Números 1:2 - Li Santil hu

² —La̱at ut laj Aarón te̱rajlaheb laj Israel. Te̱tzꞌi̱ba xcꞌabaꞌeb li junju̱nk chi cui̱nk saꞌ li junju̱nk xte̱paleb aꞌ yal chanru xqꞌuialeb saꞌ li junju̱nk cabal.

Q'eqchi Bible

² “Ajlahomaqeb' chixjunil li xkomonileb' laj Israel, chi teep ut chi junqkab'alil; teetz'iib'a chi junqal li xk'ab'a'eb' li winq.

Números 1:2 ပူးပေါင်းရင်းမြစ်များ

Éxodo 38:26

Chixjunileb li cuanqueb junmay chihab reheb, aꞌan cuanqueb cuakib ciento riqꞌuin oxib mil riqꞌuin o̱b ciento riqꞌuin laje̱b roxcꞌa̱l (603,550). Li junju̱nk chi cristian queꞌxqꞌue o̱b roxcꞌa̱l (45) libra li plata joꞌ nequeꞌbisoc saꞌ li tabernáculo.

Éxodo 30:12

—Nak ta̱cuajlaheb laj Israel chi xjunju̱nkaleb teꞌmayejak chicuu re xcolbal rix lix yuꞌameb re nak incꞌaꞌ teꞌca̱mk.

Números 1:18

Ut saꞌ li xbe̱n cutan re li xcab po queꞌxchꞌutubeb ru chixjunileb laj Israel ut queꞌxtzꞌi̱ba xcꞌabaꞌeb chixjunileb li cui̱nk li cuan junmay chihab reheb, joꞌqueb ajcuiꞌ li ac numenakeb junmay chihab. Queꞌxtzꞌi̱ba xcꞌabaꞌeb aꞌ yal ani lix xeꞌto̱nil yucuaꞌeb li junju̱nk.

Números 1:22

Queꞌtzꞌi̱ba̱c xcꞌabaꞌeb li ralal xcꞌajol laj Simeón li ac xeꞌxba̱nu junmay chihab re teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ li junju̱nk cabal.

Éxodo 12:37

Ut chixjunileb laj Israel queꞌel saꞌ li tenamit Ramesés ut queꞌco̱eb saꞌ li tenamit Sucot. Cuakib ciento mil (600,000) chi cui̱nk queꞌco̱eb chi rok. Eb li ixk joꞌ ajcuiꞌ eb li cocꞌal ma̱cꞌaꞌeb saꞌ ajl.

Éxodo 38:25

Li plata li queꞌxqꞌue, aꞌan cuukub mil riqꞌuin o̱b ciento libra riqꞌuin mero ciento (7,550) joꞌ nequeꞌbisoc saꞌ li tabernáculo.

Números 1:19

Laj Moisés quirajlaheb saꞌ li chaki chꞌochꞌ Sinaí joꞌ quiyeheꞌ re xban li Ka̱cuaꞌ.