Números 10:29 - Li Santil hu

²⁹ Ut laj Moisés quia̱tinac riqꞌuin laj Hobab lix ba̱lc. Aꞌan li ralal laj Ragüel laj Madián. Quixye re: —La̱o xic ke saꞌ li naꞌajej li quixyechiꞌi ke li Ka̱cuaꞌ. Yoꞌo chikix ut la̱o takaba̱nu usilal a̱cue. Li Ka̱cuaꞌ quixye nak torosobtesi, chan.

Q'eqchi Bible

²⁹ Sa' jun kutan laj Moisés kixye re laj Jobab li xb'alk, ralal laj Rewel, aj Madián: “Laa'o xik qe sa' li na'ajej kixyeechi'i qe li Qaawa'. Kim chiqix ut sa tatwanq sa' qayanq, xb'aan naq li Qaawa' kixye naq sa te'wanq laj Israel”, chan.

Números 10:29 ပူးပေါင်းရင်းမြစ်များ

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Jueces 4:11

Quicuan jun li cui̱nk aj Heber xcꞌabaꞌ. Aꞌan xcomoneb li ralal xcꞌajol laj Hobab, lix yucuaꞌ li rixakil laj Moisés. Saꞌ jun li cutan laj Heber quixcanabeb lix comon ut qui-el saꞌ li tenamit Ceneo. Coxyi̱b lix muheba̱l rubel jun to̱n li ji saꞌ li ru takꞌa Zaanaim nachꞌ riqꞌuin li naꞌajej Cedes.

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Éxodo 2:18

Eb li xkaꞌal queꞌsukꞌi saꞌ rochocheb. Lix yucuaꞌ aj Reuel xcꞌabaꞌ. Aꞌan quixpatzꞌ reheb: —¿Cꞌaꞌut nak saꞌ junpa̱t xexsukꞌi chak anakcuan?— chan.

Génesis 32:12

La̱at junxil caye chak cue nak tina̱cuosobtesi ut caye ajcuiꞌ nak teꞌcua̱nk nabal li cualal incꞌajol joꞌ xqꞌuial ru li samaib li cuan chire li palau, li incꞌaꞌ naru rajlanquil xban xqꞌuial, chan.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

Hebreos 6:18

Joꞌcan utan nak li cuib chi naꞌleb aꞌin incꞌaꞌ naru xjalbal ru. Aꞌaneb aꞌin: xbe̱n, nak li Dios quixyechiꞌi li ma̱tan; ut xcab, nak quixba̱nu li juramento. Riqꞌuin aꞌan nakanau nak li Dios incꞌaꞌ naticꞌtiꞌic. Joꞌcan nak cauhak taxak li kachꞌo̱l. La̱o xkasicꞌ li kacolbal riqꞌuin li Dios ut nakanau nak take̱chani li quixyechiꞌi ke. Aꞌan li nakayoꞌoni.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

Hechos 7:5

Abanan li Dios incꞌaꞌ quixqꞌue xchꞌochꞌ laj Abraham aran. Chi ti̱c ma̱cꞌaꞌ quixqꞌue re. Abanan quixye re nak tixqꞌue chokꞌ reheb li ralal xcꞌajol li teꞌcua̱nk mokon usta toj ma̱ jun lix cocꞌal cuan.

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Salmos 34:8

Yalomak rix li Ka̱cuaꞌ re nak te̱qꞌue retal chanru lix cha̱bilal. Us xak re li ani cau xchꞌo̱l riqꞌuin.

1 Samuel 15:6

Quixtakla xyebal reheb laj Ceneo: —Elenkex saꞌ xya̱nkeb laj Amalec re nak incꞌaꞌ texsachekꞌ rochbeneb aꞌan. Incꞌaꞌ texsachekꞌ xban nak la̱ex xeril xtokꞌoba̱l ruheb laj Israel nak queꞌel Egipto, chan. Ut eb laj Ceneo queꞌel saꞌ xya̱nkeb laj Amalec.

