Números 1:51 - Li Santil hu

⁵¹ Ut nak eb laj Israel teꞌxjal xnaꞌaj li tabernáculo, eb li ralal xcꞌajol laj Leví teꞌhitok re ut aꞌaneb ajcuiꞌ li teꞌxakaba̱nk re nak teꞌhila̱nk saꞌ jalan naꞌajej. Cui junak jalan ta̱jilok riqꞌuin li tabernáculo saꞌ li ho̱nal aꞌan, li jun aꞌan ta̱camsi̱k.

Q'eqchi Bible

⁵¹ Naq taajalmanq xna'aj li Loq'laj Muheb'aal, eb' laj Leví te'b'oq'oq re ut, naq te'hilanq wi' chik, a'eb' ajwi' laj Leví te'xaqab'anq re li Loq'laj Muheb'aal. Wi junaq jalan taajiloq chi xk'atq li Loq'laj Muheb'aal, taakamsiiq.

Números 1:51 ပူးပေါင်းရင်းမြစ်များ

Números 3:38

Laj Moisés rochbeneb laj Aarón ut eb li ralal teꞌxyi̱b lix muheba̱leb chixcꞌatk li tabernáculo saꞌ li este chiru li oqueba̱l re li tabernáculo. Aꞌaneb li teꞌilok re li Santil Naꞌajej saꞌ xcꞌabaꞌeb laj Israel. Cui junak jalan ta̱xic cuan cuiꞌ li tabernáculo, li jun aꞌan ta̱camsi̱k.

Números 3:10

Ta̱xakabeb laj Aarón ut eb li ralal chi cꞌanjelac chokꞌ aj tij. Ut li jalan teꞌnachꞌok riqꞌuin li tabernáculo teꞌca̱mk.—

2 Samuel 6:7

Cꞌajoꞌ nak quijoskꞌoꞌ li Dios riqꞌuin laj Uza, ut quixcamsi xban nak quixchꞌeꞌ li Lokꞌlaj Ca̱x riqꞌuin rukꞌ. Ut aran chixcꞌatk li Lokꞌlaj Ca̱x quicana chi camenak laj Uza.

1 Samuel 6:19

Ut li Ka̱cuaꞌ quixqꞌue chi ca̱mc laje̱b xca̱cꞌa̱l (70) li cui̱nk li cuanqueb Bet-semes xban nak queꞌiloc chi saꞌ li Lokꞌlaj Ca̱x. Ut eb li tenamit queꞌya̱bac xban nak li Ka̱cuaꞌ quixsach ruheb.

Números 18:22

Eb li ma̱cuaꞌeb aj levita incꞌaꞌ naru teꞌnachꞌok riqꞌuin li tabernáculo. Cui teꞌxba̱nu aꞌan, teꞌma̱cobk chicuu ut teꞌca̱mk.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Números 10:11

Saꞌ li junmay xbe li xcab po re li xcab chihab li chok qui-el saꞌ xbe̱n li tabernáculo.

Números 17:13

Yalak ani ta̱nachꞌok riqꞌuin lix tabernáculo li Ka̱cuaꞌ ta̱ca̱mk. Chikajunilo la̱o to-osokꞌ, chanqueb.

Números 18:3

Teꞌcua̱nk rubel la̱ takl. Teꞌcꞌanjelak saꞌ li tabernáculo. Abanan incꞌaꞌ naru teꞌnachꞌok riqꞌuin li cꞌaꞌak re ru li cuan saꞌ li Santil Naꞌajej chi moco teꞌnachꞌok riqꞌuin li artal. Cui teꞌxba̱nu aꞌan, teꞌca̱mk eb aꞌan ut texca̱mk ajcuiꞌ la̱ex.

Números 18:7

Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Números 17:5

Lix xukꞌ li cui̱nk li tinsicꞌ ru la̱in ta̱atzꞌumak. Riqꞌuin aꞌin teꞌxcanab cuechꞌi̱nc eb laj Israel che̱rix la̱ex, chan li Dios.

Números 18:4

Teꞌcꞌanjelak a̱cuochben ut teꞌxba̱nu li cꞌanjel saꞌ li tabernáculo. Ma̱ jun jalan naru teꞌtenkꞌa̱nk e̱re nak yo̱kex chi cꞌanjelac saꞌ li tabernáculo.