Nehemías 9:1 - Li Santil hu

¹ Queꞌxchꞌutub ribeb chixjunileb saꞌ li ca̱hib xcaꞌcꞌa̱l xbe li po aꞌan ut queꞌxba̱nu lix ayu̱n. Queꞌxqꞌue li kꞌesnal tꞌicr chirixeb ut queꞌxqꞌue li poks saꞌ xjolomeb retalil nak ra saꞌ xchꞌo̱leb xban lix ma̱queb.

Q'eqchi Bible

¹ Sa' li kaahib' xka'k'aal xb'e li po a'an ke'xch'utub' rib'eb' laj Israel re ayuunik chi tiqtookeb' rik'in q'es ruhil t'ikr ut wank pojtz' sa' xjolomeb'.

Nehemías 9:1 ပူးပေါင်းရင်းမြစ်များ

Nehemías 8:2

Saꞌ xbe̱n li cutan re li xcuuk li po laj Esdras laj tij quixcꞌam chak li hu li tzꞌi̱banbil cuiꞌ li chakꞌrab re ta̱ril xsaꞌ chiruheb chixjunileb li chꞌutchꞌu̱queb aran, joꞌ cui̱nk, joꞌ ixk ut joꞌ ajcuiꞌ chixjunileb li teꞌru̱k xtaubal ru lix ya̱lal li a̱tin li ta̱ril saꞌ li hu.

Esdras 8:23

Joꞌcan nak co-ayunic ut katzꞌa̱ma katenkꞌanquil chiru li Dios. Ut li Dios quirabi li katij.

Josué 7:6

Laj Josué ut eb li nequeꞌcꞌamoc be saꞌ xya̱nkeb laj Israel queꞌxkꞌich li rakꞌeb ut queꞌxcut rib saꞌ chꞌochꞌ chiru li Lokꞌlaj Ca̱x xban xrahil xchꞌo̱leb ut queꞌxqꞌue poks saꞌ xjolomeb ut queꞌcana aran toj qui-ecuu.

1 Samuel 4:12

Jun li cui̱nk xcomoneb li ralal xcꞌajol laj Benjamín quie̱lelic chiruheb laj filisteo. Co̱ saꞌ a̱nil ut saꞌ ajcuiꞌ li cutan aꞌan quicuulac Silo. Ac xpej li rakꞌ ut xqꞌue li poks saꞌ xjolom retalil nak ra saꞌ xchꞌo̱l.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Li xHu LAJ JOB 2:12

Cuanqueb chak chi najt nak queꞌril laj Job ut incꞌaꞌ queꞌxnau nak aꞌan. Nak queꞌxqꞌue retal nak aꞌan, queꞌoc chixjapbal re chi ya̱bac. Chi xju̱nkaleb queꞌxpej li rakꞌeb ut queꞌxcut li poks saꞌ ikꞌ ut queꞌxqꞌue ajcuiꞌ saꞌ xjolomeb xban xrahil xchꞌo̱leb.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

Ester 4:3

Saꞌ eb li tenamit li cuanqueb rubel xcuanquil li rey Asuero quicuulac resil li chakꞌrab li quixqꞌue. Quicuan jun nimla rahil chꞌo̱lej saꞌ xya̱nkeb laj judío. Queꞌayunic ut queꞌya̱bac. Queꞌxqꞌue li kꞌes ru tꞌicr chirixeb ut nabaleb queꞌxyocob rib saꞌ cha xban xrahil xchꞌo̱leb.

2 Crónicas 20:3

Cꞌajoꞌ nak qui-oc xxiu laj Josafat. Quixcubsi rib ut quixpatzꞌ xnaꞌleb riqꞌuin li Ka̱cuaꞌ ut quixye nak teꞌxba̱nu lix ayu̱n saꞌ chixjunil li naꞌajej Judá.

2 Crónicas 7:10

Saꞌ li oxib xcaꞌcꞌa̱l xbe li xcuuk li po, li rey Salomón quixchakꞌrabiheb li tenamit re teꞌxic saꞌ rochocheb chi saheb saꞌ xchꞌo̱l ut chi cꞌojcꞌo̱queb xchꞌo̱l xban chixjunil li usilal li quixba̱nu li Dios reheb laj David ut laj Salomón, joꞌ eb ajcuiꞌ li tenamit Israel.

2 Samuel 1:2

Saꞌ rox li cutan quicuulac jun li sa̱j cui̱nk riqꞌuin laj David. Li cui̱nk aꞌan xcomoneb lix soldados laj Saúl. Pejel li rakꞌ ut cuan li poks saꞌ xjolom retalil lix rahil xchꞌo̱l. Quixcuikꞌib rib saꞌ chꞌochꞌ re xqꞌuebal xlokꞌal laj David.

Jueces 20:26

Ut chixjunileb laj Israel queꞌco̱eb Bet-el. Queꞌxchꞌutub ribeb chiru li Ka̱cuaꞌ. Queꞌtijoc ut queꞌayunic toj qui-ecuu. Queꞌxmayeja li cꞌatbil xul ut queꞌxqꞌue ajcuiꞌ li mayej re xcꞌambaleb rib saꞌ usilal riqꞌuin li Dios.

Levítico 23:39

Saꞌ li oꞌlaju xbe li xcuuk po, nak ac xexoc ru le̱ racui̱mk, te̱ba̱nu li ninkꞌe chiru cuukub cutan re xqꞌuebal xlokꞌal li Ka̱cuaꞌ. Hiloba̱l cutan saꞌ xticlajic li ninkꞌe ut hiloba̱l cutan ajcuiꞌ saꞌ xcuakxak li cutan.

Levítico 23:34

—Ta̱ye reheb laj Israel: Saꞌ li oꞌlaju xbe li xcuuk li po te̱ba̱nu li ninkꞌe nak nequeyi̱b li cocꞌ muheba̱l riqꞌuin rukꞌ cheꞌ. Chiru cuukub cutan te̱ba̱nu li ninkꞌe aꞌin re xqꞌuebal xlokꞌal li Ka̱cuaꞌ.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

1 Samuel 7:6

Ut queꞌxchꞌutub ribeb aran Mizpa. Queꞌrisi li haꞌ saꞌ li becbil haꞌ ut queꞌxhoy chiru li Ka̱cuaꞌ chokꞌ xmayejeb. Queꞌxba̱nu x-ayu̱n chiru li cutan aꞌan. Queꞌxxo̱to xma̱queb ut queꞌxye: —Xoma̱cob chiru li Ka̱cuaꞌ, chanqueb. Ut aran Mizpa laj Samuel quicana chokꞌ aj rakol a̱tin saꞌ xbe̱neb li ralal xcꞌajol laj Israel.

Esdras 8:21

Aran chire li nimaꞌ Ahava, la̱in quinye reheb nak to-ayuni̱k ut takacubsi kib chiru li Ka̱cuaꞌ. Takatzꞌa̱ma chiru nak aꞌan ta̱tenkꞌa̱nk ke ut ta̱ilok ke re nak ma̱cꞌaꞌ takacꞌul la̱o, chi moco li kacocꞌal chi moco li cꞌaꞌru cuan ke nak yo̱ko chi xic.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.