Números 12:14 - Li Santil hu

¹⁴ Quichakꞌoc li Ka̱cuaꞌ ut quixye re laj Moisés: —Cui ta aꞌ lix yucuaꞌ xchu̱ban re xnakꞌ ru, ¿ma incꞌaꞌ raj tixmuk rib cuukubak cutan xban xxuta̱n? Isihomak cuukubak cutan saꞌ le̱ naꞌaj. Ut nak ac xnumeꞌ cuukub cutan, ta̱sukꞌi̱k cuiꞌchic chak saꞌ e̱ya̱nk, chan.

Q'eqchi Bible

¹⁴ Kichaq'ok li Qaawa' ut kixye re laj Moisés: “Wi ta li xyuwa' xchuub'a xnaq' ru lix María, ma ink'a' raj tento tixmuq rib' wuqub'aq kutan xb'aan xxutaan? Isihomaq b'i' lix María sa' eeyanq chiru wuqub' kutan; toja' naq teek'ul wi' chik eerik'in”, chan.

Números 12:14 ပူးပေါင်းရင်းမြစ်များ

Deuteronomio 25:9

li rixakil li camenak ta̱xic riqꞌuin li cui̱nk chiruheb li nequeꞌcꞌamoc be. Ta̱risi jun lix xa̱b li cui̱nk ut tixchu̱ba saꞌ xnakꞌ ru ut tixye re, “Joꞌcaꞌin ta̱uxma̱nk re li cui̱nk li incꞌaꞌ naraj xqꞌuebal ralal xcꞌajol li ras camenak.”

Li xHu LAJ JOB 30:10

Incꞌaꞌ nequeꞌraj jiloc cuiqꞌuin. Niquineꞌxtzꞌekta̱na ut nequeꞌxchu̱ba xnakꞌ cuu.

Isaías 50:6

Quinkꞌaxtesi ban lix yi cuix chi saqꞌuecꞌ. Ut quincanab cuib re teꞌxmichꞌ lin mach. Ut incꞌaꞌ quinmuk li xnakꞌ cuu chiruheb nak quineꞌxhob ut nak quineꞌxchu̱ba.

Hebreos 12:9

Saꞌ kacaꞌchꞌinal, li kanaꞌ kayucuaꞌ nocoeꞌxkꞌus ut naka-oxlokꞌiheb. ¿Ma tojaꞌ ta chic li kachoxahil yucuaꞌ incꞌaꞌ takapa̱b nak toxkꞌus? Cui nakapa̱b li kakꞌusbal naxqꞌue li Dios, cua̱nk kayuꞌam chi junelic.

San Mateo 26:67

Tojoꞌnak cuan queꞌchu̱ban re saꞌ ru. Ut cuan queꞌsacꞌoc re ut cuan queꞌpakꞌlen re chi rukꞌeb.

Li xHu LAJ JOB 17:6

Xaba̱nu raylal cue re nak chixjunileb li tenamit teꞌa̱tinak chicuix. Chanchan nequeꞌxchu̱ba xnakꞌ cuu nak niquineꞌxhob.

Levítico 14:8

Li ac xqꞌuira tixpuchꞌ li rakꞌ. Tixbes chixjunil li rismal ut ta̱ati̱nk re nak incꞌaꞌ chic muxbilak ru. Ta̱oc cuiꞌchic saꞌ li tenamit, aban incꞌaꞌ ta̱oc chi ticto saꞌ lix muheba̱l. Cuukub cutan ta̱cua̱nk chirix lix muheba̱l.

Números 5:1

Li Ka̱cuaꞌ Dios quixye re laj Moisés: —Ta̱ye reheb laj Israel nak teꞌrisi saꞌ xnaꞌaj lix muheba̱leb li cristian chixjunileb li saklep rixeb, ut li na-el xyaꞌal lix tzꞌejcualeb, joꞌqueb ajcuiꞌ li nequeꞌxmux rib riqꞌuin xchꞌeꞌbal li camenak.

2 Reyes 15:5

Li Ka̱cuaꞌ Dios quixqꞌue jun li yajel saklep chirix li rey Azarías. Joꞌcan nak quicuan xjunes saꞌ rochoch toj chalen nak quicam. Ut laj Jotam li ralal quicuan saꞌ li palacio ut quitaklan saꞌ xbe̱neb li tenamit.

Levítico 13:4

Cui ut sak lix ra ut moco cham ta xsaꞌ, chi moco sak li rismal chiru, laj tij tixqꞌue li yaj xjunes chiru cuukub cutan.