Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.
Números 13:27 - Li Santil hu27 Ut queꞌxye reheb: —Xocuulac chak chirilbal li naꞌajej li xoa̱takla cuiꞌ. Relic chi ya̱l li naꞌajej kꞌaxal cha̱bil. Aran na-el nabal li sahil echej. Aꞌan aꞌin li ru li quiꞌil kꞌe̱n li xkacꞌam chak saꞌ li naꞌajej aꞌan. အခန်းကိုကြည့်ပါ။Q'eqchi Bible27 A'an a'in li ke'xseeraq'i: “Xoowulak sa' li tenamit xoohaataqla wi', ut relik chi yaal naq xq'emal li ch'och'. A'aneb' a'in ru li awimq. အခန်းကိုကြည့်ပါ။ |
Números 13:27
22 ပူးပေါင်းရင်းမြစ်များ
La̱in tinyechiꞌi e̱re nak texcuisi saꞌ li raylal li yo̱quex chixcꞌulbal arin Egipto. Texincꞌam saꞌ li chꞌochꞌ li cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo ut eb laj jebuseo. Aꞌan jun nimla naꞌajej numtajenak xcha̱bilal bar cuan cuiꞌ li sahil echej”, chaꞌkat reheb.
Texninkꞌei̱k rajlal chihab saꞌ li po aꞌin nak cua̱nkex saꞌ li naꞌajej li yo̱ cuiꞌ che̱cꞌambal li Ka̱cuaꞌ Dios. Aꞌan li cha̱bil naꞌajej li quiyechiꞌi̱c reheb le̱ xeꞌto̱nil yucuaꞌ junxil ut te̱re̱chani ajcuiꞌ la̱ex. Aꞌan li naꞌajej cuanqueb cuiꞌ laj cananeo, laj heteo, laj amorreo, laj heveo ut laj jebuseo.
La̱in tincꞌameb saꞌ li naꞌajej li kꞌaxal cha̱bil li na-el cuiꞌ chi us li acui̱mk joꞌ quinyechiꞌi reheb lix xeꞌto̱nil yucuaꞌeb. Ta̱cua̱nk chixjunil li tzacae̱mk li teꞌraj ut teꞌcua̱nk aran chi saheb saꞌ xchꞌo̱l. Abanan eb aꞌan teꞌxjal xnaꞌlebeb ut teꞌxlokꞌoniheb li jalanil dios. Tineꞌxtzꞌekta̱na ut teꞌrisi xcuanquil lin contrato.
Cui la̱ex te̱ba̱nu li cꞌaꞌru tinye e̱re, la̱in tinba̱nu li quinye reheb le̱ xeꞌto̱nil yucuaꞌ riqꞌuin juramento. Quinye nak tinqꞌue reheb jun li cha̱bil naꞌajej li na-el cuiꞌ chi us li racui̱mkeb. Aꞌan li naꞌajej li cuanquex cuiꞌ anakcuan,” chan li Dios. Ut la̱in quinye re li Dios: —Joꞌcan taxak, at Ka̱cuaꞌ.—
Eb laj Israel queꞌbe̱c saꞌ li chaki chꞌochꞌ chiru caꞌcꞌa̱l chihab toj retal queꞌcam chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam xban nak incꞌaꞌ queꞌxba̱nu li quixye li Ka̱cuaꞌ. Joꞌcan nak li Dios quixye riqꞌuin juramento nak incꞌaꞌ naru teꞌoc saꞌ li cha̱bil naꞌajej li quixyechiꞌi reheb lix xeꞌto̱nil yucuaꞌ, li naꞌajej bar na-el cuiꞌ chi us li acui̱mk ut li sahil echej.
Eb li tenamit li caqꞌue reheb ac sutsu̱queb saꞌ tzꞌac ut yi̱banbil chi us. Cha̱bil li chꞌochꞌ li caqꞌue reheb. Ut eb li cab li queꞌoc cuiꞌ ac yi̱banbil chi us ut ac yi̱banbileb lix becbil haꞌ. Ac aubil li acui̱mk uvas ut olivos saꞌ li chꞌochꞌ. Ut cuan ajcuiꞌ nabal li cheꞌ li naxqꞌue ru. Ut eb laj Israel queꞌcuaꞌac chi us ut queꞌnujac. Queꞌcꞌojla xchꞌo̱leb xban xnimal la̱ cuusilal.
ကြော်ငြာတွေ