Números 11:5 - Li Santil hu

⁵ Najulticoꞌ ke nak chi ma̱tan katzaca chak li car aran Egipto ut katzaca chak li pepino, li melón, li puerro, li cebolla ut li a̱nx.

Q'eqchi Bible

⁵ K'ajo' naq najultiko'k qe eb' li kar naqatzeka aran Ejiipt, ut eb' li kok' k'um, li ki'il q'een, eb' li seb'ooy ut li anx.

Números 11:5 ပူးပေါင်းရင်းမြစ်များ

Éxodo 16:3

Queꞌxye reheb: —Incꞌaꞌ ta peꞌ cuan co-el chak Egipto. Kꞌaxal us raj nak coxcamsi ta li Ka̱cuaꞌ Dios nak toj cuanco chak saꞌ li tenamit Egipto. Aran sa cuanco cuiꞌ. Cuan katib ut cuan kacaxlan cua ut nujenako chi junelic. Ut la̱ex xoe̱cꞌam chak arin saꞌ li chaki chꞌochꞌ ut yo̱co chi xcuybal li kasaꞌ ut ca̱mc ke xban cueꞌej, chanqueb.

Filipenses 3:19

Eb aꞌan incꞌaꞌ us yo̱queb. Li cꞌaꞌru nequeꞌxrahi ru xba̱nunquil, aꞌan chic lix dioseb chiruheb xban nak junes aꞌan chic nequeꞌxcꞌoxla. Nequeꞌxnimobresi ribeb riqꞌuin xba̱nunquil li incꞌaꞌ us, usta xuta̱nal raj chokꞌ reheb. Junes li cꞌaꞌru cuan saꞌ ruchichꞌochꞌ nequeꞌxcꞌoxla. Eb aꞌan teꞌsachekꞌ saꞌ li tojba ma̱c.

Salmos 17:14

Riqꞌuin la̱ cuanquil china̱col chiruheb li sa nequeꞌxnumsi li cutan junju̱nk xban lix biomaleb arin saꞌ ruchichꞌochꞌ. Canabeb chixba̱nunquil li cꞌaꞌru nequeꞌraj toj retal teꞌosokꞌ joꞌqueb ajcuiꞌ li ralal xcꞌajol ut eb li ri xmam.

Números 14:2

Ut queꞌxcuechꞌi rix laj Moisés ut laj Aarón ut chixjunileb yo̱queb chixyebal: —Kꞌaxal us raj nak saꞌ li tenamit Egipto ta xocam chak malaj ut us raj toca̱mk arin saꞌ li chaki chꞌochꞌ.

Isaías 1:8

Caꞌaj chic li tenamit Sión xcana sutsu xbaneb li xicꞌ nequeꞌiloc re. Nacꞌutun chanchan li chꞌina cab li cuan saꞌ xnaꞌaj li acui̱mk uvas. Chanchan li chꞌina cab saꞌ xnaꞌaj li acui̱mk melón.

Jeremías 44:18

Chalen nak xkacanab xcꞌatbal kapom chiru li kanaꞌ po ut chalen nak xkacanab xmayejanquil li kavino chiru, ma̱cꞌaꞌ chic katzacae̱mk ut yo̱queb chi ca̱mc eb li kacomon saꞌ li ple̱t ut xban cueꞌej, chanqueb.

Jeremías 42:14

Cui te̱ye nak texxic chi cua̱nc Egipto bar nequecꞌoxla nak incꞌaꞌ ta̱cua̱nk li pletic chi moco te̱rabi xya̱b li trompeta, chi moco te̱cꞌul cueꞌej,