Nehemías 9:6 - Li Santil hu

⁶ Ut laj Esdras quitijoc ut quixye: —At Ka̱cuaꞌ, caꞌaj cuiꞌ la̱at li Dios. Ma̱ ani chic junak Dios. Caꞌaj cuiꞌ la̱at. La̱at catyi̱ban re li choxa joꞌ ajcuiꞌ chixjunil li cuan chiru. La̱at catyi̱ban re li ruchichꞌochꞌ ut chixjunil li cuan chiru. La̱at catyi̱ban re li palau joꞌ ajcuiꞌ chixjunil li cuan chi saꞌ. La̱at nacaqꞌue xyuꞌameb chixjunil li cꞌaꞌru cuan. Joꞌcan nak chixjunileb li cuanqueb saꞌ choxa nacateꞌxlokꞌoni.

Q'eqchi Bible

⁶ Toja' naq laj Esdras kixye: “At Qaawa', ka'jat wi' li Yos! Laa'at katyiib'ank re li xnimal li choxa ut chixjunileb' li chahim. Laa'at aj Winqob'resihom re li choxach'och' ut chixjunil li wank chisa'; laa'at katyiib'ank re li palaw ut jo'ch'inal jo'nimal yo'yo sa' xchamal. Laa'at xyo'leb'aal li yu'am; jo'kan naq nakate'xloq'on eb' li chahim sa' choxa.

Nehemías 9:6 ပူးပေါင်းရင်းမြစ်များ

Isaías 37:16

—At nimajcual Dios, la̱at lix Dioseb laj Israel. Cuancat saꞌ xyiheb li querubines. Caꞌaj cuiꞌ la̱at li tzꞌakal Dios. La̱at cuan a̱cuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. La̱at catyi̱ban re li choxa ut li ruchichꞌochꞌ.

Génesis 1:1

Saꞌ xticlajic li Dios quixyi̱b chak li choxa ut li ruchichꞌochꞌ.

Apocalipsis 4:11

Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

Deuteronomio 10:14

Li Ka̱cuaꞌ le̱ Dios, aꞌan laj e̱chal re chixjunil li choxa, joꞌ ajcuiꞌ li ruchichꞌochꞌ ut li joꞌ qꞌuial cuan chi saꞌ.

Deuteronomio 6:4

Abihomak, la̱ex aj Israel, li Ka̱cuaꞌ li kaDios, aꞌan jun ajcuiꞌ.

Isaías 44:8

Ex intenamit, mexxucuac. La̱ex nequenau nak chalen chak junxil la̱in quinchꞌolob xya̱lal cꞌaꞌru ta̱cꞌulma̱nk. ¿Ma cuan ta biꞌ junak chic Dios chicuu la̱in? La̱ex nequenau nak ma̱cꞌaꞌ chic junak dios chicuu la̱in. Caꞌaj cuiꞌ la̱in.—

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

2 Reyes 19:15

Quitijoc ut quixye: —At Ka̱cuaꞌ, la̱at li kaDios la̱o aj Israel. La̱at li cuancat saꞌ xyi li querubines. Caꞌaj cuiꞌ la̱at li Dios. La̱at cuan a̱cuanquil saꞌ xbe̱neb li xni̱nkal ru tenamit li cuanqueb saꞌ ruchichꞌochꞌ. La̱at catyi̱ban re li choxa ut li ruchichꞌochꞌ.

Génesis 2:1

Joꞌcaꞌin ut nak quixchoy li Dios xyi̱banquil li choxa ut li ruchichꞌochꞌ ut chixjunil li cꞌaꞌru cuan.

Isaías 43:10

La̱in li Ka̱cuaꞌ ninyehoc re chi joꞌcaꞌin: —La̱ex aj Israel, la̱exak li texchꞌoloba̱nk li ya̱l nak la̱in li tzꞌakal Dios. La̱ex laj cꞌanjel chicuu. La̱in xinsicꞌoc e̱re re nak te̱nau cuu ut tine̱pa̱b. Te̱tau ru nak la̱in li Ka̱cuaꞌ. Moco cuanjenak ta chak junak Dios junxil chicuu la̱in, chi moco ta̱cua̱nk mokon.

