Números 12:6 - Li Santil hu

⁶ Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.

Q'eqchi Bible

⁶ “Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Números 12:6 ပူးပေါင်းရင်းမြစ်များ

1 Reyes 3:5

Saꞌ jun li kꞌojyi̱n li Ka̱cuaꞌ Dios quixcꞌutbesi rib chiru laj Salomón saꞌ li naꞌajej Gabaón nak yo̱ chi cua̱rc ut quixye re: —Tzꞌa̱ma li cꞌaꞌru ta̱cuaj ut la̱in tinqꞌue a̱cue, chan.

Génesis 46:2

Chiru li kꞌojyi̱n aꞌan, li Ka̱cuaꞌ Dios quia̱tinac riqꞌuin laj Israel chanchan saꞌ xmatcꞌ. —Jacob, chan li Dios re. —Cueꞌquin, cuanquin arin, chan nak quichakꞌoc laj Israel.

San Lucas 1:22

Ut nak qui-el chak saꞌ li templo mem chic laj Zacarías. Incꞌaꞌ chic naa̱tinac. Yal rukꞌ aj chic naxcꞌut chiruheb li nequeꞌa̱tinan re. Ticto queꞌxtau ru nak quicꞌutbesi̱c chak chiru jun li visión saꞌ li templo.

San Lucas 1:11

Saꞌ li ho̱nal aꞌan quixcꞌutbesi rib chiru laj Zacarías jun x-ángel li Ka̱cuaꞌ Dios. Xakxo saꞌ xnim chixcꞌatk li artal li nacꞌatman cuiꞌ li incienso.

Daniel 10:8

Quincana injunes ut quicuil li sachba chꞌo̱lej aꞌin li quicꞌutbesi̱c chicuu. Qui-osoꞌ lin metzꞌe̱u nak quicuecꞌa. Quinsakquirinoꞌ ut ma̱cꞌaꞌ chic inmetzꞌe̱u quincana.

Ezequiel 1:1

La̱in laj Ezequiel laj tij. La̱in jun saꞌ xya̱nkeb laj Israel li queꞌchapeꞌ ut queꞌcꞌameꞌ saꞌ li naꞌajej Babilonia. Cocꞌameꞌ chire li nimaꞌ Quebar. O̱b cutan chic xticlajic xca̱ li po re li laje̱b xcaꞌcꞌa̱l chihab nak li Dios quixcꞌutbesiheb li visión chicuu. Quiteli li choxa chicuu nak quicuil.

Hechos 10:11

Quiril nak teto li choxa ut chanchan jun nimla saki tꞌicr yo̱ chak chi cubec. Pixbil saꞌ xca̱ pacꞌalil lix xuc li tꞌicr ut yo̱ chak chi cubec saꞌ ruchichꞌochꞌ.

San Mateo 1:20

Ut yo̱ chixcꞌoxlanquil aꞌin laj José nak jun lix ángel li Ka̱cuaꞌ quixcꞌutbesi rib chiru saꞌ xmatcꞌ ut quixye re: —At José, ralalat li rey David, matcꞌoxlac chixcꞌambal lix María chokꞌ a̱cuixakil. Aꞌan xcana chi yaj aj ixk xban xcuanquil li Santil Musikꞌej.

Daniel 8:2

Nak quicꞌutbesi̱c chicuu cuanquin aran Susa, lix nimal ru tenamit saꞌ li naꞌajej Elam. Xakxo̱quin chire li nimaꞌ Ulai nak quicuil.

San Mateo 2:19

Ut nak quicam laj Herodes, jun x-ángel li Ka̱cuaꞌ quixcꞌutbesi rib chiru laj José saꞌ xmatcꞌ aran Egipto.

Daniel 7:1

Saꞌ li xbe̱n chihab nak laj Belsasar quicuan chokꞌ xreyeb laj Babilonia, laj Daniel yo̱ chi cua̱rc saꞌ lix chꞌa̱t nak quiril jun li visión li quicꞌutbesi̱c chiru saꞌ lix matcꞌ. Ut quixtzꞌi̱ba li cꞌaꞌru quiril.

