Números 1:50 - Li Santil hu

⁵⁰ Te̱xakabeb ban li ralal xcꞌajol laj Leví chi cꞌanjelac saꞌ li tabernáculo ut aꞌaneb li teꞌilok re chixjunil li nacꞌanjelac aran. Teꞌxyi̱b lix muheba̱leb chi xjun sutam li tabernáculo.

Q'eqchi Bible

⁵⁰ k'eheb' b'an chi k'anjelak sa' li Loq'laj Na'ajej, ut a'aneb' li te'iloq re chixjunileb' li k'anjelob'aal ut li k'a'aq re ru wank aran. Eb' a'an te'k'amoq re li Loq'laj Muheb'aal ut chixjunileb' li xk'anjelob'aal; te'k'anjelaq chisa' ut te'xk'ojob' li xmuheb'aaleb' chi xsutam li Loq'laj Muheb'aal.

Números 1:50 ပူးပေါင်းရင်းမြစ်များ

Éxodo 38:21

Laj Moisés quixye reheb nak teꞌxtzꞌi̱ba retalil chixjunil li quicꞌanjelac chiruheb re xyi̱banquil lix tabernáculo li Ka̱cuaꞌ. Eb laj levita queꞌxtzꞌi̱ba retalil ut laj Itamar li ralal laj Aarón, aꞌan li quijolomin reheb.

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Éxodo 31:18

Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.

Nehemías 13:22

Chirix aꞌan quinye ajcuiꞌ reheb laj levita nak teꞌxsantobresi ribeb joꞌ naxye saꞌ li chakꞌrab. Ut quinye ajcuiꞌ reheb nak teꞌxcꞌacꞌaleheb li oqueba̱l re li tenamit re nak ma̱ ani ta̱muxuk re li hiloba̱l cutan. —At inDios, riqꞌuin aꞌin chijulticokꞌ taxak a̱cue li joꞌ qꞌuial li us ninba̱nu ut chacuy taxak inma̱c xban xnimal la̱ cuuxta̱n.—

Números 20:11

Quixtaksi li xukꞌ ut quixsacꞌ li pec caꞌ sut ut nabal li haꞌ qui-el saꞌ li sako̱nac. Chixjunileb li tenamit queꞌucꞌac joꞌqueb ajcuiꞌ li queto̱mk.

Salmos 122:4

Ut aran nequeꞌxic chixjunileb laj Israel chixbantioxinquil chiru li Ka̱cuaꞌ joꞌ quiyeheꞌ reheb xban li Ka̱cuaꞌ junxil.

Nehemías 13:5

Ut laj Eliasib quixqꞌue ajcuiꞌ chokꞌ xnaꞌaj laj Tobías li nimla cuarto li cuan saꞌ li templo li nequeꞌxxoc cuiꞌ li mayej, li incienso, li secꞌ, li trigo li junju̱nk saꞌ xlaje̱tkil, joꞌ ajcuiꞌ li vino ut li aceite, li tento xqꞌuebal reheb laj levita, reheb laj bichanel, ut reheb li nequeꞌcꞌacꞌalen re li oqueba̱l. Ut nequeꞌxxoc ajcuiꞌ saꞌ li cuarto aꞌan li mayej li tento xqꞌuebal reheb laj tij.

Nehemías 12:47

Saꞌ eb li cutan nak queꞌcuan laj Zorobabel ut laj Nehemías, chixjunileb laj Israel queꞌxqꞌue li cꞌaꞌru reheb laj bichanel joꞌqueb ajcuiꞌ li nequeꞌcꞌacꞌalen re li oqueba̱l re nak teꞌxnumsi li cutan junju̱nk. Ut queꞌxqꞌue ajcuiꞌ reheb laj levita li joꞌ qꞌuial xcꞌulubeb xcꞌulbal. Ut eb laj levita queꞌxqꞌue ajcuiꞌ reheb laj tij, li ralal xcꞌajol laj Aarón.

Nehemías 12:22

Saꞌ eb li cutan nak queꞌcuan laj Eliasib, laj Joiada, laj Johanán ut laj Jadúa toj chalen nak qui-oc laj Darío chokꞌ xreyeb laj Persia, queꞌtzꞌi̱ba̱c xcꞌabaꞌeb laj levita ut eb laj tij li queꞌjolomin reheb li junju̱nk cabal.

