Números 1:53 - Li Santil hu

⁵³ Ut eb li ralal xcꞌajol laj Leví teꞌxyi̱b lix muheba̱leb chi xjun sutam li tabernáculo. Ut aꞌaneb li teꞌilok re, re nak li Dios incꞌaꞌ ta̱joskꞌokꞌ saꞌ xbe̱neb laj Israel.

Q'eqchi Bible

⁵³ ut eb' laj Leví te'xyiib' li xmuheb'aaleb' chi xsutam li Loq'laj Muheb'aal ut te'iloq re, re naq michalk xjosq'il li Qaawa' sa' xb'eeneb' laj Israel”, chan li Qaawa'.

Números 1:53 ပူးပေါင်းရင်းမြစ်များ

Números 16:46

Ut laj Moisés quixye re laj Aarón: —Cꞌam la̱ sansar chiru li artal ut ta̱qꞌue li ru xam chi saꞌ ut ta̱qꞌue ajcuiꞌ li pom. Ut ta̱cꞌam chi junpa̱t cuanqueb cuiꞌ li tenamit ut ta̱santobresiheb. Xnumta lix joskꞌil li Dios saꞌ xbe̱neb ut ac xticla li caki yajel, chan.

1 Crónicas 23:32

Eb li ralal xcꞌajol laj Leví, aꞌan eb li queꞌiloc re lix templo li Dios joꞌ ajcuiꞌ li Santil Naꞌajej. Nak yo̱queb chi cꞌanjelac saꞌ li templo, cuanqueb rubel xcuanquil li ralal xcꞌajol laj Aarón, li rechꞌalaleb.

Levítico 10:6

Laj Aarón cuan rochbeneb laj Eleazar ut laj Itamar li ralal cuib. Laj Moisés quixye reheb: —Me̱risi xbatbal le̱ jolom ut me̱kꞌich le̱ rakꞌ xban xrahil e̱chꞌo̱l re nak incꞌaꞌ texca̱mk ajcuiꞌ la̱ex ut re nak incꞌaꞌ ta̱cha̱lk xjoskꞌil li Ka̱cuaꞌ Dios saꞌ xbe̱neb chixjunileb li tenamit. Aban le̱ rech tenamitil aj Israel teꞌrahokꞌ saꞌ xchꞌo̱leb xban li xam li quixtakla chak li Ka̱cuaꞌ.

Números 31:47

Laj Moisés quixsicꞌ ru jun reheb li junju̱nk laje̱b roxcꞌa̱l, joꞌ ixk joꞌ xul joꞌ quixye li Ka̱cuaꞌ ut quixqꞌue reheb laj levita li nequeꞌiloc re li tabernáculo.

Números 31:30

Ut li yijach chic li ta̱jeqꞌui̱k saꞌ xya̱nkeb laj Israel, ta̱cuisi junju̱nk saꞌ li laje̱b roxcꞌa̱l li cꞌaꞌak re ru li teꞌxcꞌul laj Israel ut ta̱qꞌue reheb laj levita li nequeꞌiloc re li tabernáculo, joꞌ cristian, joꞌ bo̱yx, joꞌ bu̱r, joꞌ carner, joꞌ chiba̱t, joꞌ ajcuiꞌ li jun chꞌol chic li xul, chan li Dios.

Números 8:19

La̱in quinsicꞌ ruheb laj levita saꞌ xya̱nkeb chixjunileb laj Israel ut xebinqꞌue chixtenkꞌanquileb laj Aarón ut eb li ralal saꞌ li tabernáculo. Eb aꞌan teꞌmayejak saꞌ xcꞌabaꞌeb laj Israel re nak ma̱cꞌaꞌ raylal teꞌxcꞌul nak teꞌnachꞌok riqꞌuin li tabernáculo eb laj Israel, chan li Dios.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

Jeremías 23:15

Aꞌan aꞌin li quixye li Ka̱cuaꞌ li nimajcual Dios chirixeb li profeta: Xban li ma̱c queꞌxba̱nu li profetas aj Jerusalén, xnumta li ma̱c saꞌ chixjunil li naꞌajej aꞌin. Xban li ma̱c queꞌxba̱nu, la̱in tinqꞌue raylal saꞌ xbe̱neb. Chanchan nak tinqꞌue li tzacae̱mk cꞌa chixtzacaheb ut chanchan nak tinqꞌue li haꞌ li banbil xsaꞌ chiruqꞌueb, chan.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

2 Crónicas 13:10

Abanan, li kaDios la̱o, aꞌan li Ka̱cuaꞌ. Incꞌaꞌ yo̱co chixtzꞌekta̱nanquil. Eb laj tij li yo̱queb chi cꞌanjelac chiru li Ka̱cuaꞌ, aꞌaneb li ralal xcꞌajol laj Aarón ut eb li nequeꞌtenkꞌan reheb, aꞌaneb laj levitas.

