Nehemías 8:9 - Li Santil hu

⁹ Nak queꞌrabi cꞌaꞌru naxye saꞌ li chakꞌrab queꞌoc chi ya̱bac. Ut laj Nehemías li gobernador, ut laj Esdras laj tij, ut laj tzꞌi̱b, ut eb laj levita li yo̱queb chixchꞌolobanquil lix ya̱lal reheb li tenamit, queꞌxye reheb: —Miyotꞌeꞌ e̱chꞌo̱l ut mexya̱bac xban nak li cutan aꞌin kꞌaxal lokꞌ chiru li Ka̱cuaꞌ li kaDios.—

Q'eqchi Bible

⁹ Toja' naq chixjunil li tenamit ke'ok chi yaab'ak naq ke'rab'i li aatin li wank sa' li Chaq'rab'. Ut laj Nehemías laj taqlanel sa' xb'een li tenamit, laj Esdras laj tij ut laj tz'iib', ut eb' laj Leví li yookeb' chi ch'olob'ank chiru chixjunileb' li tenamit, ke'xye: “Li kutan a'in jwal loq' ut q'axtesinb'il cho'q re li Qaawa' leeYos. Miraho'k leech'ool ut mexyaab'ak”, chankeb'.

Nehemías 8:9 ပူးပေါင်းရင်းမြစ်များ

Nehemías 7:70

Ut cuanqueb junju̱nk li nequeꞌjolomin re li junju̱nk cabal queꞌxqꞌue xmayejeb re li cꞌanjel. Li gobernador quixqꞌue re laj xocol tumin numenak cuuklaju (17) libra li oro, laje̱b roxcꞌa̱l (50) li ni̱nki secꞌ, ut o̱b ciento riqꞌuin laje̱b xcaꞌcꞌa̱l (530) li rakꞌeb laj tij.

Nehemías 7:65

Ut li gobernador quixye nak incꞌaꞌ naru teꞌxtzaca li kꞌaxtesinbil tzacae̱mk toj cua̱nk junak aj tij ta̱tzꞌilok a̱tin chirix riqꞌuin li Urim ut Tumim.

Deuteronomio 12:12

Ut nak cua̱nkex saꞌ li naꞌajej aꞌan ta̱sahokꞌ saꞌ e̱chꞌo̱l la̱ex chiru li Ka̱cuaꞌ le̱ Dios. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol, ut eb le̱ mo̱s cui̱nk ut eb le̱ mo̱s ixk ut e̱rochben ajcuiꞌ eb laj levita li cuanqueb saꞌ e̱ya̱nk. Eb aꞌan incꞌaꞌ queꞌxcꞌul lix naꞌajeb.

Nehemías 8:2

Saꞌ xbe̱n li cutan re li xcuuk li po laj Esdras laj tij quixcꞌam chak li hu li tzꞌi̱banbil cuiꞌ li chakꞌrab re ta̱ril xsaꞌ chiruheb chixjunileb li chꞌutchꞌu̱queb aran, joꞌ cui̱nk, joꞌ ixk ut joꞌ ajcuiꞌ chixjunileb li teꞌru̱k xtaubal ru lix ya̱lal li a̱tin li ta̱ril saꞌ li hu.

Deuteronomio 16:11

Ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios saꞌ li naꞌajej li quixsicꞌ ru re te̱lokꞌoni cuiꞌ. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol joꞌ eb ajcuiꞌ le̱ mo̱s ixk ut le̱ mo̱s cui̱nk. Ut ta̱sahokꞌ ajcuiꞌ saꞌ xchꞌo̱leb laj levita ut eb li jalaneb xtenamit li cuanqueb saꞌ e̱ya̱nk ut eb li ma̱cꞌaꞌ xnaꞌ xyucuaꞌ joꞌ eb ajcuiꞌ li xma̱lcaꞌan li cuanqueb saꞌ e̱ya̱nk.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Eclesiastés 3:4

Cuan li ho̱nal re ya̱bac, ut cuan li ho̱nal re seꞌec. Cuan li ho̱nal re rahil chꞌo̱lej, ut cuan xcutanquil li ninkꞌei̱c.

