Números 11:31 - Li Santil hu

³¹ Ut li Ka̱cuaꞌ quixtakla chak saꞌ li este jun li cacuil ikꞌ li quixcꞌam chak nabaleb laj to̱nkꞌ li queꞌchal chak saꞌ xjayal li palau. Yo̱queb chi rupupic chixjun sutam li naꞌajej li cuanqueb cuiꞌ lix muheba̱leb. Jun metro xteram li yo̱queb chi rupupic. Cuanqueb chi nachꞌ ut cuanqueb toj chi najt joꞌ xnajtil nequeꞌbe̱c chiru jun cutan.

Q'eqchi Bible

³¹ Li Qaawa' kixtaqla chaq jun kawil iq', li kixk'am chaq naab'aleb' laj tonq' ut kolxtuub'eb' sa' xb'eeneb' li xmuheb'aaleb' laj Israel. K'ajo' li xk'ihaleb' laj tonq' ke'chalk chaq sa' xjayal li palaw! Wankeb' sa' xka'pak'alil li xmuheb'aaleb' jo' najtil neke'b'eek li poyanam chiru jun kutan, ut kaahib' k'utub' xteram ke'wulak.

Números 11:31 ပူးပေါင်းရင်းမြစ်များ

Éxodo 16:13

Ut joꞌcan qui-uxman. Nak ac ecuu chic quilajeꞌchal nabaleb laj to̱nkꞌ saꞌ li naꞌajej li cuanqueb cuiꞌ. Ut nak quisake̱u, cꞌajoꞌ lix chuꞌque cuan aran.

Salmos 105:40

Nak queꞌxtzꞌa̱ma xcuaheb, li Dios quixtaklaheb laj to̱nkꞌ re ta̱cua̱nk xtibeb ut quixtakla ajcuiꞌ li choxahil cua re teꞌcuaꞌak.

Salmos 135:7

Li Ka̱cuaꞌ naxtakla li chok saꞌ chixjunil li ruchichꞌochꞌ ut naxtakla li ca̱k joꞌ ajcuiꞌ li ikꞌ.

Éxodo 15:10

Xatakla li cacuil ikꞌ ut quixjunaji rib li haꞌ saꞌ xbe̱neb. Joꞌ li chꞌi̱chꞌ li kꞌaxal a̱l, nak quilajeꞌsubeꞌ rubel haꞌ.

Éxodo 10:19

Li Ka̱cuaꞌ Dios quixtakla cuiꞌchic jun li cacuil ikꞌ. Qui-el chak saꞌ li na-oc cuiꞌ li sakꞌe. Eb laj sa̱cꞌ quilajeꞌcꞌameꞌ xban li ikꞌ. Quilajeꞌcuteꞌ saꞌ jun li nimla palau Mar Rojo xcꞌabaꞌ. Ti̱c ma̱ jun chic laj sa̱cꞌ queꞌcana saꞌ li tenamit Egipto.

Éxodo 10:13

Ut laj Moisés quixtaksi lix xukꞌ saꞌ xbe̱n li tenamit Egipto. Ut li Ka̱cuaꞌ Dios quixtakla chak jun cacuil ikꞌ. Li ikꞌ qui-el chak saꞌ li na-el cuiꞌ chak li sakꞌe. Chi cutan ut chi kꞌojyi̱n yo̱ li ikꞌ. Ut nak quisake̱u, ac cuanqueb chic laj sa̱cꞌ li quixcꞌam chak li ikꞌ.

Números 11:30

Chirix aꞌan laj Moisés ut eb li nequeꞌcꞌamoc be saꞌ xya̱nkeb laj Israel queꞌsukꞌi saꞌ lix muheba̱leb.

Salmos 106:15

Li Dios quixqꞌue reheb li cꞌaꞌru queꞌxtzꞌa̱ma. Abanan quixtakla jun li yajel saꞌ xbe̱neb ut nabaleb queꞌcam xban.