Números 13:16 - Li Santil hu

¹⁶ Aꞌin lix cꞌabaꞌeb li cui̱nk li queꞌtakla̱c xban laj Moisés chixqꞌuebal retal li naꞌajej Canaán: laj Oseas li ralal laj Nun quiqꞌueheꞌ aj Josué chokꞌ xcꞌabaꞌ xban laj Moisés.

Q'eqchi Bible

¹⁶ A'aneb' a'in li xk'ab'a'eb' li winq ke'taqlaak xb'aan laj Moisés re rilb'al li tenamit. Ab'an laj Oseas, ralal laj Nun, Josué kik'ehe'k cho'q xk'ab'a' xb'aan laj Moisés.

Números 13:16 ပူးပေါင်းရင်းမြစ်များ

Números 13:8

Ut saꞌ lix te̱paleb li ralal xcꞌajol laj Efraín quitakla̱c laj Oseas li ralal laj Nun.

Éxodo 17:9

Laj Moisés quixye re laj Josué: —Ta̱siqꞌueb ru li cui̱nk li teꞌxic chi pletic riqꞌuineb laj Amalec. Ut cuulaj tinxakli̱k saꞌ xbe̱n li tzu̱l ut cua̱nk lin xukꞌ saꞌ cuukꞌ li nacꞌutuc xcuanquil li Dios.

Hebreos 4:8

Eb li queꞌpa̱ban saꞌ xya̱nkeb laj Israel queꞌoc chi hila̱nc saꞌ li naꞌajej Canaán nak laj Josué quicꞌamoc be chiruheb. Abanan ma̱cuaꞌ aꞌan li tzꞌakal naꞌajej re hila̱nc chi junelic. Cui ta aꞌan li tzꞌakal hiloba̱l, incꞌaꞌ raj chic quixye li Dios nak toj naru to-oc chi hila̱nc riqꞌuin.

Romanos 9:25

Joꞌcaꞌin quixye li Dios joꞌ tzꞌi̱banbil saꞌ li Santil Hu xban laj Oseas: Ta̱cuulak xkꞌehil nak la̱in tinye “cualal incꞌajol” reheb li ma̱cuaꞌeb cualal incꞌajol. Eb aꞌan incꞌaꞌ sicꞌbileb chak ru inban. Anakcuan tinye reheb: “raro̱quex inban”. (Ose. 2:23)

Hechos 7:45

Eb li kaxeꞌto̱nil yucuaꞌ queꞌxcꞌul li muheba̱l aꞌin. Ut nak laj Josué quicꞌamoc be chiruheb chi pletic, queꞌxcꞌam li muheba̱l chirixeb. Ut queꞌre̱chani lix chꞌochꞌeb li ma̱cuaꞌeb aj judío nak li Dios quirisi chiruheb li kaxeꞌto̱nil yucuaꞌ li xicꞌ queꞌiloc reheb. Li muheba̱l aꞌan quicꞌanjelac saꞌ eb li cutan aꞌan toj chalen nak quicuan laj David chokꞌ rey.

Oseas 1:1

Li tzꞌi̱banbil saꞌ li hu aꞌin, aꞌan li quixye li Ka̱cuaꞌ re laj Oseas, li ralal laj Beeri, saꞌ eb li cutan nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías, ut nak quicuan chokꞌ xreyeb laj Israel laj Jeroboam, li ralal laj Joás.

Deuteronomio 32:44

Laj Moisés quicuulac rochben laj Josué li ralal laj Nun ut quixye reheb li tenamit li ra̱tinal li bich aꞌin.

Números 14:30

Relic chi ya̱l nak ma̱ jun e̱re la̱ex tex-oc saꞌ li naꞌajej quinyechiꞌi e̱re riqꞌuin juramento. Caꞌaj cuiꞌ eb laj Caleb li ralal laj Jefone ut laj Josué li ralal laj Nun naru teꞌoc.

Números 14:6

Ut laj Josué li ralal laj Nun ut laj Caleb li ralal laj Jefone queꞌxpeji li rakꞌeb xban xrahil xchꞌo̱leb. Aꞌaneb xcomoneb li queꞌcuulac chak chixqꞌuebal retal li naꞌajej.

Números 13:15

Ut saꞌ lix te̱paleb li ralal xcꞌajol laj Gad quitakla̱c laj Geuel li ralal laj Maqui.

Números 13:2

—Ta̱taklaheb li cui̱nk chixqꞌuebal retal li naꞌajej Canaán, li tinqꞌue reheb laj Israel. Ta̱taklaheb li cui̱nk li cuanqueb xcuanquil, li nequeꞌcꞌamoc be chiruheb li junju̱nk xte̱paleb laj Israel, chan li Dios.

Números 27:18

Ut li Ka̱cuaꞌ quixye re laj Moisés: —Laj Josué li ralal laj Nun, aꞌan cuan lin musikꞌ riqꞌuin. Ta̱qꞌue la̱ cuukꞌ saꞌ xjolom ut ta̱xakab chi cꞌamoc be chiruheb li tenamit.

1 Crónicas 7:27

li ralal laj Elisama, aꞌan laj Nun; li ralal laj Nun, aꞌan laj Josué.