Números 1:16 - Li Santil hu

¹⁶ Aꞌaneb aꞌin li cui̱nk li queꞌxakaba̱c chi tenkꞌa̱nc chi rajlanquileb li cui̱nk. Aꞌaneb li nequeꞌjolomin reheb li junju̱nk chi xte̱paleb laj Israel.

Q'eqchi Bible

¹⁶ A'aneb' a'in li winq ke'xaqab'aak xb'aaneb' li komonil, xjolomileb' li junq teep, aj k'amol b'eheb' sa' xyanqeb' laj Israel.

Números 1:16 ပူးပေါင်းရင်းမြစ်များ

Números 7:2

Ut eb li nequeꞌcꞌamoc be saꞌ xya̱nkeb li junju̱nk xte̱paleb laj Israel, aꞌ li queꞌtenkꞌan riqꞌuin rajlanquileb li cui̱nk, queꞌcuulac chi mayejac chiru li Ka̱cuaꞌ.

Éxodo 18:25

Laj Moisés quixsiqꞌueb ru li cui̱nk li tzꞌakal re ru xnaꞌlebeb joꞌ quiyeheꞌ re. Quixxakabeb chi rakoc a̱tin saꞌ xbe̱neb li cristian. Cuan li queꞌrakoc a̱tin saꞌ xbe̱n jun mil chi cristian, cuan queꞌrakoc a̱tin saꞌ xbe̱neb jun ciento chi cristian, cuan queꞌrakoc a̱tin saꞌ xbe̱n mero ciento chi cristian, ut cuan ajcuiꞌ queꞌrakoc a̱tin saꞌ xbe̱n laje̱b chi cristian.

Éxodo 18:21

Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Números 26:9

Eb li ralal laj Eliab, aꞌaneb laj Nemuel, laj Datán, ut laj Abiram. Laj Datán ut laj Abiram, aꞌaneb li queꞌqꞌuehoc xnaꞌlebeb laj Israel. Queꞌxkꞌetkꞌeti ribeb chiruheb laj Moisés ut laj Aarón rochbeneb laj Coré ut eb li queꞌoquen chirix nak queꞌxcuechꞌi rix li Ka̱cuaꞌ.

Números 16:2

Queꞌxkꞌetkꞌeti ribeb chiru laj Moisés rochbeneb cuib ciento riqꞌuin laje̱b roxcꞌa̱l (250) laj Israel xcomoneb li xakabanbileb chi takla̱nc saꞌ xbe̱neb li tenamit. Naꞌno ruheb li cui̱nk aꞌan.

Números 1:4

Ut cua̱nkeb ajcuiꞌ che̱tenkꞌanquil li nequeꞌcꞌamoc be saꞌ xya̱nkeb li junju̱nk xte̱paleb laj Israel.

Miqueas 5:2

La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

1 Samuel 23:23

Qꞌuehomak retal chi us bar cuanqueb li naꞌajej li naxmuk cuiꞌ rib. Texcha̱lk cuiꞌchic chi junpa̱t ut te̱ye cue cꞌaꞌru xerabi. Ut la̱in tinxic che̱rix cui toj cuan aran ut tinsiqꞌui toj retal tintau usta tinsiqꞌui saꞌ chixjunil li naꞌajej Judá, chan.

1 Samuel 22:7

Laj Saúl quixye reheb li cuanqueb rochben: —Ex ralal xcꞌajol laj Benjamín, abihomak li tinye. ¿Ma nequecꞌoxla la̱ex nak laj David li ralal laj Isaí tixqꞌue e̱chꞌochꞌ che̱junilex la̱ex ut tixqꞌue le̱ racui̱mk uvas? ¿Ma texqꞌue che̱junilex la̱ex chi takla̱nc saꞌ xbe̱neb lix soldados nak nequecꞌoxla?

Jueces 6:15

Quichakꞌoc laj Gedeón ut quixye: —Chacuy inma̱c, at Ka̱cuaꞌ. ¿Chan ta cuiꞌ ru nak tincoleb li tenamit Israel? Lin naꞌ inyucuaꞌ, aꞌaneb li kꞌaxal nebaꞌeb saꞌ xya̱nkeb li ralal xcꞌajol laj Manasés. Ut la̱in caꞌchꞌin incuanquil saꞌ xya̱nkeb li cuanqueb saꞌ rochoch lin yucuaꞌ, chan.

Deuteronomio 1:15

Joꞌcan nak la̱in quinxakabeb chi rakoc a̱tin saꞌ e̱be̱n li cui̱nk li nequeꞌcꞌamoc be saꞌ e̱ya̱nk, li cuanqueb xnaꞌleb ut nequeꞌxnau takla̱nc. Cuan li queꞌrakoc a̱tin saꞌ xbe̱n jun mil li cristian, cuan li queꞌrakoc a̱tin saꞌ xbe̱n jun ciento, cuan li queꞌrakoc a̱tin saꞌ xbe̱n laje̱b roꞌcꞌa̱l, ut cuan ajcuiꞌ li queꞌrakoc a̱tin saꞌ xbe̱n laje̱b chi cristian.

Números 11:17

La̱in tincubek chak ut tina̱tinak a̱cuiqꞌuin. Ut tinqꞌue lin musikꞌ reheb joꞌ quinqꞌue a̱cue la̱at re nak tateꞌxtenkꞌa chixcꞌambaleb xbe li tenamit aꞌin. Chi joꞌcan incꞌaꞌ ta̱cana̱k saꞌ a̱be̱n a̱junes la̱at li i̱k aꞌin.

Números 1:15

Ut laj Ahira, li ralal laj Enán, aꞌan li najolomin reheb lix te̱paleb li ralal xcꞌajol laj Neftalí.

Números 1:17

Laj Moisés ut laj Aarón queꞌxbokeb li cui̱nk aꞌin li queꞌsiqꞌueꞌ ruheb.

Números 10:4

Cui jun ajcuiꞌ li trompeta ta̱ya̱basi̱k, teꞌxchꞌutub ribeb cha̱cuu eb li nequeꞌjolomin reheb li junju̱nk xte̱paleb laj Israel.

Números 30:1

Laj Moisés quia̱tinac riqꞌuineb li nequeꞌjolomin reheb lix te̱paleb laj Israel ut quixye reheb: —Joꞌcaꞌin quixye li Ka̱cuaꞌ Dios.