Números 13:2 - Li Santil hu

² —Ta̱taklaheb li cui̱nk chixqꞌuebal retal li naꞌajej Canaán, li tinqꞌue reheb laj Israel. Ta̱taklaheb li cui̱nk li cuanqueb xcuanquil, li nequeꞌcꞌamoc be chiruheb li junju̱nk xte̱paleb laj Israel, chan li Dios.

Q'eqchi Bible

² “Taqlaheb' winq re naq toxe'ril chaq li xteepal Kanahán, li tink'e reheb' laj Israel. Taqlaheb' li wankeb' xwankil, junjun re li junq teep”, chan.

Números 13:2 ပူးပေါင်းရင်းမြစ်များ

Números 32:8

Joꞌcan ajcuiꞌ queꞌxba̱nu le̱ xeꞌto̱nil yucuaꞌ aran Cades-barnea nak quintaklaheb chixqꞌuebal retal li naꞌajej aꞌan.

Números 34:18

Ta̱bokeb ajcuiꞌ li nequeꞌcꞌamoc be saꞌ li junju̱nk xte̱paleb laj Israel re nak teꞌtenkꞌa̱nk chixjeqꞌuinquil li chꞌochꞌ.

Deuteronomio 1:15

Joꞌcan nak la̱in quinxakabeb chi rakoc a̱tin saꞌ e̱be̱n li cui̱nk li nequeꞌcꞌamoc be saꞌ e̱ya̱nk, li cuanqueb xnaꞌleb ut nequeꞌxnau takla̱nc. Cuan li queꞌrakoc a̱tin saꞌ xbe̱n jun mil li cristian, cuan li queꞌrakoc a̱tin saꞌ xbe̱n jun ciento, cuan li queꞌrakoc a̱tin saꞌ xbe̱n laje̱b roꞌcꞌa̱l, ut cuan ajcuiꞌ li queꞌrakoc a̱tin saꞌ xbe̱n laje̱b chi cristian.

Números 11:16

Abanan li Ka̱cuaꞌ quichakꞌoc ut quixye re: —Chꞌutubeb laje̱b xca̱cꞌa̱lak li cui̱nk li nacanau ruheb li nequeꞌcꞌamoc be saꞌ xya̱nkeb laj Israel. Aꞌaneb li cuanqueb xcuanquil. Ut ta̱cꞌameb chiru li tabernáculo ut tine̱roybeni a̱cuochbeneb.

Números 1:4

Ut cua̱nkeb ajcuiꞌ che̱tenkꞌanquil li nequeꞌcꞌamoc be saꞌ xya̱nkeb li junju̱nk xte̱paleb laj Israel.

Éxodo 18:25

Laj Moisés quixsiqꞌueb ru li cui̱nk li tzꞌakal re ru xnaꞌlebeb joꞌ quiyeheꞌ re. Quixxakabeb chi rakoc a̱tin saꞌ xbe̱neb li cristian. Cuan li queꞌrakoc a̱tin saꞌ xbe̱n jun mil chi cristian, cuan queꞌrakoc a̱tin saꞌ xbe̱neb jun ciento chi cristian, cuan queꞌrakoc a̱tin saꞌ xbe̱n mero ciento chi cristian, ut cuan ajcuiꞌ queꞌrakoc a̱tin saꞌ xbe̱n laje̱b chi cristian.

Números 13:3

Joꞌcan nak laj Moisés quixtaklaheb li cui̱nk nak cuanqueb chak saꞌ li chaki chꞌochꞌ Parán joꞌ quiyeheꞌ re xban li Dios. Chixjunileb li cui̱nk li queꞌtakla̱c, aꞌaneb li nequeꞌcꞌamoc be chiruheb li junju̱nk xte̱paleb laj Israel.

Deuteronomio 9:23

Ut aran Cades-barnea li Ka̱cuaꞌ quixye e̱re: Texxic anakcuan chire̱chaninquil li naꞌajej li quinqꞌue e̱re, chan. Abanan la̱ex quekꞌet li ra̱tin li Ka̱cuaꞌ le̱ Dios. Incꞌaꞌ quepa̱b li cꞌaꞌru quixye e̱re chi moco queba̱nu li quixye.

Números 13:16

Aꞌin lix cꞌabaꞌeb li cui̱nk li queꞌtakla̱c xban laj Moisés chixqꞌuebal retal li naꞌajej Canaán: laj Oseas li ralal laj Nun quiqꞌueheꞌ aj Josué chokꞌ xcꞌabaꞌ xban laj Moisés.

Josué 3:12

Anakcuan ut ta̱sicꞌ ruheb cablaju chi cui̱nk. Junju̱nk chi cui̱nk ta̱sicꞌ saꞌ xya̱nkeb li junju̱nk xte̱paleb laj Israel.