Números 11:16 - Li Santil hu

¹⁶ Abanan li Ka̱cuaꞌ quichakꞌoc ut quixye re: —Chꞌutubeb laje̱b xca̱cꞌa̱lak li cui̱nk li nacanau ruheb li nequeꞌcꞌamoc be saꞌ xya̱nkeb laj Israel. Aꞌaneb li cuanqueb xcuanquil. Ut ta̱cꞌameb chiru li tabernáculo ut tine̱roybeni a̱cuochbeneb.

Q'eqchi Bible

¹⁶ Ab'anan li Qaawa' kichaq'ok ut kixye re laj Moisés: “Ch'utub'eb' we lajeeb' xkaak'aal (70) xtiixilaleb' laj Israel, eb' li ch'olch'o chawu naq tiixeb' ut aj tz'iib'eb'. K'ameb' chiru li Loq'laj Na'ajej, ut wanqeb' aran aawochb'een.

Números 11:16 ပူးပေါင်းရင်းမြစ်များ

Éxodo 24:1

Li Dios quia̱tinac riqꞌuin laj Moisés ut quixye re: —Quimkex. Takenkex chak chiru li tzu̱l bar cuanquin cuiꞌ. Ut teꞌcha̱lk a̱cuochben laj Aarón, laj Nadab, ut laj Abiú. Teꞌcha̱lk ajcuiꞌ laje̱b xca̱cꞌa̱l (70) li cui̱nk li nequeꞌcꞌamoc be chiruheb laj Israel. Ut aran chi najt caꞌchꞌinak tineꞌxlokꞌoni.

Éxodo 24:9

Chirix aꞌan, laj Moisés rochbeneb laj Aarón, laj Nadab ut laj Abiú queꞌtakeꞌ chiru li tzu̱l. Quilajeꞌtakeꞌ ajcuiꞌ li laje̱b xca̱cꞌa̱l (70) li cui̱nk li nequeꞌcꞌamoc be chiruheb laj Israel.

Deuteronomio 16:18

Te̱xakab laj rakol a̱tin ut eb li teꞌtakla̱nk saꞌ xbe̱neb li junju̱nk xte̱paleb saꞌ eb le̱ tenamit li tixqꞌue e̱re li Ka̱cuaꞌ le̱ Dios. Ut eb aꞌan teꞌrakok a̱tin saꞌ xbe̱neb le̱ tenamit saꞌ ti̱quilal.

Deuteronomio 1:15

Joꞌcan nak la̱in quinxakabeb chi rakoc a̱tin saꞌ e̱be̱n li cui̱nk li nequeꞌcꞌamoc be saꞌ e̱ya̱nk, li cuanqueb xnaꞌleb ut nequeꞌxnau takla̱nc. Cuan li queꞌrakoc a̱tin saꞌ xbe̱n jun mil li cristian, cuan li queꞌrakoc a̱tin saꞌ xbe̱n jun ciento, cuan li queꞌrakoc a̱tin saꞌ xbe̱n laje̱b roꞌcꞌa̱l, ut cuan ajcuiꞌ li queꞌrakoc a̱tin saꞌ xbe̱n laje̱b chi cristian.

Génesis 46:27

Cuib li ralal laj José queꞌyoꞌla aran Egipto. Laje̱b xca̱cꞌa̱l (70) chixjunileb li ralal xcꞌajol laj Jacob li cuanqueb Egipto.

San Lucas 10:17

Queꞌsukꞌi chak li laje̱b xca̱cꞌa̱l chi cui̱nk chi saheb saꞌ xchꞌo̱l ut queꞌxye re li Jesús: —At Ka̱cuaꞌ, saꞌ a̱cꞌabaꞌ la̱at nequeꞌpa̱ban chiku eb li ma̱us aj musikꞌej, chanqueb.

San Lucas 10:1

Ut chirix chic a cꞌaꞌak re ru aꞌin, li Ka̱cuaꞌ quixsiqꞌueb ru laje̱b xca̱cꞌa̱leb (70) chic chi cui̱nk ut quixtaklaheb chi caꞌcabil saꞌ eb li junju̱nk chi tenamit ut saꞌ eb li naꞌajej li bar talajeꞌnumekꞌ cuiꞌ.

Ezequiel 8:11

Ut aran xakxo̱queb li laje̱b xca̱cꞌa̱l (70) chi cui̱nk li nequeꞌcꞌamoc be saꞌ xya̱nkeb laj Israel. Saꞌ xya̱nkeb aꞌan cuan laj Jaazanías li ralal laj Safán. Saꞌ rukꞌ li junju̱nk cuan lix sansar ut yo̱ chi takecꞌ lix sibel li pom.

Éxodo 4:29

Queꞌco̱eb Egipto laj Moisés rochben laj Aarón. Ut aran queꞌxchꞌutubeb chixjunileb li cui̱nk li nequeꞌcꞌamoc be saꞌ xya̱nkeb laj Israel.

Deuteronomio 31:28

Ta̱chꞌutubeb chicuu chixjunileb li nequeꞌcꞌamoc be joꞌ eb ajcuiꞌ li nequeꞌtaklan re nak la̱in tina̱tinak riqꞌuineb. Ut cutan saken chiru li choxa ut li ruchichꞌochꞌ nak nequenau cꞌaꞌru te̱cꞌul cui te̱kꞌet li chakꞌrab li xinye anakcuan.

Éxodo 18:25

Laj Moisés quixsiqꞌueb ru li cui̱nk li tzꞌakal re ru xnaꞌlebeb joꞌ quiyeheꞌ re. Quixxakabeb chi rakoc a̱tin saꞌ xbe̱neb li cristian. Cuan li queꞌrakoc a̱tin saꞌ xbe̱n jun mil chi cristian, cuan queꞌrakoc a̱tin saꞌ xbe̱neb jun ciento chi cristian, cuan queꞌrakoc a̱tin saꞌ xbe̱n mero ciento chi cristian, ut cuan ajcuiꞌ queꞌrakoc a̱tin saꞌ xbe̱n laje̱b chi cristian.

Números 11:24

Ut laj Moisés quixye reheb li tenamit cꞌaꞌru quixye li Ka̱cuaꞌ. Quixchꞌutubeb laje̱b xca̱cꞌa̱l (70) li nequeꞌcꞌamoc be ut quixxakabeb chixjun sutam li tabernáculo.

Jeremías 19:1

Joꞌcaꞌin xye cue li Ka̱cuaꞌ: —Tatxic ut ta̱lokꞌ jun li cuc riqꞌuineb laj pacꞌonel. Cꞌam cha̱cuix cuib oxibak laj cꞌamol be saꞌ xya̱nkeb li tenamit ut ta̱cꞌameb ajcuiꞌ cuib oxibak laj tij.

Números 16:25

Laj Moisés co̱ riqꞌuineb laj Datán ut laj Abiram. Ut eb li nequeꞌcꞌamoc be saꞌ xya̱nkeb laj Israel queꞌco̱eb chirix.