Números 11:1 - Li Santil hu

¹ Saꞌ jun li cutan eb laj Israel queꞌoc chixcuechꞌinquil rix li Ka̱cuaꞌ xban li chꞌaꞌajquilal li cuanqueb cuiꞌ. Li Ka̱cuaꞌ quirabi li cꞌaꞌru yo̱queb chixyebal. Cꞌajoꞌ nak quijoskꞌoꞌ saꞌ xbe̱neb. Quixtakla chak li xam ut eb li muheba̱leb li cuanqueb toj chire queꞌcꞌat.

Q'eqchi Bible

¹ Sa' jun kutan eb' laj Israel ke'ok chi xwech'inkil rix li Qaawa' xb'aan li ch'a'ajkilal wankeb' wi'. Naq kirab'i a'an li Qaawa', k'ajo' naq kichalk xjosq'il ut kixk'at li junqre li na'ajej wankeb' wi'.

Números 11:1 ပူးပေါင်းရင်းမြစ်များ

Números 21:5

Queꞌxcuechꞌi rix li Dios ut queꞌxcuechꞌi ajcuiꞌ laj Moisés ut queꞌxye: —¿Cꞌaꞌut nak xoa̱cuisi chak Egipto? ¿Ma xoa̱cꞌam chak saꞌ li chaki chꞌochꞌ re toca̱mk? Arin ma̱cꞌaꞌ haꞌ re takucꞌ ut ma̱cꞌaꞌ cua. Xotitzꞌ riqꞌuin li tzacae̱mk aꞌin. Incꞌaꞌ sa, chanqueb.

2 Reyes 1:12

Laj Elías quixye re: —Cui ya̱l nak la̱in tzꞌakal xprofeta li Dios, chicha̱lk ta xam saꞌ choxa re tatxcꞌat la̱at ut re ajcuiꞌ nak tixcꞌateb la̱ laje̱b roxcꞌa̱l chi soldado, chan. Ut li xam quichal chak saꞌ choxa ut queꞌcꞌat chixjunileb li soldado joꞌ ajcuiꞌ li nataklan saꞌ xbe̱neb.

Números 16:35

Ut li Ka̱cuaꞌ quixtakla li xam ut quixcꞌateb li cuib ciento riqꞌuin laje̱b roxcꞌa̱l (250) chi cui̱nk li queꞌcꞌatoc re li pom.

Deuteronomio 9:22

Ut quechikꞌ ajcuiꞌ xjoskꞌil li Dios saꞌ eb li naꞌajej Tabera, Masah, ut Kibrot-hataava.

Levítico 10:2

Joꞌcan nak li Ka̱cuaꞌ quixtakla jun li xam re teꞌcꞌatekꞌ. Ut aran queꞌcam chiru li Ka̱cuaꞌ.

Éxodo 16:9

Laj Moisés quixye re laj Aarón: —Joꞌcaꞌin ta̱ye reheb chixjunileb laj Israel, “Quimkex. Chꞌutubomak e̱rib chiru li Ka̱cuaꞌ Dios. Aꞌan xrabi nak yo̱quex chi cuechꞌi̱nc,” chaꞌkat reheb.—

San Judas 1:16

Eb aꞌin aj cuechꞌoneleb. Ma̱cꞌaꞌ nacuulac chiruheb. Caꞌaj cuiꞌ li cꞌaꞌru naxrahi ru li tzꞌejcualej nequeꞌxba̱nu. Nequeꞌa̱tinac re xnimobresinquileb ribeb. Nequeꞌxkꞌunbesi junak riqꞌuin kꞌunil a̱tin yal re li cꞌaꞌru nequeꞌraj riqꞌuin.

1 Corintios 10:10

Chi moco tocuechꞌok, joꞌ queꞌxba̱nu eb aꞌan. Ut xbaneb lix ma̱usilal queꞌcamsi̱c xban li ángel li quixtakla chak li Dios.

Isaías 30:33

Ac junxil cauresinbil chak li naꞌajej Tofet li ta̱cꞌatekꞌ cuiꞌ lix reyeb laj Asiria. Li naꞌajej aꞌan nim ru ut cꞌajoꞌ xchamal. Nabal li siꞌ ac tusbil saꞌ li naꞌajej aꞌan. Li Ka̱cuaꞌ nak ta̱musikꞌak tixloch xxamlel ut tixcꞌat riqꞌuin azufre.