Apocalipsis 14:7

Yo̱ chixyebal chi cau xya̱b xcux: —Chexucua̱k ru li Dios ut cheqꞌue xlokꞌal xban nak xcuulac xkꞌehil nak ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chelokꞌonihak aꞌan li quiyi̱ban re li choxa, li ruchichꞌochꞌ, ut li palau joꞌqueb ajcuiꞌ li yuꞌam haꞌ, chan.

Salmos 36:6

At Ka̱cuaꞌ, lix ti̱quilal la̱ chꞌo̱l cuan chi junelic joꞌ eb li ni̱nki tzu̱l cuanqueb chi junelic. Kꞌaxal numtajenak la̱ naꞌleb chi rakoc a̱tin. Chanchan xchamal li nimla palau li incꞌaꞌ naru xbisbal. At Ka̱cuaꞌ, la̱at nacat-iloc reheb li cristian saꞌ ruchichꞌochꞌ joꞌ ajcuiꞌ eb li xul.

1 Reyes 8:27

¿Ma naru ta biꞌ nacatcuan saꞌ ruchichꞌochꞌ? Li choxa kꞌaxal nim, abanan aꞌan incꞌaꞌ tzꞌakal chokꞌ a̱naꞌaj, at Ka̱cuaꞌ. ¿Ma tojaꞌ ta chic li cab li xinyi̱b ta̱tzꞌaklok chokꞌ a̱naꞌaj?

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

Hebreos 1:6

Nak quixtakla chak li junaj chi Ralal saꞌ ruchichꞌochꞌ, li Dios quixye: Chilokꞌoni̱k ru xbaneb chixjunileb li ángel.

Isaías 37:20

Anakcuan ut at Ka̱cuaꞌ, at kaDios, nakatzꞌa̱ma cha̱cuu nak choa̱col chiruheb laj Asiria re nak chixjunileb li cuanqueb xcuanquil saꞌ ruchichꞌochꞌ teꞌxnau nak la̱at li Ka̱cuaꞌ Dios ut ma̱ ani chic junak dios cuan. Caꞌaj cuiꞌ la̱at, chan laj Ezequías.

Salmos 86:10

Teꞌxqꞌue a̱lokꞌal xban nak kꞌaxal nim a̱cuanquil ut sachba chꞌo̱lej li nalaja̱ba̱nu. Caꞌaj cuiꞌ la̱at li tzꞌakal Dios.

2 Reyes 19:19

At Ka̱cuaꞌ, at kaDios, choa̱col taxak saꞌ rukꞌ lix reyeb laj Asiria re nak chixjunileb li xni̱nkal ru tenamit li cuanqueb saꞌ ruchichꞌochꞌ teꞌxqꞌue retal nak caꞌaj cuiꞌ la̱at li Ka̱cuaꞌ li tzꞌakal Dios, chan laj Ezequías.

Ezequiel 20:11

La̱in quinqꞌue lin chakꞌrab reheb ut quincꞌut chiruheb chanru teꞌxba̱nu xban nak li ani naxba̱nu li cꞌaꞌru ninye, cua̱nk xyuꞌam.

Salmos 146:6

Li Ka̱cuaꞌ, aꞌan li quiyi̱ban re li choxa ut li ruchichꞌochꞌ. Aꞌan li quiyi̱ban re li palau ut chixjunil li cuan chi saꞌ. Aꞌan junelic naxba̱nu li cꞌaꞌru naxye.

Salmos 103:21

Chelokꞌonihak taxak li Ka̱cuaꞌ che̱junilex la̱ex li qꞌuebil e̱cuanquil chi cꞌanjelac chiru saꞌ choxa, la̱ex li nequeba̱nu li cꞌaꞌru naraj aꞌan.