Jeremías 23:28

Li ani namatqꞌuec chixyehak cꞌaꞌru lix matcꞌ. Ut li ani naxnau li cua̱tin, chixyehak resil chi anchal xchꞌo̱l. ¿Ma kꞌaxal us ta biꞌ li qꞌuim chiru li trigo?

Salmos 105:15

Quixye reheb: —Ma̱cꞌaꞌ te̱ba̱nu reheb laj Israel li sicꞌbileb ru inban. Chi moco te̱ba̱nu raylal reheb li nequeꞌcꞌanjelac chicuu chokꞌ profeta, chan.

Salmos 89:19

La̱at xacꞌutbesi jun li visión chiruheb la̱ tenamit ut xaye reheb: —La̱in xinqꞌue xcuanquil jun li cui̱nk cau rib. La̱in xinxakaban re chi takla̱nc saꞌ xbe̱n lin tenamit.

Li xHu LAJ JOB 33:15

Cuan nak li Dios nara̱tinaheb li cristian saꞌ lix matqꞌueb malaj ut saꞌ visión chi kꞌek nak yo̱queb chi cua̱rc.

Li xHu LAJ JOB 4:13

Chi kꞌek nak ac yo̱queb chi cua̱rc chixjunileb li cristian, quinmatqꞌue jun li matcꞌ kꞌaxal xiu xiu.

Éxodo 7:1

Ut li Ka̱cuaꞌ Dios quixye re laj Moisés: —La̱at tatinqꞌue chi cꞌanjelac chokꞌ cuu̱chil chiru laj faraón. Ut laj Aarón ta̱a̱tinak chokꞌ a̱cuu̱chil la̱at.

Génesis 20:7

Ut anakcuan ta̱kꞌaxtesi li ixk aꞌin riqꞌuin lix be̱lom. Laj Abraham aꞌan jun li profeta li nayehoc re li cua̱tin ut aꞌan ta̱tijok cha̱cuix re nak incꞌaꞌ tatca̱mk. Abanan cui incꞌaꞌ nacakꞌaxtesi li ixk aꞌin, la̱at tatca̱mk, joꞌ eb ajcuiꞌ la̱ comon, chan li Dios.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Apocalipsis 11:10

Ut li cuanqueb saꞌ ruchichꞌochꞌ ta̱sahokꞌ saꞌ xchꞌo̱leb nak teꞌca̱mk li cuib chi cui̱nk ut ta̱cꞌojla̱k xchꞌo̱leb. Joꞌcan nak teꞌoc chixsihinquil cꞌaꞌru reheb chi ribileb rib. Ta̱sahokꞌ xchꞌo̱leb nak teꞌca̱mk li cuib chi cui̱nk xban nak chꞌaꞌaj queꞌrecꞌa nak queꞌyeheꞌ reheb nak ta̱cha̱lk raylal saꞌ xbe̱neb.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Efesios 4:11

¿Cꞌaꞌru xya̱lal nak tzꞌi̱banbil nak quixqꞌue xma̱taneb li ralal xcꞌajol li Dios? Naraj naxye nak cuan li quiqꞌueheꞌ xma̱taneb chi cꞌanjelac joꞌ apóstol. Cuan li quiqꞌueheꞌ xma̱taneb chi cꞌanjelac joꞌ profeta. Cuan li quiqꞌueheꞌ xma̱taneb chixyebal resil li colba-ib. Cuan li quiqꞌueheꞌ xma̱taneb chi cꞌamoc be chiruheb laj pa̱banel ut cuan ajcuiꞌ li quiqꞌueheꞌ xma̱taneb chixcꞌutbal lix ya̱lal chiruheb laj pa̱banel.

Hechos 10:17

Laj Pedro toj yo̱ ajcuiꞌ chixcꞌoxlanquil cꞌaꞌru xya̱lal li quicꞌutbesi̱c chiru nak queꞌcuulac li cui̱nk li queꞌtakla̱c xban laj Cornelio. Cuanqueb chire li cab ut yo̱queb chixpatzꞌbal bar cuan li rochoch laj Simón.

San Lucas 20:6

Ut cui takaye nak cui̱nk xtaklan chak re, chixjunileb li tenamit toeꞌxcamsi chi pec xban nak eb aꞌan nequeꞌxpa̱b nak laj Juan, aꞌan tzꞌakal profeta, chanqueb chi ribileb rib.

