Números 11:18 - Li Santil hu

¹⁸ Ta̱ye ajcuiꞌ reheb chixjunileb nak teꞌxsantobresi ribeb xban nak cuulaj tinqꞌue lix tibeb re teꞌxtzaca. La̱in xcuabi nak yo̱queb chi cuechꞌi̱nc ut yo̱queb chixyebal: Us raj cuan ta tib re takatzaca. Us nak cuanco chak Egipto, chanqueb. Joꞌcan nak anakcuan tinqꞌue lix tibeb re teꞌxtzaca.

Q'eqchi Bible

¹⁸ Taaye ajwi' reheb' li tenamit: Santob'resiiq eerib' xb'aan naq wulaj textzekanq tib'. Xexwab'i chi q'oqonk rik'in xyeeb'al: «Ani taak'ehoq tib' chiqatzeka? Q'axal sa chik naq xoowank aran Ejiipt». Jo'kan naq li Qaawa' tixk'e eetib' re teetzeka.

Números 11:18 ပူးပေါင်းရင်းမြစ်များ

Éxodo 19:10

Li Dios quixye re laj Moisés: —Tatxic riqꞌuineb li cristian. Chiru li cutan aꞌin ut cuulaj ta̱kꞌaxtesiheb saꞌ cuukꞌ. Eb aꞌan teꞌxpuchꞌ li rakꞌeb, ut teꞌxti̱cobresi lix yuꞌameb chi tzꞌakal. Teꞌati̱nk ut teꞌxpuchꞌ li rakꞌeb joꞌ retalil nak xeꞌxyi̱b xyuꞌameb.

Hechos 7:39

Abanan eb li kaxeꞌto̱nil yucuaꞌ incꞌaꞌ queꞌraj xpa̱banquil li cꞌaꞌru quixye. Queꞌxtzꞌekta̱na ban ut queꞌraj raj sukꞌi̱c cuiꞌchic Egipto.

Números 11:1

Saꞌ jun li cutan eb laj Israel queꞌoc chixcuechꞌinquil rix li Ka̱cuaꞌ xban li chꞌaꞌajquilal li cuanqueb cuiꞌ. Li Ka̱cuaꞌ quirabi li cꞌaꞌru yo̱queb chixyebal. Cꞌajoꞌ nak quijoskꞌoꞌ saꞌ xbe̱neb. Quixtakla chak li xam ut eb li muheba̱leb li cuanqueb toj chire queꞌcꞌat.

Jueces 21:2

Ut chixjunileb laj Israel queꞌxchꞌutub ribeb aran Bet-el. Queꞌxnumsi li cutan aꞌan chiru li Ka̱cuaꞌ toj qui-ecuu. Queꞌya̱bac chi cau ut queꞌxye:

Josué 7:13

¡Cuaclin! Ut ye reheb li tenamit nak teꞌxsantobresi ribeb re cuulaj xban nak la̱in li Ka̱cuaꞌ le̱ Dios la̱ex aj Israel, ninye chi joꞌcaꞌin: “La̱ex aj Israel, xexoc li cꞌaꞌak re ru li tento raj xesach ru chi junaj cua. Ut xexoc chokꞌ e̱re li xkꞌaxtesi̱c raj chi cꞌanjelac chicuu. Cui la̱ex incꞌaꞌ te̱risi aꞌan saꞌ e̱ya̱nk ma̱ jokꞌe te̱cuy pletic riqꞌuineb li xicꞌ nequeꞌiloc e̱re.”

Éxodo 19:15

Laj Moisés quixye reheb: —Checauresi e̱rib re li rox cutan. Eb li cui̱nk incꞌaꞌ teꞌcua̱nk riqꞌuin rixakileb, chan.

Génesis 35:2

Laj Jacob quixye reheb li ralal xcꞌajol joꞌ eb ajcuiꞌ li cuanqueb rubel xtakl: —Isihomak chixjunileb li jalanil dios li cuanqueb e̱riqꞌuin. Tex-ati̱nk ut texjalok chokꞌ retalil nak te̱canab xba̱nunquil li ma̱usilal.

Éxodo 19:22

Ut ta̱ye reheb li xbe̱n aj tij li teꞌnachꞌok chak cuiqꞌuin nak teꞌxkꞌaxtesi rib saꞌ cuukꞌ chi tzꞌakal, re nak incꞌaꞌ tinrakok a̱tin saꞌ xbe̱neb, chan li Dios.

Números 11:19

Ut moco jun cutan ta ajcuiꞌ tinqꞌueheb chi tiꞌoc tib. Chi moco cuib cutan, chi moco o̱b, chi moco laje̱b cutan, chi moco junmay cutan.

Li xHu LAJ JOB 20:13

Chanchan nak naxcanab caꞌchꞌinak saꞌ re, re nak ta̱recꞌa xsahil.

Li xHu LAJ JOB 20:23

Nak ac cuan chic nabal li cꞌaꞌru re, li Dios tixcꞌutbesi lix joskꞌil chiru ut tixqꞌue chixtojbal lix ma̱c.

Salmos 78:20

Ya̱l nak xjor li sako̱nac ut x-el chak nabal li haꞌ. Chanchan jun nimaꞌ nak qui-el chak li haꞌ. Abanan, ¿ma ta̱ru̱k ta biꞌ tixqꞌue li kacua? ¿Ma ta̱ru̱k ta biꞌ tixqꞌue katib re totzaca̱nk? chanqueb li tenamit.

Éxodo 16:8

Laj Moisés quixye ajcuiꞌ reheb: —Rajlal ecuu li Ka̱cuaꞌ Dios tixqꞌue chak le̱ tib re te̱tzaca ut rajlal ekꞌela tixqꞌue chak le̱ cua li joꞌ qꞌuial te̱raj. Li Ka̱cuaꞌ Dios xrabi nak yo̱quex chi cuechꞌi̱nc. ¿Aniho la̱o nak yo̱quex chikacuechꞌinquil? Moco la̱o ta yo̱quex chikacuechꞌinquil. Li Ka̱cuaꞌ Dios ban li yo̱quex chixcuechꞌinquil.—