1 Samuel 6:19

Ut li Ka̱cuaꞌ quixqꞌue chi ca̱mc laje̱b xca̱cꞌa̱l (70) li cui̱nk li cuanqueb Bet-semes xban nak queꞌiloc chi saꞌ li Lokꞌlaj Ca̱x. Ut eb li tenamit queꞌya̱bac xban nak li Ka̱cuaꞌ quixsach ruheb.

Números 3:38

Laj Moisés rochbeneb laj Aarón ut eb li ralal teꞌxyi̱b lix muheba̱leb chixcꞌatk li tabernáculo saꞌ li este chiru li oqueba̱l re li tabernáculo. Aꞌaneb li teꞌilok re li Santil Naꞌajej saꞌ xcꞌabaꞌeb laj Israel. Cui junak jalan ta̱xic cuan cuiꞌ li tabernáculo, li jun aꞌan ta̱camsi̱k.

Números 1:50

Te̱xakabeb ban li ralal xcꞌajol laj Leví chi cꞌanjelac saꞌ li tabernáculo ut aꞌaneb li teꞌilok re chixjunil li nacꞌanjelac aran. Teꞌxyi̱b lix muheba̱leb chi xjun sutam li tabernáculo.

Números 1:54

Ut eb laj Israel queꞌxba̱nu chixjunil li quixye li Ka̱cuaꞌ Dios re laj Moisés.

Números 2:17

Eb laj levita teꞌxic chirixeb li ralal xcꞌajol laj Gad. Teꞌxic saꞌ xyiheb laj Israel ut teꞌxcꞌam li tabernáculo. Teꞌxic chi chꞌu̱tal joꞌ nak queꞌxyi̱b lix muheba̱leb chi chꞌu̱tal. Ac re reheb lix bandereb li teꞌxcꞌam chokꞌ retalileb.

Números 3:23

Eb li ralal xcꞌajol laj Gersón, aꞌaneb li teꞌxyi̱b lix muheba̱leb chirix li tabernáculo saꞌ li oeste.

Números 3:29

Eb li ralal xcꞌajol laj Coat, aꞌaneb li teꞌxyi̱b lix muheba̱leb chixcꞌatk li tabernáculo saꞌ li sur.

Números 3:35

Eb li ralal xcꞌajol laj Merari, aꞌaneb li teꞌxyi̱b lix muheba̱leb chixcꞌatk li tabernáculo saꞌ li norte. Laj Zuriel li ralal laj Abihail, aꞌan li ta̱takla̱nk saꞌ xbe̱neb.

Números 17:7

Ut laj Moisés quixqꞌueheb li xukꞌ chiru li Ka̱cuaꞌ saꞌ li tabernáculo.

Números 16:9

¿Ma incꞌaꞌ ta biꞌ tzꞌakal riqꞌuin nak li kaDios quisicꞌoc e̱ru la̱ex saꞌ xya̱nkeb laj Israel re nak texcꞌanjelak chiru? Quixsicꞌ e̱ru re nak texxakli̱k chiruheb li tenamit ut texcꞌanjelak saꞌ li tabernáculo saꞌ xcꞌabaꞌeb li tenamit.

2 Crónicas 13:11

Rajlal ekꞌela ut rajlal ecuu nequeꞌxqꞌue li cꞌatbil mayej chiru li Ka̱cuaꞌ joꞌ ajcuiꞌ li incienso li sunu̱nc. Ut nequeꞌxqꞌue li caxlan cua chiru li me̱x li kꞌaxtesinbil re li Dios. Ut nalochman rajlal ecuu li candil li cuan saꞌ xbe̱neb li candelero li yi̱banbil riqꞌuin oro. La̱o yo̱co chixba̱nunquil joꞌ taklanbilo cuiꞌ xban li Ka̱cuaꞌ li kaDios. Abanan la̱ex xetzꞌekta̱na li Ka̱cuaꞌ Dios.