Números 11:4 - Li Santil hu

⁴ Saꞌ xya̱nkeb laj Israel cuanqueb li jalaneb xtenamit. Eb aꞌan junes cha̱bil tzacae̱mk teꞌraj xtzacanquil. Ut eb laj Israel queꞌoc cuiꞌchic chi cuechꞌi̱nc ut queꞌxye: Cuan ta ani ta̱qꞌuehok katib re takatzaca.

Q'eqchi Bible

⁴ Sa' xyanqeb' laj Israel wankeb' laj ab'l tenamit li junes wa'ak neke'xk'oxla. Toja' naq eb' laj Israel ke'ok chi wech'ink rik'in xyeeb'al: “Ani tawi' tk'ehoq qatib' re tqatzeka?

Números 11:4 ပူးပေါင်းရင်းမြစ်များ

1 Corintios 10:6

Chixjunil aꞌan nacꞌutuc chiku nak incꞌaꞌ takarahi ru li incꞌaꞌ us joꞌ queꞌxba̱nu eb aꞌan.

Éxodo 12:38

Ut cuanqueb ajcuiꞌ laj Egipto li queꞌco̱eb saꞌ xya̱nkeb laj Israel. Ut ma̱ caꞌchꞌin xqꞌuial li queto̱mk queꞌxcꞌam nak queꞌco̱eb.

Salmos 106:14

Nak cuanqueb aran saꞌ li chaki chꞌochꞌ bar ma̱cꞌaꞌ cuan, queꞌxrahi ru li tibel cua. Joꞌcan nak queꞌxyal rix li Ka̱cuaꞌ.

1 Corintios 15:33

Me̱qꞌue e̱rib chi balakꞌi̱c xbaneb li nequeꞌa̱tinac chi joꞌcan. Me̱junaji e̱rib riqꞌuineb li incꞌaꞌ useb xnaꞌleb xban nak li incꞌaꞌ useb xnaꞌleb nequeꞌxpoꞌ xchꞌo̱leb li cha̱bileb xnaꞌleb.

Nehemías 13:3

Caꞌaj cuiꞌ queꞌrabi li cꞌaꞌru quixye saꞌ li chakꞌrab, queꞌoc risinquil saꞌ xya̱nkeb li jalaneb xtenamit.

Romanos 13:14

Kakꞌaxtesihak ban kib chi tzꞌakal rubel rok rukꞌ li Ka̱cuaꞌ Jesucristo re nak aꞌan chic ta̱tenkꞌa̱nk ke riqꞌuin lix nimal xcuanquil. Ut incꞌaꞌ chic takaba̱nu li ma̱usilal li naxrahi ru li kachꞌo̱l nak toj ma̱jiꞌ nakapa̱b li Cristo.

Éxodo 16:3

Queꞌxye reheb: —Incꞌaꞌ ta peꞌ cuan co-el chak Egipto. Kꞌaxal us raj nak coxcamsi ta li Ka̱cuaꞌ Dios nak toj cuanco chak saꞌ li tenamit Egipto. Aran sa cuanco cuiꞌ. Cuan katib ut cuan kacaxlan cua ut nujenako chi junelic. Ut la̱ex xoe̱cꞌam chak arin saꞌ li chaki chꞌochꞌ ut yo̱co chi xcuybal li kasaꞌ ut ca̱mc ke xban cueꞌej, chanqueb.

Números 14:22

tinye a̱cue nak ma̱ jun reheb li cui̱nk aꞌin li xeꞌcuechꞌin cue teꞌoc saꞌ li naꞌajej li quinyechiꞌi reheb. Eb aꞌan queꞌril lin lokꞌal ut queꞌril ajcuiꞌ li sachba chꞌo̱lej li quinba̱nu aran Egipto joꞌqueb ajcuiꞌ li sachba chꞌo̱lej li quinba̱nu saꞌ li chaki chꞌochꞌ. Abanan nabal sut queꞌxyal cuix ut incꞌaꞌ queꞌxba̱nu li cꞌaꞌru quinye reheb.

Números 16:13

¿Ma incꞌaꞌ tzꞌakal riqꞌuin nak xoa̱cuisi saꞌ li tenamit li na-el cuiꞌ chi us li acui̱mk re toca̱mk saꞌ li chaki chꞌochꞌ? ¿Ma toj ta̱cuaj tattakla̱nk saꞌ kabe̱n saꞌ joskꞌil?

Jeremías 42:14

Cui te̱ye nak texxic chi cua̱nc Egipto bar nequecꞌoxla nak incꞌaꞌ ta̱cua̱nk li pletic chi moco te̱rabi xya̱b li trompeta, chi moco te̱cꞌul cueꞌej,

Éxodo 16:12

—La̱in xcuabi nak yo̱queb chi cuechꞌi̱nc laj Israel. Ta̱ye reheb nak joꞌcaꞌin xinye la̱in. “Rajlal ecuu textiꞌok tib ut ekꞌela texcuaꞌak cua. Chi joꞌcan te̱nau nak la̱in li Ka̱cuaꞌ le̱ Dios”, chan li Dios.

Números 11:18

Ta̱ye ajcuiꞌ reheb chixjunileb nak teꞌxsantobresi ribeb xban nak cuulaj tinqꞌue lix tibeb re teꞌxtzaca. La̱in xcuabi nak yo̱queb chi cuechꞌi̱nc ut yo̱queb chixyebal: Us raj cuan ta tib re takatzaca. Us nak cuanco chak Egipto, chanqueb. Joꞌcan nak anakcuan tinqꞌue lix tibeb re teꞌxtzaca.

Números 14:1

Chiru li kꞌojyi̱n aꞌan chixjunileb laj Israel japjo̱queb re chi ya̱bac.

Deuteronomio 9:22

Ut quechikꞌ ajcuiꞌ xjoskꞌil li Dios saꞌ eb li naꞌajej Tabera, Masah, ut Kibrot-hataava.