Números 1:3 - Li Santil hu

³ La̱at a̱cuochben laj Aarón te̱tzꞌi̱ba xcꞌabaꞌeb li cui̱nk li cuan junmay chihab reheb, joꞌqueb ajcuiꞌ li ac numenakeb junmay chihab. Te̱tzꞌi̱ba xcꞌabaꞌeb li naru teꞌoque̱nk saꞌ li ple̱t.

Q'eqchi Bible

³ Laa'at ut laj Aharón teekawresiheb' chi ch'uut chixjunileb' chalen aj junmay chihab', jo'k'ihaleb' li ak yo'ooneb' chi yalok.

Números 1:3 ပူးပေါင်းရင်းမြစ်များ

Éxodo 30:14

Chixjunileb li ac queꞌxba̱nu junmay chihab teꞌxqꞌue li mayej aꞌin chicuu.

Números 14:29

Relic chi ya̱l ninye e̱re nak saꞌ li chaki chꞌochꞌ aꞌin texca̱mk che̱junilex la̱ex li quex-ajla̱c, li ac cuan junmay chihab e̱re, xban nak xecuechꞌi cuix.

2 Samuel 24:9

Ut laj Joab quixye re li rey David jarubeb li cristian. Cuakxakib ciento mil chi cui̱nk cuanqueb Israel cauheb rib chi pletic. Ut o̱b ciento mil chi cui̱nk cuanqueb Judá.

Deuteronomio 24:5

Incꞌaꞌ naru xtaklanquil chi pletic junak li cui̱nk li tojeꞌ xsumla, ut ma̱ jun cꞌanjel ta̱teneba̱k saꞌ xbe̱n. Ta̱cua̱nk ban jun chihab saꞌ rochoch re xqꞌuebal xsahil xchꞌo̱l li rixakil.

Deuteronomio 3:18

Saꞌ li cutan aꞌan la̱in quinye e̱re, Li Ka̱cuaꞌ li kaDios xqꞌue e̱re li naꞌajej aꞌin re texcua̱nk cuiꞌ. Cauresihomakeb li cauheb xchꞌo̱l chi pletic ut taklahomakeb jun pacꞌal li nimaꞌ Jordán re xtenkꞌanquileb li jun chꞌol chic laj Israel chixcolbal rix lix naꞌajeb.

Números 33:1

Joꞌcaꞌin nak queꞌel chak laj Israel aran Egipto. Chi chꞌu̱tal queꞌxqꞌue rib nak yo̱queb chi xic joꞌ nequeꞌxba̱nu li soldados. Ut laj Moisés ut laj Aarón, aꞌaneb li queꞌcꞌamoc be chiruheb.

Números 32:11

“Eb li cui̱nk li queꞌel chak Egipto li cuan junmay chihab reheb, joꞌ eb ajcuiꞌ li ac numenakeb junmay chihab, incꞌaꞌ teꞌoc saꞌ li cha̱bil naꞌajej li quinyechiꞌi riqꞌuin juramento reheb laj Abraham, laj Isaac, ut laj Jacob xban nak incꞌaꞌ queꞌxpa̱b chi anchal xchꞌo̱leb li cꞌaꞌru quinye reheb.

Números 26:2

—Te̱rajlaheb chixjunileb li ralal xcꞌajol laj Israel saꞌ li junju̱nk cabal li ac xeꞌxba̱nu junmay chihab, joꞌ eb ajcuiꞌ li ac numenak junmay chihab, li ta̱ru̱k teꞌoc chokꞌ soldado, chan.

Éxodo 12:17

Saꞌ li ninkꞌe aꞌin te̱cuaꞌ li caxlan cua li ma̱cꞌaꞌ xchꞌamal xban nak saꞌ li cutan aꞌin xexcuisi saꞌ li tenamit Egipto. Re xjulticanquil li xinba̱nu e̱re, chalen anakcuan, texninkꞌei̱k chi joꞌcaꞌin joꞌ eb ajcuiꞌ le̱ ralal e̱cꞌajol. Li cutan aꞌan te̱oxlokꞌi xban nak saꞌ li cutan aꞌan quexcuisi saꞌ li tenamit Egipto.

Éxodo 38:26

Chixjunileb li cuanqueb junmay chihab reheb, aꞌan cuanqueb cuakib ciento riqꞌuin oxib mil riqꞌuin o̱b ciento riqꞌuin laje̱b roxcꞌa̱l (603,550). Li junju̱nk chi cristian queꞌxqꞌue o̱b roxcꞌa̱l (45) libra li plata joꞌ nequeꞌbisoc saꞌ li tabernáculo.

1 Crónicas 5:18

Eb li ralal xcꞌajol laj Rubén, ut eb li ralal xcꞌajol laj Gad ut li yi jach li ralal xcꞌajol laj Manasés, aꞌan cha̱bileb soldados. Cauheb rib chi pletic. Cuanqueb xchꞌi̱chꞌ re pletic ut cuanqueb ajcuiꞌ xchꞌi̱chꞌ re xcolbal re xchꞌo̱leb. Nequeꞌxnau pletic riqꞌuin tzimaj. Queꞌxtzol rib chi us chi pletic. Ca̱hib roxcꞌa̱l mil riqꞌuin cuukub ciento riqꞌuin oxcꞌa̱l (44,760) chixjunileb li nequeꞌxnau pletic chi us.

2 Crónicas 25:5

Li rey Amasías quixchꞌutubeb chixjunileb li cui̱nk xcomoneb li ralal xcꞌajol laj Judá ut laj Benjamín. Quixqꞌueheb chi chꞌu̱tal aꞌ yal aniheb li rechꞌalal. Quixxakabeb li teꞌtakla̱nk saꞌ xbe̱neb li ju̱nk mil chi soldado joꞌ ajcuiꞌ saꞌ xbe̱neb li ju̱nk ciento chi soldado. Li cui̱nk li queꞌajla̱c ac xeꞌxba̱nu junmay chihab. Oxib ciento mil chixjunileb. Sicꞌbileb ru ut cauresinbileb re teꞌxic chi pletic riqꞌuin la̱ns ut riqꞌuin li chꞌi̱chꞌ re xcolbal re xchꞌo̱leb.

Números 3:15

—Ta̱cuajlaheb li ralal xcꞌajol laj Leví chi chꞌu̱tal, aꞌ yal chanru xqꞌuial saꞌ li junju̱nk cabal. Ta̱cuajla chixjunileb li cuanqueb jun po re joꞌ eb ajcuiꞌ li numenakeb jun po.—

Números 4:3

Ta̱cuajlaheb chixjunileb li cui̱nk li cuan laje̱b xcaꞌcꞌa̱l (30) chihab reheb joꞌ eb ajcuiꞌ li ac numenak laje̱b roxcꞌa̱l chihab toj ta̱cuulak laje̱b roxcꞌa̱l (50) chihab. Aꞌaneb li teꞌoc chi cꞌanjelac saꞌ li tabernáculo.