej aꞌan. Kꞌaxal nabaleb ut cauheb rib. Najt rokeb joꞌ eb li ralal xcꞌajol laj Anac.

Números 13:22

Queꞌco̱eb saꞌ li naꞌajej Neguev ut queꞌcuulac saꞌ li tenamit Hebrón. Aran cuanqueb li cui̱nk laj Ahimán, laj Sesai ut laj Talmai. Aꞌaneb li ralal xcꞌajol laj Anac. Cuukub chihab xyi̱banquil li tenamit Hebrón nak queꞌxyi̱b li tenamit Zoán aran Egipto.

Números 13:28

Abanan eb li cristian li cuanqueb aran kꞌaxal cauheb rib. Ut li tenamit ni̱nkeb ut yi̱banbil chi cha̱bil ut sutsu riqꞌuin tzꞌac. Ut moco caꞌaj cuiꞌ ta aꞌin. Xkil ajcuiꞌ chak ruheb li ralal xcꞌajol li mamaꞌ cui̱nk aj Anac.

Números 14:1

Chiru li kꞌojyi̱n aꞌan chixjunileb laj Israel japjo̱queb re chi ya̱bac.

Josué 11:21

Ut eb laj Israel queꞌxsach ajcuiꞌ ruheb li ralal xcꞌajol laj Anac li cuanqueb saꞌ eb li naꞌajej li tzu̱l ru. Aꞌaneb aꞌin li naꞌajej aꞌan: Hebrón, Debir, Anab, ut eb li naꞌajej tzu̱l ru re Judá ut Israel. Queꞌxsach ruheb chixjunileb li cuanqueb aran joꞌ ajcuiꞌ lix tenamiteb.

Josué 14:12

Joꞌcan nak nintzꞌa̱ma cha̱cuu nak ta̱qꞌue chokꞌ cue li naꞌajej li tzu̱l ru joꞌ quixyechiꞌi chak cue li Ka̱cuaꞌ. La̱at ac nacanau nak cuanqueb li ralal xcꞌajol laj Anac saꞌ li naꞌajej aꞌan. Cuanqueb ni̱nki tenamit ut cauheb rib chi pletic. Abanan la̱in ninnau nak li Dios ta̱cua̱nk cuiqꞌuin ut tinixtenkꞌa chirisinquileb saꞌ li naꞌajej aꞌan joꞌ quixye chak cue, chan laj Caleb.

Josué 15:14

Ut laj Caleb quirisiheb saꞌ li naꞌajej aꞌan li oxib chi ralal laj Anac. Aꞌaneb laj Sesai, laj Ahimán ut laj Talmai.

1 Samuel 17:24

Nak eb laj Israel queꞌril laj Goliat, quichal xxiuheb ut queꞌe̱lelic chiru.