Esdras 2:63

Ut li gobernador quixye nak incꞌaꞌ naru teꞌxtzaca li kꞌaxtesinbil tzacae̱mk toj cua̱nk junak aj tij ta̱tzꞌilok a̱tin chirixeb riqꞌuin li Urim ut li Tumim.

Deuteronomio 12:7

Saꞌ li naꞌajej aꞌan texcuaꞌak chiru li Ka̱cuaꞌ le̱ Dios ut ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol xban nak li Ka̱cuaꞌ le̱ Dios xexrosobtesi.

Levítico 23:24

—A̱tinan riqꞌuineb laj Israel ut ta̱ye reheb nak li xbe̱n cutan re li xcuuk li po, aꞌan jun hiloba̱l cutan chokꞌ e̱re. Te̱chꞌutub e̱rib ut te̱ya̱basi li trompetas re xjulticanquil nak xticla li po nak teꞌxba̱nu li lokꞌlaj ninkꞌe.

Romanos 7:9

Nak toj ma̱jiꞌ ninnau cꞌaꞌru naxye li chakꞌrab, moco nincꞌoxla ta nak la̱in aj ma̱c ut incꞌaꞌ xinnau nak incꞌulub ta li ca̱mc. Aban nak xinnau li chakꞌrab, xinnau nak la̱in aj ma̱c. Ut cue li ca̱mc.

Romanos 3:20

Ma̱ jun ti̱c xchꞌo̱l chiru li Dios yal riqꞌuin xba̱nunquil li cꞌaꞌru naxye li chakꞌrab. Li chakꞌrab nacꞌanjelac re xcꞌutbal chiku nak la̱o aj ma̱c.

Malaquías 2:13

Incꞌaꞌ us nequeba̱nu la̱ex. Nequejap e̱re chi ya̱bac ut nequetꞌakresi li artal riqꞌuin xyaꞌal e̱ru xban nak li Ka̱cuaꞌ incꞌaꞌ chic naxcꞌul li nequemayeja chiru.

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Nehemías 12:26

Eb aꞌan queꞌcuan chi cꞌanjelac saꞌ eb li cutan nak quicuan chokꞌ xbe̱nil aj tij laj Joiacim, li ralal laj Jesúa. Laj Jesúa, aꞌan li ralal laj Josadac. Ut saꞌ eb ajcuiꞌ li cutan aꞌan laj Nehemías quicuan chokꞌ gobernador ut laj Esdras laj tij, aꞌan li quicꞌutuc re li chakꞌrab.

Nehemías 10:1

Aꞌaneb aꞌin li queꞌxqꞌue xcꞌabaꞌ saꞌ li contrato li kayi̱b: La̱in laj Nehemías li gobernador. La̱in li ralal laj Hacalías. Ut eb laj tij li queꞌxqꞌue xcꞌabaꞌ, aꞌaneb aꞌin: laj Sedequías,

Esdras 7:11

Aꞌan aj tij ut aj tzolonel ajcuiꞌ. Quixtzol rib chi us riqꞌuin li chakꞌrab, li quiqꞌueheꞌ reheb laj Israel xban li Ka̱cuaꞌ lix Dioseb. Joꞌcaꞌin tzꞌi̱banbil saꞌ li hu li quixtzꞌi̱ba li rey Artajerjes re laj Esdras nak toj ma̱jiꞌ naxic Jerusalén.

2 Crónicas 35:3

Quia̱tinac riqꞌuineb laj levita li ac nequeꞌxqꞌue xchꞌo̱l chi cꞌanjelac chiru li Dios ut chixchꞌolobanquil xya̱lal chiruheb li tenamit. Quixye reheb: —Qꞌuehomak lix Lokꞌlaj Ca̱x li Ka̱cuaꞌ saꞌ li templo li quixyi̱b laj Salomón li ralal laj David. Incꞌaꞌ chic te̱pako saꞌ xbe̱n e̱tel. Chexcꞌanjelak chiru li Ka̱cuaꞌ le̱ Dios ut chiruheb ajcuiꞌ lix tenamit.