San Mateo 23:37

Ex aj Jerusalén, ex aj Jerusalén, nequecamsiheb li tzꞌakal profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

San Mateo 23:34

La̱in tintaklaheb e̱riqꞌuin li profeta ut li cuanqueb xnaꞌleb ut eb laj tzolonel. Abanan la̱ex incꞌaꞌ te̱rabi. Ut saꞌ xya̱nkeb aꞌan, cuan te̱camsiheb, cuan te̱qꞌueheb chiru cruz, ut cuan cuiꞌchic li te̱rahobtesiheb saꞌ li cab li nequechꞌutub cuiꞌ e̱rib chixtzolbal ra̱tin li Dios. Ut cuan cuiꞌchic te̱ta̱keheb saꞌ li junju̱nk chi tenamit re xchapbaleb.

San Mateo 23:31

Abanan riqꞌuin li ma̱usilal li nequeba̱nu la̱ex, nacꞌutun nak juntakꞌe̱tex riqꞌuineb le̱ xeꞌto̱nil yucuaꞌ, li queꞌcamsin reheb li profetas.

San Mateo 27:19

Nak laj Pilato cꞌojcꞌo saꞌ lix naꞌaj li narakoc cuiꞌ a̱tin, li rixakil quixtakla xyebal re: —Ma̱cꞌaꞌ ta̱ba̱nu re li cui̱nk aꞌan xban nak ma̱cꞌaꞌ xma̱c. Saꞌ xcꞌabaꞌ aꞌan nak kꞌaxal ra xinmatqꞌue chi kꞌek, chan.

Hebreos 1:1

Najter kꞌe cutan li Ka̱cuaꞌ Dios qꞌuila sut quixtaklaheb chak li profeta chixyebal li ra̱tin riqꞌuineb li kaxeꞌto̱nil yucuaꞌ. Quixsiqꞌui xya̱lal chanru nak tixchꞌolob xya̱lal chiruheb.

Génesis 28:12

Nak yo̱ chi cua̱rc, laj Jacob quimatqꞌuec. Saꞌ xmatcꞌ quiril jun chanchan escalera xakxo saꞌ chꞌochꞌ ut nacuulac toj saꞌ choxa xnajtil rok. Ut eb lix ángel li Ka̱cuaꞌ nequeꞌtakeꞌ ut nequeꞌcube chak chiru li escalera nak quiril.

Números 24:4

Laj Balaam quixye resil li cꞌaꞌru ta̱cꞌulma̱nk. Quixye: —La̱in laj Balaam li quin-abin re li cꞌaꞌru quixye li Ka̱cuaꞌ. La̱in quin-iloc re li visión li quixcꞌutbesi li nimajcual Dios. La̱in quincubsi cuib chiru li Ka̱cuaꞌ, ut aꞌan quixcꞌut lix ya̱lal chicuu.

1 Samuel 3:15

Laj Samuel quicana saꞌ xcuarib toj quisake̱u. Tojoꞌnak quicuacli ut quixte li oqueba̱l re li tabernáculo. Abanan quixucuac ut incꞌaꞌ quixye re laj Elí cꞌaꞌru quicꞌutbesi̱c chiru xban li Ka̱cuaꞌ.

1 Samuel 28:6

Laj Saúl quixpatzꞌ re li Dios cꞌaꞌru tixba̱nu. Abanan li Dios incꞌaꞌ chic quixsume chi moco saꞌ xmatcꞌ, chi moco riqꞌuin li Urim, chi moco xbaneb li profetas.

1 Reyes 3:15

Nak qui-aj ru laj Salomón quixqꞌue retal nak li Ka̱cuaꞌ quixcꞌutbesi rib chiru saꞌ xmatcꞌ. Co̱ Jerusalén ut quixakli chiru lix Lokꞌlaj Ca̱x li Ka̱cuaꞌ ut quixmayeja lix cꞌatbil mayej. Quixqꞌue ajcuiꞌ lix mayej re xcꞌambaleb rib saꞌ usilal riqꞌuin li Ka̱cuaꞌ. Chirix aꞌan quixba̱nu jun li ninkꞌe reheb chixjunileb li nequeꞌcꞌanjelac chiru.