Nehemías 12:8

Aꞌaneb aꞌin laj levita: laj Jesúa, laj Binúi, laj Cadmiel, laj Serebías, laj Judá ut laj Matanías. Eb aꞌan li queꞌcꞌamoc be chi bicha̱nc re lokꞌoni̱nc.

Números 10:21

Ut chirixeb li ralal xcꞌajol laj Gad queꞌco̱eb li jun chꞌu̱tal li ralal xcꞌajol laj Coat li queꞌcꞌamoc re li cꞌaꞌak re ru li nacꞌanjelac saꞌ li tabernáculo. Nak nequeꞌcuulac saꞌ li naꞌajej li nequeꞌxic cuiꞌ, ac xakabanbil chic li tabernáculo.

Números 2:17

Eb laj levita teꞌxic chirixeb li ralal xcꞌajol laj Gad. Teꞌxic saꞌ xyiheb laj Israel ut teꞌxcꞌam li tabernáculo. Teꞌxic chi chꞌu̱tal joꞌ nak queꞌxyi̱b lix muheba̱leb chi chꞌu̱tal. Ac re reheb lix bandereb li teꞌxcꞌam chokꞌ retalileb.

Números 1:53

Ut eb li ralal xcꞌajol laj Leví teꞌxyi̱b lix muheba̱leb chi xjun sutam li tabernáculo. Ut aꞌaneb li teꞌilok re, re nak li Dios incꞌaꞌ ta̱joskꞌokꞌ saꞌ xbe̱neb laj Israel.

Apocalipsis 15:5

Ut chirix chic aꞌan quicuil nak quiteheꞌ li Lokꞌlaj Santil Naꞌajej saꞌ choxa bar xocxo cuiꞌ li contrato li quixba̱nu li Dios.

Números 17:7

Ut laj Moisés quixqꞌueheb li xukꞌ chiru li Ka̱cuaꞌ saꞌ li tabernáculo.

2 Crónicas 24:6

Joꞌcan nak li rey Joás quixbok laj Joiada li xbe̱nil aj tij ut quixye re: —¿Cꞌaꞌut nak incꞌaꞌ xataklaheb laj levita chixxocbal chak li tumin riqꞌuineb laj Judá ut laj Jerusalén re xyi̱banquil li tabernáculo li xocxo cuiꞌ li contrato joꞌ quixye laj Moisés reheb li tenamit?—

Números 4:3

Ta̱cuajlaheb chixjunileb li cui̱nk li cuan laje̱b xcaꞌcꞌa̱l (30) chihab reheb joꞌ eb ajcuiꞌ li ac numenak laje̱b roxcꞌa̱l chihab toj ta̱cuulak laje̱b roxcꞌa̱l (50) chihab. Aꞌaneb li teꞌoc chi cꞌanjelac saꞌ li tabernáculo.

Números 8:19

La̱in quinsicꞌ ruheb laj levita saꞌ xya̱nkeb chixjunileb laj Israel ut xebinqꞌue chixtenkꞌanquileb laj Aarón ut eb li ralal saꞌ li tabernáculo. Eb aꞌan teꞌmayejak saꞌ xcꞌabaꞌeb laj Israel re nak ma̱cꞌaꞌ raylal teꞌxcꞌul nak teꞌnachꞌok riqꞌuin li tabernáculo eb laj Israel, chan li Dios.

Números 8:20

Laj Moisés, laj Aarón ut chixjunileb laj Israel queꞌxba̱nu reheb laj levita joꞌ quixye li Ka̱cuaꞌ re laj Moisés.

Números 8:22

Queꞌxba̱nu chixjunil li quixye li Ka̱cuaꞌ re laj Moisés. Ut eb laj levita queꞌco̱eb saꞌ li tabernáculo chixba̱nunquil lix cꞌanjeleb. Laj Aarón ut eb li ralal, aꞌaneb li queꞌtaklan saꞌ xbe̱neb.

Números 18:5

Caꞌaj cuiꞌ la̱at ut eb la̱ cualal naru te̱ba̱nu li cꞌanjel saꞌ li Santil Naꞌajej ut saꞌ li artal re nak incꞌaꞌ chic tinjoskꞌokꞌ saꞌ xbe̱neb laj Israel.