Nehemías 9:16 - Li Santil hu

¹⁶ Abanan eb li kaxeꞌto̱nil yucuaꞌ queꞌxkꞌet la̱ cua̱tin. Queꞌxcacuubresi lix chꞌo̱leb ut incꞌaꞌ queꞌraj rabinquil li chakꞌrab li caqꞌue reheb.

Q'eqchi Bible

¹⁶ “Ab'an eb' a'an ut eb' li qana' qayuwa' ke'xq'etq'eti rib', ke'xkawub'resi xch'ooleb' ut ink'a' ke'raj rab'inkil laachaq'rab'.

Nehemías 9:16 ပူးပေါင်းရင်းမြစ်များ

Nehemías 9:29

La̱at caye reheb nak teꞌxba̱nu joꞌ naxye li chakꞌrab. Abanan eb aꞌan queꞌxkꞌetkꞌeti rib ut incꞌaꞌ queꞌraj xba̱nunquil. Incꞌaꞌ queꞌxba̱nu joꞌ caye reheb. Queꞌxtzꞌekta̱na ban li chakꞌrab. Ut li chakꞌrab li caqꞌue reheb, aꞌan raj quiqꞌuehoc xyuꞌameb. Queꞌxcacuubresi ban lix chꞌo̱leb ut incꞌaꞌ queꞌraj rabinquil li cꞌaꞌru caye reheb.

Hebreos 3:15

Joꞌcaꞌin tzꞌi̱banbil saꞌ li Santil Hu li quixye li Dios: Cherabihak li cua̱tin anakcuan. Me̱cacuubresi e̱chꞌo̱l joꞌ queꞌxba̱nu chak le̱ xeꞌto̱nil yucuaꞌ nak queꞌxkꞌet chak li cua̱tin. (Sal. 95:7-8)

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Nehemías 9:10

Caba̱nu lix ni̱nkal ru milagro sachba chꞌo̱lej rilbal re risinquil xcuanquil laj faraón, joꞌqueb ajcuiꞌ li nequeꞌcꞌanjelac chiru, joꞌqueb ajcuiꞌ chixjunileb laj Egipto xban nak la̱at caqꞌue retal chanru nak queꞌrahobtesi̱c li kaxeꞌto̱nil yucuaꞌ xbaneb. Joꞌcan nak chalen anakcuan naꞌno saꞌ chixjunil li tenamit nak la̱at nacaba̱nu li xni̱nkal ru milagro.

Deuteronomio 31:27

La̱in ninnau nak aj kꞌetoleb a̱tin li tenamit aꞌin ut kꞌaxal cauheb xchꞌo̱l. Xeꞌxkꞌetkꞌeti ribeb chiru li Ka̱cuaꞌ nak cuanquin riqꞌuineb. Ut kꞌaxal cuiꞌchic teꞌxba̱nu nak ac xincam nak ma̱ anihakin chic riqꞌuineb.

Hebreos 3:13

Cheqꞌuehak ban e̱naꞌleb che̱ribil e̱rib rajlal cutan nak toj naru xba̱nunquil. Chetenkꞌa e̱rib che̱ribil e̱rib re nak ma̱ jun ta̱balakꞌi̱k xban li ma̱c, xban nak li nabalakꞌi̱c xban li ma̱c incꞌaꞌ chic naraj xba̱nunquil li cꞌaꞌru naraj li Dios.

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

Jeremías 19:15

—Joꞌcaꞌin xye li nimajcual Dios, lix Dioseb laj Israel, “La̱in tinqꞌue chak li raylal saꞌ xbe̱n li tenamit Jerusalén, joꞌ ajcuiꞌ saꞌ xbe̱neb li tenamit li cuanqueb chi xjun sutam. Li raylal aꞌin ac tenebanbil saꞌ xbe̱neb inban la̱in xban nak xeꞌxcacuubresi lix chꞌo̱leb ut incꞌaꞌ queꞌraj rabinquil li cua̱tin,” chan li Ka̱cuaꞌ.—

Jeremías 2:31

La̱ex aj Israel, ¿cꞌaꞌut nak incꞌaꞌ nequerabi li cꞌaꞌru ninye e̱re? ¿Ma la̱in ta biꞌ joꞌ jun li naꞌajej chaki che̱ru? ¿Ma la̱in joꞌ jun li kꞌojyi̱n nak nequecꞌoxla? ¿Ma ma̱cꞌaꞌ nin-oc cuiꞌ che̱ru? ¿Cꞌaꞌut nak nequeye nak te̱ba̱nu li cꞌaꞌru nequeraj? ¿Cꞌaꞌut nak nequeye nak incꞌaꞌ chic texsukꞌi̱k cuiqꞌuin?

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

Isaías 48:18

Xeba̱nu raj li xinye e̱re. Cui ta xeba̱nu, cuanquex raj saꞌ tuktu̱quil usilal. Li tuktu̱quil usilal chanchan raj jun nimaꞌ incꞌaꞌ nachakic. Ut le̱ ti̱quilal chanchan raj lix cau ok li palau li ma̱cꞌaꞌ rosoꞌjic.

Isaías 48:4

La̱in xinba̱nu chi joꞌcan xban nak ninnau nak la̱ex incꞌaꞌ nequetau xya̱lal. Cau e̱chꞌo̱l. Chanchan xcacuil li chꞌi̱chꞌ hierro ut bronce.

Proverbios 29:1

Li ani incꞌaꞌ naxqꞌue saꞌ xchꞌo̱l lix kꞌusbal ta̱sachekꞌ ru chi junpa̱t ut ma̱ ani naru nacoloc re chiru li sachc.

