Nehemías 8:7 - Li Santil hu

⁷ Ut eb laj levita yo̱queb chixchꞌolobanquil xya̱lal li chakꞌrab chiruheb li tenamit. Ut eb li tenamit queꞌxqꞌue xchꞌo̱l chirabinquil. Eb laj levita, aꞌaneb aꞌin: laj Jesúa, laj Bani, laj Serebías, laj Jamín, laj Acub, laj Sabetai, laj Hodías, laj Maasías, laj Kelita, laj Azarías, laj Jozabed, laj Hanán ut laj Pelaía.

Q'eqchi Bible

⁷ Ut eb' laj Leví ke'xtikib' xch'olob'ankil xyaalal li Chaq'rab' chiruheb' li poyanam li toj xaqxookeb' sa' xna'ajeb'. A'aneb' a'in li xk'ab'a'eb' laj Leví: laj Josué, laj Baní, laj Serebías, laj Yamín, laj Akub, laj Sabtay, laj Hodías, laj Mahasías, laj Kelitá, laj Asarías, laj Josabad, laj Janán ut laj Pelaías.

Nehemías 8:7 ပူးပေါင်းရင်းမြစ်များ

Nehemías 9:4

Ut chirix aꞌan queꞌnumeꞌ chi ubej eb laj levita. Aꞌaneb aꞌin: laj Jesúa, laj Bani, laj Cadmiel, laj Sebanías, laj Buni, laj Serebías, laj Bani ut laj Quenani. Queꞌxya̱ba xcꞌabaꞌ li Ka̱cuaꞌ lix Dioseb chi cau xya̱b xcuxeb.

Levítico 10:11

Tento nak te̱tzoleb laj Israel riqꞌuin chixjunil li chakꞌrab li xinqꞌue re laj Moisés, chan li Dios.

Nehemías 3:23

Li tzꞌac li cuan chixcꞌatk li queꞌxyi̱b eb laj tij, aꞌan queꞌxyi̱b laj Benjamín rochben laj Hasub. Li tzꞌac li queꞌxyi̱b cuan saꞌ xcaꞌyaba̱l li rochocheb. Ut li cuan chixcꞌatk, aꞌan quixyi̱b laj Azarías li ralal laj Maasías. Laj Maasías, aꞌan li ralal laj Ananías. Li tzꞌac li quixyi̱b laj Azarías, aꞌan nachꞌ cuan riqꞌuin li rochoch.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Nehemías 12:33

Joꞌcan ajcuiꞌ laj Azarías, laj Esdras, ut laj Mesulam,

Nehemías 11:19

Ut eb li queꞌcꞌacꞌalen re li oqueba̱l, aꞌaneb aꞌin: laj Acub ut laj Talmón rochbeneb li rechꞌalal. Eb li queꞌcꞌacꞌalen re li oqueba̱l, aꞌan jun ciento riqꞌuin cablaju xca̱cꞌa̱l (172).

Nehemías 11:16

Ut cuanqueb ajcuiꞌ laj Sabetai ut laj Jozabad, li queꞌtaklan saꞌ xbe̱neb laj levita, li queꞌcꞌanjelac chirix li templo.

Nehemías 10:18

laj Hodías, laj Hasum, laj Bezai,

Nehemías 10:2

laj Seraías, laj Azarías, laj Jeremías,

Nehemías 8:4

Laj Esdras, li nacꞌutuc re li chakꞌrab chiruheb li tenamit, xakxo saꞌ xbe̱n li tusbil cheꞌ li queꞌxyi̱b re ta̱xakli̱k cuiꞌ. Ut eb li cui̱nk aꞌin xakxo̱queb chixcꞌatk saꞌ lix nim ukꞌ laj Esdras: laj Matatías, laj Sema, laj Anías, laj Urías, laj Hilcías, ut laj Maasías. Ut saꞌ lix tzꞌe xakxo̱queb laj Pedaías, laj Misael, laj Malquías, laj Hasum, laj Hasbadana, laj Zacarías ut laj Mesulam.

Nehemías 3:19

Li tzꞌac li cuan chixcꞌatk li quixyi̱b laj Bavai, aꞌan quixyi̱b laj Ezer li ralal laj Jesúa li nataklan saꞌ xbe̱neb li cuanqueb saꞌ li tenamit Mizpa. Li tzꞌac li queꞌxyi̱b cuan saꞌ xcaꞌyaba̱l li naꞌajej li nequeꞌxxoc cuiꞌ chixjunil li chꞌi̱chꞌ li nacꞌanjelac re pletic. Li tzꞌac li queꞌxyi̱b quicuulac toj saꞌ xuc.