Salmos 106:18

Ut quiloch jun li xam saꞌ lix naꞌajeb ut quixcꞌateb li incꞌaꞌ useb xnaꞌleb li queꞌta̱ken reheb.

Salmos 78:21

Nak quirabi li nimajcual Dios li cꞌaꞌru yo̱queb chixyebal, cꞌajoꞌ nak quijoskꞌoꞌ riqꞌuineb, Chanchan li xam nak quichal lix joskꞌil saꞌ xbe̱neb laj Israel li ralal xcꞌajol laj Jacob.

Li xHu LAJ JOB 1:16

Toj yo̱ ajcuiꞌ chi a̱tinac li cui̱nk aꞌan nak quicuulac jun chic li mo̱s. Quixye: —Xmok li ca̱k ut xcamsiheb la̱ carner ut xcamsiheb ajcuiꞌ laj ilol reheb. Caꞌaj chic la̱in xincoleꞌ. Joꞌcan nak xinchal chixyebal a̱cue, chan.

2 Samuel 11:27

Nak quinumeꞌ lix rahil xchꞌo̱l, laj David quixtakla xcꞌambal lix Betsabé saꞌ rochoch. Ut lix Betsabé quicana chokꞌ rixakil laj David. Quiyoꞌla jun lix cꞌulaꞌal chꞌina te̱lom. Abanan incꞌaꞌ quicuulac chiru li Ka̱cuaꞌ li cꞌaꞌru quixba̱nu laj David.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Éxodo 16:7

Cuulaj ekꞌela te̱ril xnimal xlokꞌal li Ka̱cuaꞌ Dios. Aꞌan xrabi nak yo̱quex chixchꞌiꞌchꞌiꞌinquil. ¿Aniho la̱o nak yo̱quex chikacuechꞌinquil?—

Isaías 33:14

Eb li nequeꞌxba̱nu li ma̱usilal li cuanqueb Sión cꞌajoꞌ nak nequeꞌxucuac. Nequeꞌsicsot xbaneb xxiu ut nequeꞌxye: —¿Ani ta biꞌ ta̱ru̱k ta̱colekꞌ chiru li xam li lochlo chi junelic? ¿Ani ta biꞌ ta̱ru̱k ta̱colekꞌ chiru li Ka̱cuaꞌ nak ta̱rakok a̱tin saꞌ kabe̱n? chanqueb.

Números 10:33

Joꞌcan nak queꞌel laj Israel saꞌ li tzu̱l Sinaí lix tzu̱l li Ka̱cuaꞌ. Oxib cutan queꞌbe̱c. Ut li Lokꞌlaj Ca̱x li xocxo cuiꞌ li contrato yo̱ chi xic chiruheb ut yo̱ chixsicꞌbal li naꞌajej bar teꞌhila̱nk cuiꞌ.

Génesis 38:10

Xban nak incꞌaꞌ quicuulac chiru li Dios li cꞌaꞌru quixba̱nu laj Onán, li Dios quixrak ajcuiꞌ lix yuꞌam aꞌan.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Hebreos 12:29

Li kaDios chanchan jun li xam xban nak tixsach chixjunil li incꞌaꞌ us.

Nahum 1:5

Riqꞌuin lix nimal xcuanquil, nequeꞌecꞌan li tzu̱l saꞌ xnaꞌaj ut nequeꞌhaꞌoꞌ xban lix cuanquil. Na-ecꞌan li ruchichꞌochꞌ xban lix cuanquil ut chixjunileb li cuanqueb saꞌ ruchichꞌochꞌ nequeꞌxucuac.

Lamentaciones 3:39

¿Cꞌaꞌut nak ta̱rahokꞌ xchꞌo̱l li cui̱nk xban li raylal li naxcꞌul, cui aꞌan ajcuiꞌ li yo̱ chi ma̱cobc?

Deuteronomio 25:18

Nak lublu̱quex ut tacuajenakex, eb li ralal xcꞌajol laj Amalec queꞌpletic e̱riqꞌuin ut queꞌxcamsiheb li ma̱cꞌaꞌ chic xmetzꞌe̱uheb. Incꞌaꞌ queꞌxxucua ru li Dios.

