Números 11:10 - Li Santil hu

¹⁰ Laj Moisés quirabi nak li junju̱nk cabal laj Israel yo̱queb chi ya̱bac chire lix muheba̱leb. Li Ka̱cuaꞌ cꞌajoꞌ nak quijoskꞌoꞌ riqꞌuineb. Ut laj Moisés incꞌaꞌ quicuulac chiru.

Q'eqchi Bible

¹⁰ Laj Moisés kirab'iheb' chi yaab'ak li tenamit; nayaab'ak li xjunkab'al li junjunq sa' rokeb'aal li xmuheb'aal. Toja' naq k'ajo' wi' chik naq kijosq'o'k li Qaawa'. Laj Moisés ajwi' ink'a' kiwulak chiru

Números 11:10 ပူးပေါင်းရင်းမြစ်များ

Salmos 78:21

Nak quirabi li nimajcual Dios li cꞌaꞌru yo̱queb chixyebal, cꞌajoꞌ nak quijoskꞌoꞌ riqꞌuineb, Chanchan li xam nak quichal lix joskꞌil saꞌ xbe̱neb laj Israel li ralal xcꞌajol laj Jacob.

San Marcos 10:14

Nak li Jesús quixqꞌue retal li yo̱queb chixba̱nunquil, cꞌajoꞌ nak quipoꞌ ut quixye reheb lix tzolom: —Canabomakeb li cocꞌal chi cha̱lc cuiqꞌuin. Me̱ram chiruheb xban nak lix nimajcual cuanquilal li Dios, aꞌan reheb li nequeꞌpa̱ban joꞌ nak nequeꞌpa̱ban li cocꞌal.

San Marcos 3:5

Quijoskꞌoꞌ li Jesús saꞌ xbe̱neb, abanan quiril cuiꞌchic xtokꞌoba̱l ruheb xban nak incꞌaꞌ queꞌraj xtaubal xya̱lal. Ut li Jesús quixye re li cui̱nk li sic rukꞌ: —Yeꞌ la̱ cuukꞌ, chan. Ut li cui̱nk quixyeꞌ li rukꞌ ut saꞌ junpa̱t quiqꞌuira.

Jeremías 17:4

Te̱sach le̱ naꞌaj li quinqꞌue e̱re xban li ma̱c li xeba̱nu. Texinqꞌue chi cꞌanjelac chiruheb li xicꞌ nequeꞌiloc e̱re saꞌ li naꞌajej li incꞌaꞌ nequenau xban nak xechikꞌ injoskꞌil. Anakcuan junelic yo̱k injoskꞌil saꞌ e̱be̱n, chan li Dios.

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Salmos 139:21

At nimajcual Dios, la̱in xicꞌ nequeꞌcuil li xicꞌ nequeꞌiloc a̱cue. Cꞌajoꞌ nak nachal injoskꞌil chi rilbaleb li nequeꞌxkꞌetkꞌeti ribeb cha̱cuu.

Salmos 106:25

Nak cuanqueb saꞌ lix muheba̱leb, queꞌxcuechꞌi rix li Ka̱cuaꞌ Dios ut incꞌaꞌ queꞌraj rabinquil li cꞌaꞌru quixye.

Salmos 78:59

Cꞌajoꞌ nak quijoskꞌoꞌ li Dios nak quiril nak yo̱queb chixlokꞌoninquil li yi̱banbil dios. Joꞌcan nak quixtzꞌekta̱naheb laj Israel.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Números 21:5

Queꞌxcuechꞌi rix li Dios ut queꞌxcuechꞌi ajcuiꞌ laj Moisés ut queꞌxye: —¿Cꞌaꞌut nak xoa̱cuisi chak Egipto? ¿Ma xoa̱cꞌam chak saꞌ li chaki chꞌochꞌ re toca̱mk? Arin ma̱cꞌaꞌ haꞌ re takucꞌ ut ma̱cꞌaꞌ cua. Xotitzꞌ riqꞌuin li tzacae̱mk aꞌin. Incꞌaꞌ sa, chanqueb.

Números 12:3

Laj Moisés, aꞌan jun cui̱nk kꞌaxal tu̱lan chiruheb chixjunileb li cui̱nk li cuanqueb saꞌ ruchichꞌochꞌ.

Números 11:1

Saꞌ jun li cutan eb laj Israel queꞌoc chixcuechꞌinquil rix li Ka̱cuaꞌ xban li chꞌaꞌajquilal li cuanqueb cuiꞌ. Li Ka̱cuaꞌ quirabi li cꞌaꞌru yo̱queb chixyebal. Cꞌajoꞌ nak quijoskꞌoꞌ saꞌ xbe̱neb. Quixtakla chak li xam ut eb li muheba̱leb li cuanqueb toj chire queꞌcꞌat.

Números 11:9

Nak natꞌaneꞌ li xchuꞌque chi kꞌek saꞌ li naꞌajej li cuanqueb cuiꞌ lix muheba̱leb, natꞌaneꞌ ajcuiꞌ li maná.

Números 11:11

Joꞌcan nak laj Moisés quixye re li Ka̱cuaꞌ: —¿Cꞌaꞌut nak nacaba̱nu ra cue la̱in? La̱in laj cꞌanjel cha̱cuu. ¿Cꞌaꞌru inma̱c cha̱cuu nak yo̱cat chixqꞌuebal li i̱k saꞌ inbe̱n re xcꞌambal li tenamit aꞌin?

Números 12:9

Ut cꞌajoꞌ lix joskꞌil li Ka̱cuaꞌ Dios saꞌ xbe̱neb nak qui-el riqꞌuin.