Nehemías 9:12 - Li Santil hu

¹² La̱at catcꞌamoc be chiruheb laj Israel chi cutan riqꞌuin jun li chok ut chi kꞌek catcꞌamoc be chiruheb riqꞌuin jun li xam re nak teꞌril lix beheb bar yo̱keb chi xic.

Q'eqchi Bible

¹² Kak'ameb' xb'e chi kutan rik'in jun keel chi choql, ut chi q'eq rik'in jun keel chi xam, re xk'utb'al li b'e tento te'nume'q wi'.

Nehemías 9:12 ပူးပေါင်းရင်းမြစ်များ

Nehemías 9:19

Xban xnimal la̱ cuusilal la̱at incꞌaꞌ catzꞌekta̱naheb nak yo̱queb chak chi numecꞌ saꞌ li chaki chꞌochꞌ. La̱at ban catcꞌamoc be chiruheb xban nak li chok incꞌaꞌ quisach chiruheb nak yo̱queb chi be̱c chi cutan. Joꞌcan ajcuiꞌ chiru kꞌojyi̱n, incꞌaꞌ quisach li xam chiruheb li yo̱ chi cꞌutuc lix beheb nak yo̱queb chi xic.

Salmos 143:8

Rajlal taxak ekꞌela ta̱cꞌut chicuu nak nacacuuxta̱na cuu xban nak la̱in cꞌojcꞌo inchꞌo̱l a̱cuiqꞌuin. Chacꞌut taxak chicuu cꞌaꞌru tinba̱nu xban nak caꞌaj cuiꞌ la̱at nacatqꞌuehoc innaꞌleb.

Salmos 107:7

Aꞌan quicꞌamoc be chiruheb saꞌ ti̱quilal re nak naru teꞌcuulak saꞌ lix naꞌajeb bar ta̱ru̱k teꞌcua̱nk cuiꞌ.

Salmos 105:39

Li Dios quixqꞌue jun li chok re xmuheb laj Israel chi cutan ut quixqꞌue li xam re xcutanobresinquil lix beheb chiru kꞌojyi̱n.

Salmos 78:14

Quixtakla li chok chi cꞌamoc be chiruheb chi cutan ut chi kꞌek jun li xam quicꞌamoc be chiruheb.

Éxodo 15:13

Xban nak kꞌaxal nim la̱ cuusilal, la̱at yo̱cat chi cꞌamoc be chiku ut xoa̱col. Riqꞌuin lix nimal a̱cuanquilal toa̱cꞌam saꞌ li naꞌajej li xayechiꞌi ke junxilaj.

Números 9:16

Joꞌcan quicꞌulman junelic. Li tabernáculo quitzꞌapeꞌ xban li chok chi cutan ut chiru kꞌojyi̱n li chok chanchan xam.

Deuteronomio 1:33

Ut li Ka̱cuaꞌ yo̱ chi cꞌamoc be che̱ru riqꞌuin li xam chi kꞌojyi̱n ut li chok chi cutan. Quixcꞌut che̱ru bar te̱yi̱b cuiꞌ le̱ muheba̱l ut quixcꞌut che̱ru bar cuan li be te̱cꞌam nak texxic.

Números 9:21

Cuan nak li chok nacana jun kꞌojyi̱n ajcuiꞌ. Nak nasake̱u na-el li chok ut nequeꞌxic cuiꞌchic laj Israel. Usta cutan, usta kꞌojyi̱n, nak na-el li chok nequeꞌxic cuiꞌchic laj Israel.

Ezequiel 20:6

Saꞌ li cutan aꞌan la̱in quinye reheb riqꞌuin juramento nak la̱in teꞌcuisi saꞌ li naꞌajej Egipto ut tincꞌameb saꞌ jun cha̱bil naꞌajej li quinsicꞌ ru chokꞌ reheb li na-el cuiꞌ chi us li sahil echej. Aꞌan li kꞌaxal chꞌinaꞌus chiru chixjunil li naꞌajej.