Números 10:9 - Li Santil hu

⁹ Te̱ya̱basiheb li trompetas nak texxic chi pletic saꞌ le̱ chꞌochꞌ riqꞌuineb li xicꞌ nequeꞌiloc e̱re li yo̱queb chi rahobtesi̱nc e̱re. Cui te̱ba̱nu chi joꞌcan, texjulticokꞌ re li Dios ut aꞌan ta̱colok e̱re chiruheb.

Q'eqchi Bible

⁹ “Naq akaq wanqex sa' leech'och' ut texxik chi yalok rik'ineb' li xik' neke'ilok eere, yaab'asihomaq li tronpeet chi yo'oon xyaab'; chi jo'kan texjultiko'q re li Qaawa' leeYos ut texxkol chiruheb' li xik' neke'ilok eere.

Números 10:9 ပူးပေါင်းရင်းမြစ်များ

1 Samuel 10:18

Ut quixye reheb: —Joꞌcaꞌin xye li Ka̱cuaꞌ le̱ Dios la̱ex aj Israel. “La̱in quin-isin chak e̱re aran Egipto. Quexincol saꞌ rukꞌeb laj Egipto ut quexincol ajcuiꞌ saꞌ rukꞌeb chixjunileb li tenamit li queꞌrahobtesin chak e̱re.”

Jueces 2:18

Nak li Ka̱cuaꞌ naxxakab junak aj rakol a̱tin, aꞌan ajcuiꞌ natenkꞌan re. Ut aꞌan ajcuiꞌ nacoloc reheb laj Israel saꞌ rukꞌeb li xicꞌ nequeꞌiloc reheb joꞌ najtil yoꞌyo laj rakol a̱tin. Li Ka̱cuaꞌ quiril xtokꞌoba̱l ruheb nak yo̱queb chi ya̱bac xban li raylal li yo̱queb chixcꞌulbal saꞌ rukꞌeb li xicꞌ nequeꞌiloc reheb.

Génesis 8:1

Li Dios quixtokꞌoba ru laj Noé joꞌ ajcuiꞌ chixjunileb li xul li cuanqueb saꞌ li jucub cab. Quixtakla jun nimla ikꞌ saꞌ xbe̱n li ruchichꞌochꞌ ut qui-oc chi chakic li haꞌ.

Salmos 106:42

Eb li xicꞌ nequeꞌiloc reheb queꞌxrahobtesiheb ut aꞌaneb chic li cuanqueb xcuanquil saꞌ xbe̱neb laj Israel.

Salmos 106:4

Chinjulticokꞌ taxak a̱cue, at Ka̱cuaꞌ, nak ta̱cuosobtesiheb la̱ tenamit, ut china̱col taxak nak ta̱coleb aꞌan.

2 Crónicas 13:14

Nak queꞌiloc chirixeb laj Judá queꞌril nak yo̱queb chi cha̱lc chirixeb ut yo̱queb chi cha̱lc chiruheb re teꞌpletik riqꞌuineb. Ut queꞌxya̱ba xcꞌabaꞌ li Ka̱cuaꞌ ut eb laj tij queꞌxya̱basi lix trompe̱teb.

Jueces 10:12

Ut, ¿ma incꞌaꞌ ta biꞌ quexrahobtesi̱c xbaneb laj Sidón ut eb laj Amalec, joꞌqueb ajcuiꞌ laj Madián? ¿Ma incꞌaꞌ ta biꞌ xexincol saꞌ rukꞌeb nak xetzꞌa̱ma chicuu nak texintenkꞌa?

Jueces 10:8

Eb laj filisteo ut eb laj Amón queꞌnumta saꞌ xbe̱neb. Cuakxaklaju chihab queꞌrahobtesi̱c laj Israel aran Galaad jun pacꞌal li nimaꞌ Jordán saꞌ xnaꞌajeb laj amorreo.

Josué 6:5

Te̱rabi nak incꞌaꞌ teꞌxcanab xya̱basinquil li xucub carner. Che̱junilex la̱ex te̱jap e̱re chi cau. Ut li tzꞌac li sutsu cuiꞌ li tenamit ta̱tꞌanekꞌ. Nak ac xtꞌaneꞌ li tzꞌac li sutsu cuiꞌ, la̱ex saꞌ junpa̱t tex-oc saꞌ li tenamit chi pletic, chan li Dios.

Números 31:6

Laj Moisés quixtaklaheb chi pletic jun mil reheb li junju̱nk xte̱paleb laj Israel. Ut quixtakla ajcuiꞌ laj Finees li ralal laj Eleazar laj tij. Laj Finees quixcꞌam li cꞌaꞌak re ru li queꞌrisi saꞌ li Lokꞌlaj Naꞌajej ut quixcꞌameb ajcuiꞌ li trompeta li teꞌxya̱basi nak teꞌoc chi pletic.

1 Corintios 14:8

Ut nak ta̱ya̱basi̱k li trompeta re xbokbaleb li soldado, cui incꞌaꞌ chꞌolchꞌo ru lix ya̱b, ¿ma teꞌxcauresi ta biꞌ rib chi xic chi pletic?