Jueces 1:16

Eb li ralal xcꞌajol lix yucuaꞌ li rixakil laj Moisés, aꞌaneb laj Ceneo. Eb aꞌan queꞌrochbeni li ralal xcꞌajol laj Judá nak queꞌel saꞌ li tenamit Jericó bar cuanqueb cuiꞌ nabal chi cheꞌ palmera. Queꞌco̱eb saꞌ li chaki chꞌochꞌ li cuan nachꞌ riqꞌuin li tenamit Arad saꞌ xcue̱nt Neguev. Ut aran queꞌcana chi cua̱nc saꞌ xya̱nkeb li cuanqueb saꞌ li naꞌajej aꞌan.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

Éxodo 18:27

Ut laj Moisés quixcanab chi sukꞌi̱c laj Jetro saꞌ lix tenamit.

Éxodo 18:1

Laj Jetro, lix yucuaꞌ li rixakil laj Moisés, aꞌan laj tij aran saꞌ li tenamit Madián. Laj Jetro quirabi chanru nak li Dios quixtenkꞌa laj Moisés nak quirisiheb chak laj Israel saꞌ li tenamit Egipto.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Génesis 13:15

Ut ilon chi us. Chixjunil li chꞌochꞌ, li yo̱cat chi rilbal, aꞌan tinqꞌue a̱cue la̱at chi junaj cua joꞌ ajcuiꞌ reheb la̱ cualal a̱cꞌajol. Aꞌin li naꞌajej li xinyechiꞌi a̱cue, chan.

Éxodo 6:4

La̱in quinba̱nu lin contrato riqꞌuineb ut quinyechiꞌi reheb li naꞌajej Canaán. Yal aj numeleb nak queꞌhilan aran.

Éxodo 18:12

Ut laj Jetro quixqꞌue lix cꞌatbil mayej chiru li Ka̱cuaꞌ Dios. Laj Aarón rochbeneb li cui̱nk li nequeꞌcꞌamoc be saꞌ xya̱nkeb laj Israel, queꞌchal ut queꞌcuaꞌac rochben re xlokꞌoninquil li Ka̱cuaꞌ Dios.

Números 10:28

Joꞌcaꞌin nak queꞌco̱eb chi chꞌu̱tal chixjunileb laj Israel.

Deuteronomio 4:40

Junelic cheba̱nu li cꞌaꞌru naxye saꞌ li chakꞌrab ut te̱ba̱nu le̱ taklanquil xban li Dios li yo̱quin chixyebal e̱re anakcuan re nak us tex-e̱lk, joꞌqueb ajcuiꞌ le̱ ralal e̱cꞌajol; ut re ajcuiꞌ nak najt texcua̱nk saꞌ li cha̱bil naꞌajej li yo̱ chixqꞌuebal e̱re anakcuan li Ka̱cuaꞌ le̱ Dios re te̱re̱chani chi junaj cua.

Deuteronomio 30:5

Texcꞌam cuiꞌchic saꞌ li naꞌajej li quiqꞌueheꞌ reheb le̱ xeꞌto̱nil yucuaꞌ ut la̱ex te̱re̱chani li naꞌajej. Texrosobtesi ut kꞌaxal cuiꞌchic texta̱mk chiruheb le̱ xeꞌto̱nil yucuaꞌ ut kꞌaxal biomakex.

Salmos 95:1

Cha̱lkex ut kalokꞌonihak li nimajcual Dios. Chobicha̱nk chi sa saꞌ kachꞌo̱l re xqꞌuebal xlokꞌal li Dios li na-iloc ke ut nacoloc ke.

Salmos 100:1

Chexbicha̱nk chi sa saꞌ e̱chꞌo̱l re xqꞌuebal xlokꞌal li Ka̱cuaꞌ. Chexbicha̱nk che̱junilex la̱ex li cuanquex saꞌ ruchichꞌochꞌ.

Génesis 17:8

Li chꞌochꞌ Canaán li cuancat cuiꞌ anakcuan tinqꞌue a̱cue ut eb la̱ cualal a̱cꞌajol teꞌe̱chani̱nk re chi junaj cua. La̱inak lix Dioseb chixjunileb la̱ cualal a̱cꞌajol, chan.

Éxodo 2:21

Laj Moisés quicuulac ut aran quicana saꞌ rochoch laj Reuel. Laj Reuel quixsumub lix Séfora lix rabin riqꞌuin laj Moisés.