Números 12:7 - Li Santil hu

⁷ Aban moco joꞌcan ta ninba̱nu riqꞌuin laj Moisés laj cꞌanjel chicuu. Aꞌan ti̱c xchꞌo̱l ut aꞌan li kꞌaxal naxqꞌue xchꞌo̱l chi cꞌanjelac saꞌ xya̱nkeb lin tenamit Israel.

Q'eqchi Bible

⁷ Ab'an moko jo'kan ta ninb'aanu re laj Moisés laj k'anjel chiwu; chixjunil lintenamit q'axtesinb'il re.

Números 12:7 ပူးပေါင်းရင်းမြစ်များ

1 Corintios 4:2

Li ani sicꞌbil ru chixchꞌolobanquil lix ya̱lal tento nak ti̱cak xchꞌo̱l.

Salmos 105:26

Li Dios quixtakla aran Egipto laj Moisés aj cꞌanjel chiru. Ut quixtakla ajcuiꞌ laj Aarón li quixsicꞌ ru.

Josué 1:1

Nak ac xcam laj Moisés, laj cꞌanjel chiru li Dios, laj Josué li ralal laj Nun quia̱tina̱c xban li Dios. Laj Josué, aꞌan li quitenkꞌan re laj Moisés.

San Mateo 11:11

Relic chi ya̱l tinye e̱re nak ma̱ jun reheb li nequeꞌyoꞌla arin saꞌ ruchichꞌochꞌ naxkꞌax xcuanquil laj Juan laj Cubsihom Haꞌ. Aban li kꞌaxal caꞌchꞌin saꞌ lix nimajcual cuanquil li Dios, kꞌaxal us chokꞌ re aꞌan chiru laj Juan (xban nak laj Juan incꞌaꞌ quiril lix nimajcual cuanquilal li Dios arin saꞌ ruchichꞌochꞌ).

1 Timoteo 3:15

Abanan ma̱re tinba̱yk chi cuulac. Joꞌcan nak yo̱quin chi tzꞌi̱bac a̱cuiqꞌuin re nak ta̱nau chanru teꞌcꞌanjelak li teꞌxakaba̱k chi cꞌanjelac saꞌ xya̱nkeb li nequeꞌpa̱ban re li yoꞌyo̱quil Dios. Ut la̱o aj pa̱banel, la̱o li nakaqꞌue xcuanquil ut nakacol rix li katijbal li tzꞌakal ya̱l.

Hechos 7:31

Ut laj Moisés cꞌajoꞌ nak quisach xchꞌo̱l chirilbal ut quinachꞌoc riqꞌuin re ta̱ril chi us. Quirabi xya̱b xcux li Ka̱cuaꞌ nak quixye:

San Mateo 11:9

¿Cꞌaꞌru coxe̱ril chak? ¿Ma junak profeta coxe̱ril chak? Ya̱l nak aꞌan jun profeta. Abanan la̱in tinye e̱re nak li jun aꞌin naxkꞌax ru xcuanquil junak profeta.

Deuteronomio 18:18

La̱in tinqꞌue junak profeta saꞌ e̱ya̱nk joꞌ la̱at. E̱comon ajcuiꞌ la̱ex. La̱in tinqꞌue li cua̱tin re ut aꞌan tixye reheb li tenamit chixjunil li cꞌaꞌru tinye la̱in.

Deuteronomio 34:5

Ut laj Moisés, laj cꞌanjel chiru li Dios, quicam saꞌ li naꞌajej Moab joꞌ yebil xban li Ka̱cuaꞌ.

Josué 1:2

Ut li Dios quixye re: —Anakcuan xcam laj Moisés laj cꞌanjel chicuu. Joꞌcan nak la̱at chic tatcꞌamok be chiruheb li tenamit aꞌin. Anakcuan texnumekꞌ jun pacꞌal li nimaꞌ Jordán a̱cuochbeneb chixjunileb li tenamit aꞌin. Texxic saꞌ li naꞌajej li oc cue chixkꞌaxtesinquil e̱re la̱ex li ralal xcꞌajol laj Israel.

Li xHu LAJ JOB 1:8

Ut li Ka̱cuaꞌ Dios quixye re laj tza: —¿Ma incꞌaꞌ nacacuil laj Job laj cꞌanjel chicuu? Ma̱ ani chic junak cui̱nk joꞌ aꞌan saꞌ ruchichꞌochꞌ. Aꞌan tzꞌakal re ru lix yuꞌam ut ti̱c xchꞌo̱l. Aꞌan naxxucua cuu ut incꞌaꞌ naxba̱nu ma̱usilal, chan.

Éxodo 33:11

Ut naa̱tinac li Dios riqꞌuin laj Moisés joꞌ nak nequeꞌa̱tinac cuib li rami̱gueb rib. Nak nasukꞌi laj Moisés saꞌ xmuheba̱l, laj Josué laj cꞌanjel chiru, nacana saꞌ li tabernáculo. Li sa̱j cui̱nk aꞌin, aꞌan li ralal laj Nun.