Números 10:33 - Li Santil hu

³³ Joꞌcan nak queꞌel laj Israel saꞌ li tzu̱l Sinaí lix tzu̱l li Ka̱cuaꞌ. Oxib cutan queꞌbe̱c. Ut li Lokꞌlaj Ca̱x li xocxo cuiꞌ li contrato yo̱ chi xic chiruheb ut yo̱ chixsicꞌbal li naꞌajej bar teꞌhila̱nk cuiꞌ.

Q'eqchi Bible

³³ Jo'kan naq ke'elk sa' li xtzuul li Qaawa', ut oxib' kutan ke'b'eek. Li xLoq'laj Kaaxil li Sumwank k'amol b'e chiruheb', chiru li oxib' kutan, yo xsik'b'al b'ar naru te'hilanq.

Números 10:33 ပူးပေါင်းရင်းမြစ်များ

Deuteronomio 1:33

Ut li Ka̱cuaꞌ yo̱ chi cꞌamoc be che̱ru riqꞌuin li xam chi kꞌojyi̱n ut li chok chi cutan. Quixcꞌut che̱ru bar te̱yi̱b cuiꞌ le̱ muheba̱l ut quixcꞌut che̱ru bar cuan li be te̱cꞌam nak texxic.

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Ezequiel 20:6

Saꞌ li cutan aꞌan la̱in quinye reheb riqꞌuin juramento nak la̱in teꞌcuisi saꞌ li naꞌajej Egipto ut tincꞌameb saꞌ jun cha̱bil naꞌajej li quinsicꞌ ru chokꞌ reheb li na-el cuiꞌ chi us li sahil echej. Aꞌan li kꞌaxal chꞌinaꞌus chiru chixjunil li naꞌajej.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Jeremías 3:16

Saꞌ eb li cutan aꞌan nak acak xextam ut nak acak xeꞌtam le̱ ralal e̱cꞌajol incꞌaꞌ chic tex-a̱tinak chirix lin Lokꞌlaj Ca̱x, chi moco te̱cꞌoxla, chi moco ta̱cꞌanjelak che̱ru, chi moco te̱yi̱b jalan chic.

Isaías 66:1

Aꞌan aꞌin li naxye li Ka̱cuaꞌ li nimajcual Dios: —Li choxa, aꞌan lin cꞌojariba̱l ut li ruchichꞌochꞌ, aꞌan xnaꞌaj li cuok. ¿Ma naru ta biꞌ te̱yi̱b jun li ochoch re tincua̱nk cuiꞌ? ¿Ma naru ta biꞌ te̱yi̱b innaꞌaj re tinhila̱nk cuiꞌ?

Isaías 28:12

Li Dios quixye reheb: —Aꞌan aꞌin li naꞌajej li texhila̱nk cuiꞌ. Arin ta̱sahokꞌ e̱chꞌo̱l, chan. Abanan, eb aꞌan incꞌaꞌ queꞌabin chiru.

Salmos 95:11

La̱in quinjoskꞌoꞌ riqꞌuineb ut quinye reheb nak incꞌaꞌ ta̱ru̱k teꞌoc saꞌ li naꞌajej li quinqꞌue raj reheb re teꞌhila̱nk, chan li Dios.

1 Samuel 4:3

Eb laj Israel li incꞌaꞌ queꞌcamsi̱c queꞌsukꞌi saꞌ lix muheba̱leb. Eb li nequeꞌcꞌamoc be saꞌ xya̱nkeb laj Israel queꞌxye: —¿Cꞌaꞌut nak li Ka̱cuaꞌ xoxkꞌaxtesi saꞌ rukꞌeb laj filisteo? Toxic Silo ut takacꞌam chak arin li Lokꞌlaj Ca̱x re nak cua̱nk saꞌ kaya̱nk ut li Ka̱cuaꞌ toxcol chiruheb li xicꞌ nequeꞌiloc ke, chanqueb.

Jueces 20:27

Ut eb li ralal xcꞌajol laj Israel queꞌtijoc chiru li Ka̱cuaꞌ ut queꞌxpatzꞌ re cꞌaꞌru us teꞌxba̱nu. (Saꞌ eb li cutan aꞌan li Lokꞌlaj Ca̱x xocxo cuiꞌ li laje̱b chi chakꞌrab cuan aran Bet-el.)

Josué 4:7

Ut la̱ex texchakꞌok ut te̱ye reheb, “Li pec aꞌin, aꞌan retalil nak quixakli li nimaꞌ Jordán ut incꞌaꞌ chic quibe̱c nak yo̱queb chixnumsinquil jun pacꞌal li nimaꞌ li Lokꞌlaj Ca̱x li xocxo cuiꞌ lix contrato li Dios. Eb li pec aꞌin, aꞌan retalil chiruheb laj Israel re nak julticak reheb chi junelic li cꞌaꞌru quixba̱nu li Dios,” chan laj Josué.

Deuteronomio 31:26

—Cꞌamomak li hu aꞌin li tzꞌi̱banbil cuiꞌ li chakꞌrab ut te̱qꞌue chixcꞌatk li Lokꞌlaj Ca̱x li cuan cuiꞌ lix contrato li Ka̱cuaꞌ le̱ Dios. Aran ta̱cua̱nk chokꞌ retalil che̱ru.

Deuteronomio 9:9

Nak la̱in quintakeꞌ saꞌ xbe̱n li tzu̱l chixcꞌulbal li perpo̱quil pec li tzꞌi̱banbil cuiꞌ lix contrato li Dios, quincana saꞌ li tzu̱l caꞌcꞌa̱l cutan ut caꞌcꞌa̱l kꞌojyi̱n. Incꞌaꞌ quincuaꞌac chi moco quin-ucꞌac.

Números 10:12

Joꞌcan nak eb laj Israel queꞌel saꞌ li chaki chꞌochꞌ li cuan Sinaí ut queꞌco̱eb. Ut li chok yo̱ chi cꞌamoc be chiruheb toj retal quicuulac saꞌ li chaki chꞌochꞌ Parán ut aran quixakli.

Éxodo 19:3

Ut laj Moisés quitakeꞌ chiru li tzu̱l ut aran quia̱tinac li Ka̱cuaꞌ Dios riqꞌuin. Quixye re: —Tat-a̱tinak riqꞌuineb li ralal xcꞌajol laj Jacob.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Jeremías 31:2

Quixye ajcuiꞌ li Ka̱cuaꞌ: —Eb li incꞌaꞌ teꞌcamsi̱k saꞌ li ple̱t tincuil xtokꞌoba̱l ruheb nak cua̱nkeb saꞌ li chaki chꞌochꞌ. La̱in tinqꞌueheb laj Israel chi hila̱nc chiru li raylal li yo̱queb chixcꞌulbal.