Salmos 33:6

Li choxa ut chixjunil li cꞌaꞌru cuan chiru yal riqꞌuin li ra̱tin quilajxyi̱b li Dios.

1 Reyes 22:19

Li profeta Micaías quixye ajcuiꞌ: —Qꞌuehomak retal li cꞌaꞌru quixcꞌutbesi chicuu li Ka̱cuaꞌ. Xcuil li Ka̱cuaꞌ cꞌojcꞌo saꞌ lix cꞌojariba̱l saꞌ choxa. Ut chixjunileb lix ángel xakxo̱queb chixcꞌatk. Cuanqueb saꞌ lix nim ukꞌ ut cuanqueb saꞌ lix tzꞌe.

San Juan 10:30

La̱in ut li Yucuaꞌbej junajo chi kibil kib, chan li Jesús.

Génesis 32:2

Nak quirileb aꞌan, laj Jacob quixye: —Aꞌineb lix soldado li Ka̱cuaꞌ Dios.— Ut quixqꞌue chokꞌ xcꞌabaꞌ li naꞌajej aꞌan Mahanaim.

Hechos 4:24

Nak queꞌrabi aꞌan, chixjunileb laj pa̱banel queꞌtijoc chiru li Dios saꞌ comonil ut queꞌxye: —At Ka̱cuaꞌ at nimajcual Dios, la̱at catyi̱ban re li choxa, li ruchichꞌochꞌ, ut li palau. La̱at catyi̱ban re chixjunil li cꞌaꞌru cuan.

Nehemías 9:5

Laj Jesúa, laj Cadmiel, laj Bani, laj Hasabnías, laj Serebías, laj Hodías, laj Sebanías, ut laj Petaías queꞌxye reheb li tenamit: —Cuaclinkex. Qꞌuehomak xlokꞌal li Ka̱cuaꞌ li kaDios, li kꞌaxal nim xcuanquil. Qꞌuehomak xlokꞌal chi junelic. Chiqꞌuehekꞌ taxak xlokꞌal lix lokꞌlaj cꞌabaꞌ ut chinima̱k taxak ru chi junelic kꞌe cutan.—

Salmos 24:10

¿Ani li rey aꞌin, li kꞌaxal nim xcuanquil? Aꞌan lix Dioseb li qꞌuila okꞌob chi ángel. Aꞌan li Ka̱cuaꞌ Dios li kꞌaxal nim xcuanquil.

Salmos 102:25

Najter kꞌe cutan la̱at catyi̱ban re li ruchichꞌochꞌ. Ut la̱at ajcuiꞌ catyi̱ban re li choxa riqꞌuin la̱ cuukꞌ.

Salmos 115:15

Aꞌ ta li nimajcual Dios li quiyi̱ban re li choxa ut li ruchichꞌochꞌ chi-osobtesi̱nk e̱re.

Isaías 45:12

La̱in quinyi̱ban re li ruchichꞌochꞌ ut la̱in quinyoꞌobtesin reheb li cristian li cuanqueb saꞌ ruchichꞌochꞌ. Riqꞌuin lin cuanquil quinyi̱b li choxa. La̱in yal cue saꞌ xbe̱n li sakꞌe, li po ut eb li chahim.

Jonás 1:9

Quichakꞌoc ut quixye reheb: —La̱in jun aj hebreo ut ninxucua ru li Ka̱cuaꞌ Dios li cuan saꞌ choxa, li quiyi̱ban re li palau ut li ruchichꞌochꞌ, chan.

Génesis 1:9

Ut li Dios quixye: —Chichꞌutla̱k chixjunil li haꞌ li cuan takꞌa ut chicana̱k chi chaki li chꞌochꞌ, chan. Ut quicꞌulman joꞌ quixye li Dios.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Salmos 124:8

Li nimajcual Dios, li quiyi̱ban re li choxa ut li ruchichꞌochꞌ, aꞌan li natenkꞌan ke.

Jeremías 32:17

—At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.