Números 1:4 - Li Santil hu

⁴ Ut cua̱nkeb ajcuiꞌ che̱tenkꞌanquil li nequeꞌcꞌamoc be saꞌ xya̱nkeb li junju̱nk xte̱paleb laj Israel.

Q'eqchi Bible

⁴ Textenq'aaq xb'aaneb' li xjolomil li junqkab'al, jun re li junq teep.

Números 1:4 ပူးပေါင်းရင်းမြစ်များ

Números 1:16

Aꞌaneb aꞌin li cui̱nk li queꞌxakaba̱c chi tenkꞌa̱nc chi rajlanquileb li cui̱nk. Aꞌaneb li nequeꞌjolomin reheb li junju̱nk chi xte̱paleb laj Israel.

Éxodo 18:25

Laj Moisés quixsiqꞌueb ru li cui̱nk li tzꞌakal re ru xnaꞌlebeb joꞌ quiyeheꞌ re. Quixxakabeb chi rakoc a̱tin saꞌ xbe̱neb li cristian. Cuan li queꞌrakoc a̱tin saꞌ xbe̱n jun mil chi cristian, cuan queꞌrakoc a̱tin saꞌ xbe̱neb jun ciento chi cristian, cuan queꞌrakoc a̱tin saꞌ xbe̱n mero ciento chi cristian, ut cuan ajcuiꞌ queꞌrakoc a̱tin saꞌ xbe̱n laje̱b chi cristian.

Josué 22:14

Queꞌxtakla ajcuiꞌ laje̱b li nequeꞌcꞌamoc be saꞌ xya̱nkeb li junju̱nk te̱p. Queꞌco̱eb saꞌ xcꞌabaꞌ li junju̱nk chꞌu̱tal li ralal xcꞌajol laj Israel.

Deuteronomio 1:15

Joꞌcan nak la̱in quinxakabeb chi rakoc a̱tin saꞌ e̱be̱n li cui̱nk li nequeꞌcꞌamoc be saꞌ e̱ya̱nk, li cuanqueb xnaꞌleb ut nequeꞌxnau takla̱nc. Cuan li queꞌrakoc a̱tin saꞌ xbe̱n jun mil li cristian, cuan li queꞌrakoc a̱tin saꞌ xbe̱n jun ciento, cuan li queꞌrakoc a̱tin saꞌ xbe̱n laje̱b roꞌcꞌa̱l, ut cuan ajcuiꞌ li queꞌrakoc a̱tin saꞌ xbe̱n laje̱b chi cristian.

Números 25:14

Li cui̱nk aj Israel li quicamsi̱c rochben li ixk aj Madián, aꞌan laj Zimri li ralal laj Salu, li quitaklan saꞌ xbe̱neb li ralal xcꞌajol laj Simeón.

Números 25:4

Ut li Ka̱cuaꞌ quixye re laj Moisés: —Ta̱chꞌutubeb chixjunileb li cui̱nk li nequeꞌcꞌamoc be saꞌ xya̱nkeb laj Israel. Ut ta̱yatzꞌeb chiruheb chixjunileb li tenamit re nak ta̱e̱lk lin joskꞌil saꞌ xbe̱neb laj Israel, chan li Dios.

Números 17:3

Saꞌ lix xukꞌ laj Leví ta̱tzꞌi̱ba lix cꞌabaꞌ laj Aarón. Tento nak cua̱nk jun xxukꞌeb li nequeꞌjolomin reheb li cablaju xte̱paleb laj Israel.

Éxodo 18:21

Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Números 30:1

Laj Moisés quia̱tinac riqꞌuineb li nequeꞌjolomin reheb lix te̱paleb laj Israel ut quixye reheb: —Joꞌcaꞌin quixye li Ka̱cuaꞌ Dios.

1 Reyes 8:1

Mokon chic laj Salomón quixchꞌutubeb aran Jerusalén eb laj cꞌamol be saꞌ xya̱nkeb laj Israel, joꞌ eb ajcuiꞌ li nequeꞌtaklan saꞌ xbe̱n xte̱paleb li ralal xcꞌajol laj Israel. Quixchꞌutubeb re nak teꞌxcꞌam chak saꞌ li templo lix Lokꞌlaj Ca̱x li Ka̱cuaꞌ, li xocxo cuiꞌ lix contrato li Dios saꞌ lix tenamit laj David aran Sión.

Números 1:44

Aꞌaneb aꞌin li cui̱nk li queꞌajla̱c xbaneb laj Moisés ut laj Aarón rochbeneb li cablaju li cui̱nk li nequeꞌjolomin reheb li junju̱nk te̱p li ralal xcꞌajol laj Israel.

Números 4:34

Laj Moisés ut laj Aarón rochbeneb li nequeꞌcꞌamoc be saꞌ xya̱nkeb laj Israel queꞌrajlaheb li ralal xcꞌajol laj Coat chi chꞌu̱tal, aꞌ yal chanru xqꞌuialeb saꞌ li junju̱nk cabal.

Números 7:2

Ut eb li nequeꞌcꞌamoc be saꞌ xya̱nkeb li junju̱nk xte̱paleb laj Israel, aꞌ li queꞌtenkꞌan riqꞌuin rajlanquileb li cui̱nk, queꞌcuulac chi mayejac chiru li Ka̱cuaꞌ.