Números 13:32 - Li Santil hu

³² Eb li cui̱nk aꞌan incꞌaꞌ us queꞌxye reheb laj Israel chirix li naꞌajej Canaán. Queꞌxye nak li ani nequeꞌxic chi cua̱nc saꞌ li naꞌajej aꞌan nequeꞌcam xban nak incꞌaꞌ cha̱bil li chꞌochꞌ. Ut eb li cui̱nk li cuanqueb aran kꞌaxal ni̱nkeb rok.

Q'eqchi Bible

³² Ut ke'ok chi xyeeb'al reheb' laj Israel naq li ch'och' li koxe'ril chaq moko chaab'il ta; ke'xye: “Li tenamit xo'qil chaq, a'an jun tenamit li naxsacheb' li wankeb' aran. Chixjunil li poyanam xqileb' chaq aran, junes ninqeb' xteram.

Números 13:32 ပူးပေါင်းရင်းမြစ်များ

Amós 2:9

Abanan re e̱colbal la̱ex aj Israel xebinsach laj amorreo, usta kꞌaxal ni̱nkeb rok, joꞌ li caki cheꞌ chacalteꞌ. Usta kꞌaxal cau ribeb joꞌ li ji, xebinsach chi junaj cua.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

1 Crónicas 20:6

Toj quicuan jun chic ple̱t aran Gat. Saꞌ li ple̱t aꞌan quicuan jun li cui̱nk kꞌaxal najt rok. Li cui̱nk aꞌan cablaju li ruꞌuj rukꞌ ut cablaju li ruꞌuj rok. Ca̱hib xcaꞌcꞌa̱l chixjunil. Xcomoneb li ralal xcꞌajol li ni̱nki cui̱nk.

2 Samuel 21:20

Toj quicuan jun chic ple̱t aran Gat. Saꞌ li ple̱t aꞌan quicuan jun chic li cui̱nk kꞌaxal najt rok. Li cui̱nk aꞌan cablaju li ruꞌuj rukꞌ ut cablaju li ruꞌuj rok. Li cui̱nk aꞌan xcomoneb ajcuiꞌ li ni̱nki cui̱nk.

Deuteronomio 1:28

¿Bar ta̱ru̱k toxic anakcuan? Xchꞌinan li kachꞌo̱l xban nak eb li kacomon xeꞌxye ke nak eb li cristian aran ni̱nkeb rok chiku la̱o ut cauheb rib. Ut ni̱nkeb li tenamit ut ni̱nkeb ajcuiꞌ xteram li tzꞌac li sutsu̱queb cuiꞌ. Ut xeꞌrileb ajcuiꞌ chak ruheb li ralal xcꞌajol li nimla cui̱nk aj Anac xcꞌabaꞌ.”

Números 13:28

Abanan eb li cristian li cuanqueb aran kꞌaxal cauheb rib. Ut li tenamit ni̱nkeb ut yi̱banbil chi cha̱bil ut sutsu riqꞌuin tzꞌac. Ut moco caꞌaj cuiꞌ ta aꞌin. Xkil ajcuiꞌ chak ruheb li ralal xcꞌajol li mamaꞌ cui̱nk aj Anac.

Salmos 106:24

Xban nak incꞌaꞌ queꞌxpa̱b li ra̱tin li Dios, eb laj Israel queꞌxtzꞌekta̱na li cha̱bil naꞌajej li quiqꞌueheꞌ raj reheb.

Ezequiel 36:12

La̱in tincꞌameb cuiꞌchic laj Israel saꞌ lix naꞌajeb. Aꞌaneb li teꞌe̱chani̱nk re li chꞌochꞌ. Ut eb li ralal xcꞌajol junelic teꞌxtzaca ru li acui̱mk li ta̱e̱lk saꞌ li chꞌochꞌ aꞌin. Ut incꞌaꞌ chic teꞌca̱mk xban cueꞌej.

Amós 2:10

La̱in xin-isin chak e̱re aran Egipto ut caꞌcꞌa̱l (40) chihab xexinberesi saꞌ li chaki chꞌochꞌ. Ut la̱in xinqꞌuehoc e̱re lix naꞌajeb laj amorreo.