Números 10:35 - Li Santil hu

³⁵ Nak nequeꞌxtiquib xpakonquil li Lokꞌlaj Ca̱x laj Moisés quixye: —Choa̱tenkꞌa, at Ka̱cuaꞌ. Chajeqꞌuiheb li xicꞌ nequeꞌiloc a̱cue. Cheꞌe̱lelik ta cha̱cuu.—

Q'eqchi Bible

³⁵ Naq na'elk li Loq'laj Kaax, laj Moisés naxye: “Xaqlin, at Qaawa'! Che'xcha'chali ta rib' eb' li xik' neke'ilok aawe; che'eleliq li neke'tz'eqtaanank aawe”, chan.

Números 10:35 ပူးပေါင်းရင်းမြစ်များ

Isaías 51:9

Choa̱cuabi, at Ka̱cuaꞌ, ut choa̱tenkꞌa. Riqꞌuin lix nimal a̱cuanquil choa̱col joꞌ nak cacoleb la̱ tenamit najter. ¿Ma ma̱cuaꞌ ta biꞌ la̱at catcamsin re li nimla xul Rahab xcꞌabaꞌ li cuan saꞌ li palau ut pedasinbil cacanab?

Salmos 132:8

At Ka̱cuaꞌ, anakcuan takacꞌam li Lokꞌlaj Ca̱x li nahilan cuiꞌ la̱ cuanquilal. Ut tatxic chi cua̱nc saꞌ li naꞌajej Sión.

Deuteronomio 32:41

La̱in tinqꞌue xkꞌesnal lin chꞌi̱chꞌ ut la̱in tinrakok a̱tin. La̱in tinqꞌue re̱kaj reheb li xicꞌ nequeꞌiloc cue ut tinqꞌueheb chixtojbal xma̱queb.

Deuteronomio 7:10

Abanan li Ka̱cuaꞌ moco tixcanab ta chi incꞌaꞌ tixqꞌue chixtojbal xma̱c li ani xicꞌ na-iloc re. Tixqꞌue ban chixtojbal xma̱c. Ut tixsach ruheb li nequeꞌtzꞌekta̱nan re.

1 Samuel 4:3

Eb laj Israel li incꞌaꞌ queꞌcamsi̱c queꞌsukꞌi saꞌ lix muheba̱leb. Eb li nequeꞌcꞌamoc be saꞌ xya̱nkeb laj Israel queꞌxye: —¿Cꞌaꞌut nak li Ka̱cuaꞌ xoxkꞌaxtesi saꞌ rukꞌeb laj filisteo? Toxic Silo ut takacꞌam chak arin li Lokꞌlaj Ca̱x re nak cua̱nk saꞌ kaya̱nk ut li Ka̱cuaꞌ toxcol chiruheb li xicꞌ nequeꞌiloc ke, chanqueb.

Salmos 9:19

At Ka̱cuaꞌ, cꞌut la̱ cuanquil. Ma̱qꞌueheb li tenamit chi numta̱c saꞌ a̱be̱n. La̱at ban tatrakok a̱tin saꞌ xbe̱neb.

Salmos 94:16

¿Ani ta cuiꞌ ta̱ru̱k ta̱colok cue chiruheb li incꞌaꞌ useb xnaꞌleb? Ut, ¿ani ta̱oque̱nk chicuix chiruheb li nequeꞌba̱nun ma̱usilal?

Salmos 3:8

At Ka̱cuaꞌ, la̱at laj Colol ke. Choa̱cuosobtesi taxak la̱o la̱ tenamit.