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Jeremías 6:17

Joꞌcan nak la̱in quinxakabeb laj ilol e̱re ut quinye e̱re: —¡Qꞌuehomak retal nak ta̱ya̱basi̱k li trompeta!— Abanan la̱ex queye: —Incꞌaꞌ nakaj rabinquil, chanquex.

Jeremías 4:21

¿Joꞌ najtil chic tento nak tincuileb nak yo̱keb chi pletic? ¿Joꞌ najtil chic tincuabi li xya̱beb li trompeta?

Jeremías 4:19

Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.

Jeremías 4:5

Laj Jeremías quixye: —Ya̱basihomak li trompeta yalak bar saꞌ li naꞌajej aꞌin. Japomak e̱re chi cau ut te̱ye reheb li tenamit Judá ut Jerusalén nak teꞌxic saꞌ eb li tenamit li ac cauresinbileb re teꞌxcol cuiꞌ ribeb.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Salmos 136:23

Aꞌan li natenkꞌan ke nak cuanco saꞌ raylal xban nak kꞌaxal nim li ruxta̱n saꞌ kabe̱n junelic.

Jueces 6:34

Ut lix musikꞌ li Ka̱cuaꞌ quichal riqꞌuin laj Gedeón ut quixcꞌut chiru cꞌaꞌru tixba̱nu. Joꞌcan nak laj Gedeón quixya̱basi lix xucub re xbokbaleb chixjunileb li ralal xcꞌajol laj Abiezer.

Jueces 6:9

La̱in quexincol chiruheb laj Egipto ut quexincol ajcuiꞌ chiruheb li queꞌrahobtesin e̱re. La̱in quin-isin reheb saꞌ li naꞌajej li cuanquex cuiꞌ ut quinqꞌue e̱re lix naꞌajeb.

Jueces 3:27

Nak quicuulac saꞌ lix naꞌajeb li ralal xcꞌajol laj Efraín, li tzu̱l ru, laj Aod quixya̱basi li trompeta re xbokbaleb laj Israel. Ut chixjunileb queꞌco̱eb chirix. Laj Aod yo̱ chi cꞌamoc be chiruheb.

Sofonías 1:16

Saꞌ li cutan aꞌan teꞌxya̱basi lix trompeta li teꞌcha̱lk chi pletic ut japjo̱keb re, nak teꞌcha̱lk chi pletic riqꞌuineb li cauheb rib chi pletic xban nak sutsu saꞌ tzꞌac lix tenamiteb ut cuanqueb lix torre najt xteram.

Oseas 5:8

Cheya̱basihak li trompeta aran Gabaa. Cheya̱basihak aran Ramá. Cheyehak resil aran Bet-avén xban nak ticla̱c re li ple̱t. Cheqꞌuehak retal ut texxucuak la̱ex li ralal xcꞌajol laj Benjamín.

Ezequiel 7:14

Teꞌxya̱basi li trompeta re teꞌxcauresi ribeb chi xic chi pletic. Abanan ma̱ jun reheb ta̱e̱lk chi pletic xban nak lin joskꞌil cuan saꞌ xbe̱n chixjunileb.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Levítico 23:24

—A̱tinan riqꞌuineb laj Israel ut ta̱ye reheb nak li xbe̱n cutan re li xcuuk li po, aꞌan jun hiloba̱l cutan chokꞌ e̱re. Te̱chꞌutub e̱rib ut te̱ya̱basi li trompetas re xjulticanquil nak xticla li po nak teꞌxba̱nu li lokꞌlaj ninkꞌe.

2 Crónicas 13:12

Cheqꞌuehak retal. Li Dios cuan kiqꞌuin. Aꞌan yo̱ chi cꞌamoc kabe. Ut eb laj tij oqueb re chixya̱basinquil lix trompe̱teb re takatiquib pletic e̱riqꞌuin. Joꞌcan ut, ex ralal xcꞌajol laj Israel, mexpletic riqꞌuin li Ka̱cuaꞌ lix Dioseb le̱ xeꞌto̱nil yucuaꞌ xban nak incꞌaꞌ texnumta̱k saꞌ kabe̱n, chan laj Abías.

Jeremías 49:2

Ta̱cuulak xkꞌehil nak eb laj Amón li cuanqueb saꞌ li tenamit Rabá teꞌrabi nak eb li tenamit teꞌxjap reheb chi pletic. Ut li tenamit juqꞌuinbil chic ta̱cana̱k. Eb li tenamit li cuanqueb chi xjun sutam teꞌcꞌatekꞌ. Ut eb laj Israel teꞌre̱chani cuiꞌchic li naꞌajej li quimakꞌeꞌ chiruheb xbaneb laj Amón, chan li Ka̱cuaꞌ.

Deuteronomio 20:1

Nak texxic chi pletic riqꞌuineb li xicꞌ nequeꞌiloc e̱re ut te̱ril nak kꞌaxal nabaleb lix soldado ut lix cacua̱y ut lix carruaje chiru le̱ re la̱ex, mexxucuac xbaneb. Li Ka̱cuaꞌ le̱ Dios li qui-isin chak e̱re aran Egipto, aꞌan cua̱nk e̱riqꞌuin ut ta̱tenkꞌa̱nk e̱re.