Nehemías 9:4 - Li Santil hu

⁴ Ut chirix aꞌan queꞌnumeꞌ chi ubej eb laj levita. Aꞌaneb aꞌin: laj Jesúa, laj Bani, laj Cadmiel, laj Sebanías, laj Buni, laj Serebías, laj Bani ut laj Quenani. Queꞌxya̱ba xcꞌabaꞌ li Ka̱cuaꞌ lix Dioseb chi cau xya̱b xcuxeb.

Q'eqchi Bible

⁴ Chirix chik a'an laj Josué, laj Binuy, laj Kadmiel, laj Sebanías, laj Buní, laj Serebías, laj Baní ut laj Kenaní ke'taqe'k sa' xna'ajeb' laj Leví ut ke'xyaab'a xk'ab'a' li Qaawa' li xYoseb' chi kaw xyaab' xkuxeb'.

Nehemías 9:4 ပူးပေါင်းရင်းမြစ်များ

Nehemías 8:7

Ut eb laj levita yo̱queb chixchꞌolobanquil xya̱lal li chakꞌrab chiruheb li tenamit. Ut eb li tenamit queꞌxqꞌue xchꞌo̱l chirabinquil. Eb laj levita, aꞌaneb aꞌin: laj Jesúa, laj Bani, laj Serebías, laj Jamín, laj Acub, laj Sabetai, laj Hodías, laj Maasías, laj Kelita, laj Azarías, laj Jozabed, laj Hanán ut laj Pelaía.

Nehemías 12:8

Aꞌaneb aꞌin laj levita: laj Jesúa, laj Binúi, laj Cadmiel, laj Serebías, laj Judá ut laj Matanías. Eb aꞌan li queꞌcꞌamoc be chi bicha̱nc re lokꞌoni̱nc.

Nehemías 9:5

Laj Jesúa, laj Cadmiel, laj Bani, laj Hasabnías, laj Serebías, laj Hodías, laj Sebanías, ut laj Petaías queꞌxye reheb li tenamit: —Cuaclinkex. Qꞌuehomak xlokꞌal li Ka̱cuaꞌ li kaDios, li kꞌaxal nim xcuanquil. Qꞌuehomak xlokꞌal chi junelic. Chiqꞌuehekꞌ taxak xlokꞌal lix lokꞌlaj cꞌabaꞌ ut chinima̱k taxak ru chi junelic kꞌe cutan.—

2 Crónicas 20:19

Chirix aꞌan eb laj levita, li ralal laj Coat ut eb li ralal laj Coré, queꞌxakli ut queꞌxlokꞌoni li Ka̱cuaꞌ lix Dioseb laj Israel chi cau xya̱b xcuxeb.

Hechos 7:60

Quixcuikꞌib rib, quixjap re chi cau ut quixye: —At Ka̱cuaꞌ, ma̱qꞌue li ma̱c aꞌin saꞌ xbe̱neb.— Ut nak quixye aꞌan, quicam.

San Juan 11:43

Nak quirakeꞌ chi tijoc, li Jesús quixye chi cau xya̱b xcux: —At Lázaro, cuaclin chak ut quim arin, chan.

Lamentaciones 3:8

Usta xinjap cue chixtzꞌa̱manquil intenkꞌanquil chiru, abanan li Ka̱cuaꞌ incꞌaꞌ xrabi lin tij.

Salmos 130:1

At nimajcual Dios, nak ac yo̱ chi yotꞌecꞌ inchꞌo̱l xban lin ma̱c, nintzꞌa̱ma intenkꞌanquil cha̱cuu.

Salmos 77:1

Chi cau xya̱b incux xinya̱ba xcꞌabaꞌ li Dios. Xinya̱ba xcꞌabaꞌ li Dios ut aꞌan xsumen cue.

Salmos 3:4

Ninya̱ba xcꞌabaꞌ li Ka̱cuaꞌ. Ut aꞌan niquinixsume chak toj saꞌ lix lokꞌlaj santil naꞌaj.

Nehemías 3:17

Li tzꞌac li cuan chixcꞌatk li quixyi̱b laj Nehemías, aꞌan queꞌxyi̱b eb laj levita. Laj Rehum li ralal laj Bani, aꞌan li quicꞌamoc be chiruheb. Li tzꞌac li cuan chixcꞌatk aꞌan quixyi̱b laj Hasabías li nataklan saꞌ xbe̱neb yijach li tenamit li cuanqueb saꞌ li naꞌajej Keila. Li cꞌanjel aꞌan quixba̱nu saꞌ xcꞌabaꞌ lix tenamit.

Nehemías 8:4

Laj Esdras, li nacꞌutuc re li chakꞌrab chiruheb li tenamit, xakxo saꞌ xbe̱n li tusbil cheꞌ li queꞌxyi̱b re ta̱xakli̱k cuiꞌ. Ut eb li cui̱nk aꞌin xakxo̱queb chixcꞌatk saꞌ lix nim ukꞌ laj Esdras: laj Matatías, laj Sema, laj Anías, laj Urías, laj Hilcías, ut laj Maasías. Ut saꞌ lix tzꞌe xakxo̱queb laj Pedaías, laj Misael, laj Malquías, laj Hasum, laj Hasbadana, laj Zacarías ut laj Mesulam.