Números 1:46 - Li Santil hu

⁴⁶ Chixjunileb li queꞌajla̱c cuanqueb cuakib ciento mil riqꞌuin oxib mil ut riqꞌuin o̱b ciento riqꞌuin laje̱b roxcꞌa̱l (603,550).

Q'eqchi Bible

⁴⁶ li xk'ihaleb' li ke'ajlamank sa'eb' li xteepaleb', a'an oxib' xjunlajuk'aal mil rik'in lajeeb' xwaqxaqk'aal xkab' o'q'ob' (603,550).

Números 1:46 ပူးပေါင်းရင်းမြစ်များ

Números 26:51

Cuakib ciento mil riqꞌuin jun mil riqꞌuin cuukub ciento riqꞌuin laje̱b xcaꞌcꞌa̱l (601,730) chixjunileb li cui̱nk aj Israel li ac queꞌxba̱nu junmay chihab.

Éxodo 38:26

Chixjunileb li cuanqueb junmay chihab reheb, aꞌan cuanqueb cuakib ciento riqꞌuin oxib mil riqꞌuin o̱b ciento riqꞌuin laje̱b roxcꞌa̱l (603,550). Li junju̱nk chi cristian queꞌxqꞌue o̱b roxcꞌa̱l (45) libra li plata joꞌ nequeꞌbisoc saꞌ li tabernáculo.

Éxodo 12:37

Ut chixjunileb laj Israel queꞌel saꞌ li tenamit Ramesés ut queꞌco̱eb saꞌ li tenamit Sucot. Cuakib ciento mil (600,000) chi cui̱nk queꞌco̱eb chi rok. Eb li ixk joꞌ ajcuiꞌ eb li cocꞌal ma̱cꞌaꞌeb saꞌ ajl.

Números 2:32

Cuakib ciento mil riqꞌuin oxib mil riqꞌuin o̱b ciento riqꞌuin laje̱b roxcꞌa̱l (603,550) chixjunileb li cui̱nk li queꞌajla̱c chi chꞌu̱tal aꞌ yal chanru xqꞌuialeb saꞌ xte̱paleb lix yucuaꞌeb.

2 Crónicas 13:3

Laj Abías cuan ca̱hib ciento mil li soldados sicꞌbileb ru ut cauheb rib. Joꞌcan ajcuiꞌ laj Jeroboam quixsiqꞌueb ru cuakxakib ciento mil chi soldado ut cauheb rib.

1 Crónicas 21:5

Saꞌ chixjunil li naꞌajej Israel cuanqueb jun millón riqꞌuin jun ciento mil (1,100,000) chi cui̱nk li naru teꞌpletik riqꞌuin chꞌi̱chꞌ. Ut cuanqueb ajcuiꞌ ca̱hib ciento riqꞌuin laje̱b xca̱cꞌa̱l (470,000) mil chi cui̱nk aran Judá li naru teꞌpletik riqꞌuin chꞌi̱chꞌ.

1 Reyes 4:20

Eb laj Israel ut eb laj Judá kꞌaxal nabaleb joꞌ xqꞌuial li cocꞌ ru li samaib chire li palau. Nequeꞌcuaꞌac ut nequeꞌucꞌac chi sa saꞌ xchꞌo̱leb.

2 Samuel 24:9

Ut laj Joab quixye re li rey David jarubeb li cristian. Cuakxakib ciento mil chi cui̱nk cuanqueb Israel cauheb rib chi pletic. Ut o̱b ciento mil chi cui̱nk cuanqueb Judá.

Deuteronomio 10:22

Laje̱b xca̱cꞌa̱leb (70) ajcuiꞌ le̱ xeꞌto̱nil yucuaꞌ nak queꞌco̱eb Egipto najter. Abanan li Ka̱cuaꞌ le̱ Dios xexqꞌue chi qꞌuia̱nc joꞌ xqꞌuial li chahim li cuanqueb chiru choxa.

Números 23:10

Incꞌaꞌ naru rajlanquileb li ralal xcꞌajol laj Jacob. Chanchaneb li poks xban xqꞌuialeb. Usan cui tinca̱mk joꞌ nak nequeꞌcam li ti̱queb xchꞌo̱l. Usan cui tin-osokꞌ joꞌ nak nequeꞌosoꞌ eb aꞌan, chan laj Balaam.

Génesis 28:14

La̱ cualal a̱cꞌajol teꞌqꞌuia̱nk joꞌ xqꞌuial li poks li cuan saꞌ li chꞌochꞌ ut telajeꞌxjeqꞌui rib saꞌ ruchichꞌochꞌ. Saꞌ a̱cꞌabaꞌ la̱at joꞌ ajcuiꞌ saꞌ xcꞌabaꞌeb la̱ cualal a̱cꞌajol, chixjunileb li tenamit li teꞌcua̱nk saꞌ ruchichꞌochꞌ teꞌxcꞌul jun li nimla usilal.

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Génesis 17:6

Relic chi ya̱l nak tebinqꞌue chi qꞌuia̱nc la̱ cualal a̱cꞌajol. Nabalak le̱ tenamit ut teꞌcua̱nk ajcuiꞌ le̱ rey saꞌ le̱ tenamit chixju̱nkaleb.

Génesis 15:5

Li Dios quixcꞌam laj Abram chirix cab ut quixye re: —Ilon takecꞌ. Il ma tatru̱k rajlanquileb li chahim. Joꞌcan ajcuiꞌ xqꞌuial la̱ cualal a̱cꞌajol li tinqꞌue. Incꞌaꞌ tatru̱k rajlanquileb, chan li Dios.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Números 1:45

Queꞌajla̱c chixjunileb laj Israel li ac xeꞌxba̱nu junmay chihab li ta̱ru̱k teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ xte̱paleb lix yucuaꞌeb.

Números 14:29

Relic chi ya̱l ninye e̱re nak saꞌ li chaki chꞌochꞌ aꞌin texca̱mk che̱junilex la̱ex li quex-ajla̱c, li ac cuan junmay chihab e̱re, xban nak xecuechꞌi cuix.

Números 11:21

Ut laj Moisés quixye re li Ka̱cuaꞌ: —La̱in yo̱quin chi cꞌamoc be chiru cuakib ciento mil (600,000) chi cui̱nk ut la̱at nacaye nak ta̱qꞌueheb chi tiꞌoc tib chiru jun po.