Números 11:18

Ta̱ye ajcuiꞌ reheb chixjunileb nak teꞌxsantobresi ribeb xban nak cuulaj tinqꞌue lix tibeb re teꞌxtzaca. La̱in xcuabi nak yo̱queb chi cuechꞌi̱nc ut yo̱queb chixyebal: Us raj cuan ta tib re takatzaca. Us nak cuanco chak Egipto, chanqueb. Joꞌcan nak anakcuan tinqꞌue lix tibeb re teꞌxtzaca.

Números 14:2

Ut queꞌxcuechꞌi rix laj Moisés ut laj Aarón ut chixjunileb yo̱queb chixyebal: —Kꞌaxal us raj nak saꞌ li tenamit Egipto ta xocam chak malaj ut us raj toca̱mk arin saꞌ li chaki chꞌochꞌ.

Números 14:22

tinye a̱cue nak ma̱ jun reheb li cui̱nk aꞌin li xeꞌcuechꞌin cue teꞌoc saꞌ li naꞌajej li quinyechiꞌi reheb. Eb aꞌan queꞌril lin lokꞌal ut queꞌril ajcuiꞌ li sachba chꞌo̱lej li quinba̱nu aran Egipto joꞌqueb ajcuiꞌ li sachba chꞌo̱lej li quinba̱nu saꞌ li chaki chꞌochꞌ. Abanan nabal sut queꞌxyal cuix ut incꞌaꞌ queꞌxba̱nu li cꞌaꞌru quinye reheb.

Números 14:27

—¿Joꞌ najtil chic tincuy nak yo̱keb chincuechꞌinquil eb laj Israel, li incꞌaꞌ useb xnaꞌleb? La̱in nacuabi nak nequeꞌxcuechꞌi cuix.

Números 14:28

Ta̱ye reheb chi joꞌcaꞌin: —Relic chi ya̱l yoꞌyo̱quin la̱in li Ka̱cuaꞌ. La̱in tinba̱nu nak te̱cꞌul li cꞌaꞌru yo̱quex chixyebal.

Números 16:11

La̱at ut eb la̱ cuochben xechꞌutub e̱rib chixcuechꞌbal rix laj Aarón. ¿Cꞌaꞌut nak nequecuechꞌi rix laj Aarón? ¿Ma ma̱cuaꞌ ta biꞌ li Dios li yo̱quex chixcuechꞌinquil rix?—

Números 17:5

Lix xukꞌ li cui̱nk li tinsicꞌ ru la̱in ta̱atzꞌumak. Riqꞌuin aꞌin teꞌxcanab cuechꞌi̱nc eb laj Israel che̱rix la̱ex, chan li Dios.

Salmos 78:63

Queꞌcamsi̱c li sa̱j cui̱nk saꞌ li ple̱t ut eb li tukꞌ ixk queꞌcana chi ma̱ ani chic teꞌsumla̱k cuiꞌ.

Isaías 10:17

Li Ka̱cuaꞌ Dios li nacutanobresin re lix cꞌaꞌuxeb laj Israel tixsacheb ru. Li Dios Santo tixsacheb ru li tenamit aꞌan chiru jun cutan joꞌ nak li xam naxcꞌat li qꞌuix ut li pim.

Ezequiel 20:36

La̱in tinrakok a̱tin saꞌ e̱be̱n joꞌ nak quinrakoc a̱tin saꞌ xbe̱neb le̱ xeꞌto̱nil yucuaꞌ saꞌ li chaki chꞌochꞌ li cuan saꞌ xcue̱nt Egipto. La̱in li nimajcual Dios ninyehoc re aꞌin.

Habacuc 3:5

Nak ac cha̱lc re li Ka̱cuaꞌ quixtakla chak jun li yajel ut nabal queꞌcam. Ut nak ac xnumeꞌ li Ka̱cuaꞌ, quichal jun chic li yajel ut nabaleb queꞌcam xban li tik.

Números 12:2

Ut queꞌxye: —¿Ma caꞌaj cuiꞌ ta biꞌ riqꞌuin laj Moisés naa̱tinac li Ka̱cuaꞌ Dios? ¿Ma incꞌaꞌ ta biꞌ ta̱ru̱k ta̱a̱tinak ajcuiꞌ kiqꞌuin la̱o? chanqueb. Ut li Dios quirabi li cꞌaꞌru queꞌxye.