2 Crónicas 34:21

Quixye reheb: —Ayukex. Patzꞌomak chak re li Dios cꞌaꞌru tinba̱nu la̱in ut cꞌaꞌru teꞌxba̱nu li joꞌ qꞌuial chic queꞌcana Israel ut Judá riqꞌuin li cꞌaꞌru tzꞌi̱banbil saꞌ li hu aꞌin, li xeꞌxtau saꞌ li templo. Cꞌajoꞌ xjoskꞌil li Dios saꞌ kabe̱n xban nak eb li kaxeꞌto̱nil yucuaꞌ queꞌxkꞌet li ra̱tin li Dios ut incꞌaꞌ queꞌxba̱nu li cꞌaꞌru tzꞌi̱banbil saꞌ li hu aꞌin, chan li rey reheb.

2 Crónicas 34:19

Nak li rey quirabi li a̱tin li tzꞌi̱banbil saꞌ li hu, quixpej li rakꞌ xban xrahil xchꞌo̱l.

2 Crónicas 30:22

Li rey Ezequías quixqꞌue xcacuilal xchꞌo̱leb laj levita li queꞌxba̱nu chi us lix cꞌanjel chiru li Ka̱cuaꞌ. Cuukub cutan queꞌtzacan saꞌ li ninkꞌe ut queꞌxqꞌue xmayejeb re xcꞌambaleb rib saꞌ usilal chiru li Ka̱cuaꞌ. Ut queꞌxlokꞌoni li Ka̱cuaꞌ lix Dioseb lix xeꞌto̱nil yucuaꞌ.

2 Crónicas 15:3

Najt queꞌcuan laj Israel chi incꞌaꞌ yo̱queb chixlokꞌoninquil li tzꞌakal Dios. Ma̱cꞌaꞌeb laj tij chixcꞌutbal lix ya̱lal chiruheb ut ma̱cꞌaꞌ lix chakꞌrab li Dios riqꞌuineb.

2 Reyes 22:19

Xyotꞌeꞌ a̱chꞌo̱l ut xacubsi a̱cuib chicuu nak xacuabi nak tintakla raylal saꞌ xbe̱n Jerusalén joꞌ eb ajcuiꞌ li tenamit. Xacuabi nak xinye nak tinsach ruheb ut tinpoꞌ lix naꞌajeb. Xapej la̱ cuakꞌ xban xrahil a̱chꞌo̱l ut xatya̱bac chicuu. La̱in xcuabi li cꞌaꞌru xaye.

2 Reyes 22:11

Nak li rey Josías quirabi li chakꞌrab li tzꞌi̱banbil saꞌ li hu aꞌan, quixpej li rakꞌ.

Deuteronomio 26:14

Incꞌaꞌ xintzaca nak ra saꞌ inchꞌo̱l xban xcamic junak, chi moco xcuisi saꞌ cuochoch nak muxbil cuu, chi moco xinqꞌue reheb li camenak. La̱in xinba̱nu li chakꞌrab ut xinba̱nu ajcuiꞌ chixjunil li xaye cue.

Santiago 4:9

Chirahokꞌ e̱chꞌo̱l, chiyotꞌekꞌ e̱chꞌo̱l ut chexya̱bak xban li ma̱usilal li nequeba̱nu. Ma̱cuaꞌ raj seꞌec nequeba̱nu; ya̱bac raj nequeba̱nu xban nak incꞌaꞌ us le̱ yehom e̱ba̱nuhom. Ut incꞌaꞌ raj nasahoꞌ saꞌ e̱chꞌo̱l. Narahoꞌ raj ban saꞌ e̱chꞌo̱l.