Números 12:2 - Li Santil hu

² Ut queꞌxye: —¿Ma caꞌaj cuiꞌ ta biꞌ riqꞌuin laj Moisés naa̱tinac li Ka̱cuaꞌ Dios? ¿Ma incꞌaꞌ ta biꞌ ta̱ru̱k ta̱a̱tinak ajcuiꞌ kiqꞌuin la̱o? chanqueb. Ut li Dios quirabi li cꞌaꞌru queꞌxye.

Q'eqchi Bible

² Ut ke'xye: “Li Qaawa' moko ka'aj ta wi' rik'in laj Moisés na'aatinak, na'aatinak aj b'an wi' qik'in laa'o”, chankeb'. Ut li Qaawa' kirab'i a'in.

Números 12:2 ပူးပေါင်းရင်းမြစ်များ

Números 16:3

Queꞌxchꞌutub ribeb ut queꞌco̱eb chixcuechꞌinquil laj Moisés ut laj Aarón. Queꞌxye reheb: —Xotitzꞌ e̱riqꞌuin. Tzꞌakal li xeba̱nu la̱ex. Chixjunileb li tenamit santobresinbileb xban li Dios ut li Ka̱cuaꞌ cuan kiqꞌuin. ¿Cꞌaꞌut nak la̱ex nequeraj takla̱nc saꞌ kabe̱n la̱o lix tenamit li Ka̱cuaꞌ? chanqueb.

Filipenses 2:14

Me̱choki e̱rib ut me̱cuechꞌi e̱rib. Cheba̱nuhak ban chixjunil saꞌ xya̱lal.

Filipenses 2:3

Incꞌaꞌ te̱ba̱nu cꞌaꞌak re ru yal xban nak cuan li cꞌaꞌru te̱ra, chi moco te̱ba̱nu yal re xnimobresinquil e̱rib. Checubsihak ban e̱rib. Me̱cꞌoxla nak kꞌaxal nim e̱cuanquil chiruheb le̱ ras e̱ri̱tzꞌin.

Miqueas 6:4

La̱in quin-isin chak e̱re saꞌ li naꞌajej Egipto ut la̱in quincoloc e̱re nak cuanquex chak chokꞌ rahobtesinbil mo̱s. Ut quintaklaheb chokꞌ aj cꞌamol be che̱ru laj Moisés, laj Aarón, ut lix María.

Isaías 37:4

Lix reyeb laj Asiria quixtakla laj Rabsaces chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Romanos 12:10

Cherahak e̱rib chi ribil e̱rib chi anchal e̱chꞌo̱l xban nak e̱comon e̱rib saꞌ le̱ pa̱ba̱l. Ut che-oxlokꞌi e̱rib chi ribil e̱rib.

2 Reyes 19:4

Lix reyeb laj Asiria quixtakla laj Rabsaces li nim xcuanquil chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios li hoboc ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Números 11:1

Saꞌ jun li cutan eb laj Israel queꞌoc chixcuechꞌinquil rix li Ka̱cuaꞌ xban li chꞌaꞌajquilal li cuanqueb cuiꞌ. Li Ka̱cuaꞌ quirabi li cꞌaꞌru yo̱queb chixyebal. Cꞌajoꞌ nak quijoskꞌoꞌ saꞌ xbe̱neb. Quixtakla chak li xam ut eb li muheba̱leb li cuanqueb toj chire queꞌcꞌat.

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

2 Samuel 11:27

Nak quinumeꞌ lix rahil xchꞌo̱l, laj David quixtakla xcꞌambal lix Betsabé saꞌ rochoch. Ut lix Betsabé quicana chokꞌ rixakil laj David. Quiyoꞌla jun lix cꞌulaꞌal chꞌina te̱lom. Abanan incꞌaꞌ quicuulac chiru li Ka̱cuaꞌ li cꞌaꞌru quixba̱nu laj David.

Números 11:29

Abanan laj Moisés quixye re: —¿Ma x-oc chi cakocꞌ la̱ chꞌo̱l chicuix? Us raj cui li Ka̱cuaꞌ tixqꞌue lix musikꞌ reheb chixjunileb lix tenamit re nak chixjunileb teꞌyehok ra̱tin profeta, chan.

Romanos 12:3

Xban ruxta̱n li Dios nak qꞌuebil cue lin cꞌanjel. Joꞌcan nak ninchꞌolob xya̱lal che̱ru re nak incꞌaꞌ te̱nimobresi e̱rib. Cheqꞌuehak ban xcuanquil le̱ cꞌanjel qꞌuebil e̱re xban li Dios saꞌ xcꞌabaꞌ le̱ pa̱ba̱l.

Proverbios 13:10

Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

Éxodo 7:10

Laj Moisés rochben laj Aarón nak queꞌcuulac riqꞌuin laj faraón. Ut queꞌxba̱nu joꞌ queꞌyeheꞌ re xban li Ka̱cuaꞌ Dios. Laj Aarón quixcut lix xukꞌ chiru laj faraón rochbeneb laj cꞌanjel chiru. Ut lix xukꞌ quisukꞌi chokꞌ cꞌantiꞌ.

Éxodo 5:1

Chirix nak queꞌa̱tinac riqꞌuineb laj Israel, laj Moisés ut laj Aarón queꞌco̱eb riqꞌuin laj faraón ut queꞌxye re: —Li nimajcual Dios, li nequeꞌxlokꞌoni laj Israel, xye chi joꞌcaꞌin, “Canabeb chi xic lin tenamit saꞌ li chaki chꞌochꞌ re nak aran teꞌninkꞌei̱k re xqꞌuebal inlokꞌal,” chan li Ka̱cuaꞌ Dios.—

Génesis 29:33

Ut lix Lea quicuan jun chic lix cꞌulaꞌal ut quixqꞌue aj Simeón chokꞌ xcꞌabaꞌ. Ut quixye: —Li Ka̱cuaꞌ Dios quixnau nak incꞌaꞌ ninraheꞌ. Joꞌcan nak xqꞌue jun chic lin cꞌulaꞌal, chan.

Éxodo 4:30

Ut laj Aarón quia̱tinac riqꞌuineb laj Israel ut quixye reheb li cꞌaꞌru quiyeheꞌ re laj Moisés xban li Ka̱cuaꞌ Dios. Ut laj Moisés quixcꞌut ajcuiꞌ chiruheb li milagros joꞌ quiyeheꞌ re xban li Ka̱cuaꞌ Dios.

Números 12:3

Laj Moisés, aꞌan jun cui̱nk kꞌaxal tu̱lan chiruheb chixjunileb li cui̱nk li cuanqueb saꞌ ruchichꞌochꞌ.

Éxodo 4:14

Quichal xjoskꞌil li Ka̱cuaꞌ Dios saꞌ xbe̱n laj Moisés. Tojoꞌnak quixye re laj Moisés: —¿Ma incꞌaꞌ ta biꞌ ninnau ru la̱ cuas laj Aarón laj levita? Aꞌan sa naa̱tinac. Nak tatxic aran Egipto aꞌan ta̱e̱lk chak cha̱cꞌulbal. Ta̱sahokꞌ saꞌ xchꞌo̱l nak ta̱ril a̱cuu.