Jeremías 23:25

La̱in nacuabi li cꞌaꞌru nequeꞌxye li profetas aj balakꞌ. Nequeꞌticꞌtiꞌic saꞌ incꞌabaꞌ ut nequeꞌxye: “Joꞌcaꞌin xinmatqꞌue”, chanqueb.

Daniel 2:19

Ut saꞌ ajcuiꞌ li kꞌojyi̱n aꞌan, li Dios quixcꞌutbesi chiru laj Daniel cꞌaꞌru lix matcꞌ li rey ut cꞌaꞌru lix ya̱lal. Ut laj Daniel quixlokꞌoni li Dios cuan saꞌ choxa.

Génesis 28:16

Laj Jacob qui-aj ru ut quixye: —Relic chi ya̱l nak li Ka̱cuaꞌ Dios cuan saꞌ li naꞌajej aꞌin. Ut la̱in incꞌaꞌ xinnau nak xin-oc chi hila̱nc arin, chan.

Génesis 37:5

Saꞌ jun li kꞌojyi̱n laj José quimatqꞌuec. Ut quixserakꞌi reheb li ras li cꞌaꞌru quiril saꞌ lix matcꞌ. Nak queꞌrabi li cꞌaꞌru quixye laj José, kꞌaxal cuiꞌchic xicꞌ queꞌril.

Génesis 37:9

Laj José quimatqꞌuec cuiꞌchic ut quixserakꞌi reheb li ras. Quixye reheb: —Abihomak cuiꞌchic la̱ex li cꞌaꞌru xcuil saꞌ lin matcꞌ. La̱in xcuil ru li sakꞌe ut li po ut xcuil ajcuiꞌ junlaju li chahim. Eb aꞌan queꞌxcuikꞌib rib chicuu nak xcuil, chan reheb li ras.

Deuteronomio 18:15

Li Ka̱cuaꞌ le̱ Dios tixqꞌue junak profeta saꞌ e̱ya̱nk sicꞌbil ru xban joꞌ la̱in. E̱comon ajcuiꞌ la̱ex. Tento nak chiru aꞌan tex-abi̱nk.

Deuteronomio 18:18

La̱in tinqꞌue junak profeta saꞌ e̱ya̱nk joꞌ la̱at. E̱comon ajcuiꞌ la̱ex. La̱in tinqꞌue li cua̱tin re ut aꞌan tixye reheb li tenamit chixjunil li cꞌaꞌru tinye la̱in.

1 Samuel 3:21

Ut li Ka̱cuaꞌ quixcꞌutbesi cuiꞌchic rib chiru laj Samuel saꞌ li naꞌajej Silo bar naa̱tinac cuiꞌ li Ka̱cuaꞌ riqꞌuin.

2 Samuel 7:4

Abanan, chiru li kꞌojyi̱n aꞌan li Ka̱cuaꞌ Dios quia̱tinac riqꞌuin laj Natán ut quixye re:

Oseas 12:11

—¿Ma incꞌaꞌ ta biꞌ numtajenak li ma̱c aran Galaad? Relic chi ya̱l nak numtajenak li ma̱c. Aran Gilgal nequeꞌxmayeja li cuacax. Abanan ta̱cuulak xkꞌehil nak ma̱cꞌaꞌ chic teꞌoc cuiꞌ lix artaleb. Chanchan li pec yal tu̱btu teꞌcana̱k saꞌ lix naꞌajeb.

Joel 3:1

Nak ta̱cuulak xkꞌehil, la̱in tinqꞌue cuiꞌchic li cꞌaꞌru reheb laj Judá ut eb laj Jerusalén.

Zacarías 1:8

Quixye laj Zacarías: —Saꞌ jun li kꞌojyi̱n quicꞌutbesi̱c jun li visión chicuu xban li Dios. Saꞌ li visión aꞌan quicuil jun li cui̱nk cuan chirix jun li cacua̱y cak rix saꞌ jun li ru takꞌa. Xakxo rubeleb li cheꞌ mirto. Ut chirix aꞌan cuanqueb chic nabaleb li cacua̱y. Cuanqueb cak rixeb. Cuanqueb repex rixeb ut cuanqueb ajcuiꞌ sak rixeb.