Salmos 106:6

Ya̱l nak xoma̱cob cha̱cuu joꞌ queꞌxba̱nu li kaxeꞌto̱nil yucuaꞌ. La̱o xkaba̱nu li ma̱usilal ut li incꞌaꞌ us.

Salmos 81:8

Ex intenamit, cherabihak taxak li oc cue chixyebal e̱re. Us raj nak te̱qꞌue saꞌ e̱chꞌo̱l li cꞌaꞌru tinye e̱re, la̱ex aj Israel.

2 Crónicas 36:13

Quixkꞌetkꞌeti rib chiru li rey Nabucodonosor ut incꞌaꞌ chic quiraj xba̱nunquil li juramento li quixba̱nu saꞌ xcꞌabaꞌ li Dios riqꞌuin laj Nabucodonosor. Quixcacuubresi ban lix chꞌo̱l ut incꞌaꞌ quiraj sukꞌi̱c riqꞌuin li Ka̱cuaꞌ lix Dioseb laj Israel.

2 Crónicas 30:8

Me̱cacuubresi le̱ chꞌo̱l chiru li Ka̱cuaꞌ joꞌ queꞌxba̱nu le̱ xeꞌto̱nil yucuaꞌ. Cubsihomak ban e̱rib chiru li Ka̱cuaꞌ. Quimkex saꞌ lix templo li quixsantobresi chi junelic. Chelokꞌoni li Ka̱cuaꞌ re nak ta̱e̱lk lix joskꞌil saꞌ e̱be̱n.

2 Reyes 17:14

Abanan eb aꞌan incꞌaꞌ queꞌabin. Queꞌxcacuubresi ban lix chꞌo̱leb joꞌ queꞌxba̱nu lix xeꞌto̱nil xyucuaꞌeb. Incꞌaꞌ queꞌxcꞌojob xchꞌo̱l riqꞌuin li Dios.

Deuteronomio 32:15

Eb laj Jesurún queꞌni̱nkan ut queꞌxkꞌetkꞌeti ribeb. Nalemtzꞌun nequeꞌiloc xban xni̱nkaleb. Ut queꞌxtzꞌekta̱na li Ka̱cuaꞌ li quiyi̱ban reheb. Queꞌxtzꞌekta̱na laj Colol reheb.

Deuteronomio 9:27

Chijulticokꞌ taxak a̱cue eb laj cꞌanjel cha̱cuu, laj Abraham, laj Isaac ut laj Jacob. Ma̱qꞌue saꞌ a̱chꞌo̱l lix cacuilal xchꞌo̱leb li tenamit aꞌin ut chacuy taxak lix ma̱usilaleb ut lix ma̱queb.

Deuteronomio 9:13

Ut li Ka̱cuaꞌ quixye cue: La̱in quinqꞌue retal nak li cristian aꞌin kꞌaxal cauheb xchꞌo̱l. Incꞌaꞌ nequeꞌabin chicuu.

Deuteronomio 9:6

Joꞌcan nak chenauhak nak ma̱cuaꞌ xban xti̱quilal le̱ chꞌo̱l nak li Ka̱cuaꞌ tixqꞌue e̱re li cha̱bil naꞌajej. La̱ex cau e̱chꞌo̱l ut incꞌaꞌ nequetau xya̱lal.

Deuteronomio 5:29

Us raj nak eb li cualal incꞌajol incꞌaꞌ teꞌxjal xcꞌaꞌuxeb. Junelic raj teꞌxxucua cuu. Junelic raj teꞌxba̱nu li cꞌaꞌru naxye saꞌ lin chakꞌrab re nak junelic us teꞌe̱lk joꞌ eb ajcuiꞌ li ralal xcꞌajoleb.

Éxodo 32:9

Ut li Ka̱cuaꞌ Dios quixye ajcuiꞌ re laj Moisés: —La̱in xinqꞌue retal nak li cristian aꞌin kꞌaxal cauheb xchꞌo̱l. Incꞌaꞌ nequeꞌabin chicuu.

Éxodo 15:26

Quixye reheb: —Junelic te̱rabi li cua̱tin. Te̱ba̱nu li ti̱quilal chicuu. La̱ex te̱pa̱b lin chakꞌrab. Cui te̱ba̱nu chixjunil li texintakla cuiꞌ, incꞌaꞌ tinqꞌue li yajel saꞌ e̱be̱n, li quinqꞌue saꞌ xbe̱neb laj Egipto. La̱in li Ka̱cuaꞌ Dios. La̱in li ninqꞌuirtesin e̱re, chan li Dios.

Jeremías 7:26

Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb chixba̱nunquil li ma̱usilal. Kꞌaxal nabal li ma̱usilal queꞌxba̱nu chiru li queꞌxba̱nu lix xeꞌto̱nil yucuaꞌeb.

Ezequiel 5:6

Abanan eb li cuanqueb Jerusalén queꞌxkꞌet lin chakꞌrab ut incꞌaꞌ queꞌxba̱nu li cꞌaꞌru quebintakla cuiꞌ. Aꞌaneb chic li kꞌaxal xeꞌkꞌetoc re lin chakꞌrab chiruheb li tenamit li cuanqueb chixjun sutam.

2 Crónicas 29:6

Eb li kaxeꞌto̱nil yucuaꞌ queꞌxkꞌetkꞌeti ribeb chiru li Ka̱cuaꞌ li kaDios ut queꞌxba̱nu li incꞌaꞌ nacuulac chiru. Queꞌxcanab xlokꞌoninquil li Ka̱cuaꞌ Dios saꞌ lix templo ut queꞌxtzꞌekta̱na.