Nehemías 3:17

Li tzꞌac li cuan chixcꞌatk li quixyi̱b laj Nehemías, aꞌan queꞌxyi̱b eb laj levita. Laj Rehum li ralal laj Bani, aꞌan li quicꞌamoc be chiruheb. Li tzꞌac li cuan chixcꞌatk aꞌan quixyi̱b laj Hasabías li nataklan saꞌ xbe̱neb yijach li tenamit li cuanqueb saꞌ li naꞌajej Keila. Li cꞌanjel aꞌan quixba̱nu saꞌ xcꞌabaꞌ lix tenamit.

Esdras 8:18

Ut xban nak li Dios yo̱ chi tenkꞌa̱nc ke, queꞌxtau chak laj Serebías re ta̱xic chi cꞌanjelac. Aꞌan jun cui̱nk cha̱bil xnaꞌleb xcomoneb li ralal xcꞌajol laj Mahli laj levita. Queꞌchal rochben li ralal ut li ras. Cuakxaklajuheb (18) chixjunileb.

2 Crónicas 30:22

Li rey Ezequías quixqꞌue xcacuilal xchꞌo̱leb laj levita li queꞌxba̱nu chi us lix cꞌanjel chiru li Ka̱cuaꞌ. Cuukub cutan queꞌtzacan saꞌ li ninkꞌe ut queꞌxqꞌue xmayejeb re xcꞌambaleb rib saꞌ usilal chiru li Ka̱cuaꞌ. Ut queꞌxlokꞌoni li Ka̱cuaꞌ lix Dioseb lix xeꞌto̱nil yucuaꞌ.

Deuteronomio 33:10

Eb aꞌan nequeꞌxcꞌut li chakꞌrab chiruheb laj Israel, li ralal xcꞌajol laj Jacob. Nequeꞌxcꞌat li incienso cha̱cuu ut nequeꞌxcꞌat ajcuiꞌ li mayej saꞌ la̱ artal.

2 Crónicas 35:3

Quia̱tinac riqꞌuineb laj levita li ac nequeꞌxqꞌue xchꞌo̱l chi cꞌanjelac chiru li Dios ut chixchꞌolobanquil xya̱lal chiruheb li tenamit. Quixye reheb: —Qꞌuehomak lix Lokꞌlaj Ca̱x li Ka̱cuaꞌ saꞌ li templo li quixyi̱b laj Salomón li ralal laj David. Incꞌaꞌ chic te̱pako saꞌ xbe̱n e̱tel. Chexcꞌanjelak chiru li Ka̱cuaꞌ le̱ Dios ut chiruheb ajcuiꞌ lix tenamit.

Nehemías 8:6

Laj Esdras quixlokꞌoni li Ka̱cuaꞌ li nimajcual Dios ut chixjunileb li tenamit queꞌxtaksi li rukꞌeb ut queꞌxye: —¡Joꞌcan taxak! ¡Joꞌcan taxak!— Queꞌxcubsi ribeb chiru li Ka̱cuaꞌ ut queꞌxxulub lix jolomeb, ut queꞌxlokꞌoni li Dios.

Nehemías 8:8

Eb aꞌan yo̱queb chirilbal xsaꞌ li hu li tzꞌi̱banbil cuiꞌ li chakꞌrab chi tzꞌakal re ru ut queꞌxchꞌolob xya̱lal re nak li tenamit teꞌxtau ru chi us.

Nehemías 8:12

Ut chixjunileb li tenamit queꞌxninkꞌei ru li cutan. Queꞌco̱eb chi cuaꞌac ut chi ucꞌac ut queꞌxqꞌue ajcuiꞌ xcuaheb li ma̱cꞌaꞌ cuan reheb. Ut cꞌajoꞌ nak queꞌsahoꞌ saꞌ xchꞌo̱leb xban nak queꞌxtau ru li a̱tin li quiyeheꞌ saꞌ xxiqueb.

1 Reyes 8:14

Ut li rey Salomón quixsukꞌisi rib ut quixtzꞌa̱ma chiru li Dios nak ta̱rosobtesiheb laj Israel li xakxo̱queb aran.

Nehemías 9:3

Ut nak ac xakxo̱queb saꞌ lix naꞌajeb chiru oxib o̱r qui-ileꞌ xsaꞌ li hu li tzꞌi̱banbil cuiꞌ li chakꞌrab li quiqꞌueheꞌ reheb xban li Ka̱cuaꞌ lix Dioseb. Ut chiru li oxib o̱r chic yo̱queb chixpatzꞌbal xcuybal xma̱queb ut queꞌxlokꞌoni li Ka̱cuaꞌ lix Dioseb.