Nehemías 8:6 - Li Santil hu

⁶ Laj Esdras quixlokꞌoni li Ka̱cuaꞌ li nimajcual Dios ut chixjunileb li tenamit queꞌxtaksi li rukꞌeb ut queꞌxye: —¡Joꞌcan taxak! ¡Joꞌcan taxak!— Queꞌxcubsi ribeb chiru li Ka̱cuaꞌ ut queꞌxxulub lix jolomeb, ut queꞌxlokꞌoni li Dios.

Q'eqchi Bible

⁶ Laj Esdras kixnima li Qaawa' li Nimajwal Yos, ut chixjunil li tenamit ke'xtaqsi li ruq'eb' ut ke'sumenk chi jo'ka'in: “Amén, amén!”, chankeb'. Chirix chik a'an ke'xhupub' rib' ut ke'xloq'oni ru li Qaawa'.

Nehemías 8:6 ပူးပေါင်းရင်းမြစ်များ

1 Timoteo 2:8

Yalak bar chꞌutchꞌu̱quex chixlokꞌoninquil li Dios, nacuaj nak eb li cui̱nk teꞌcꞌamok be chi tijoc. Abanan, tento nak ti̱cak xchꞌo̱leb li cui̱nk aꞌin ut ma̱cꞌaꞌak xjoskꞌil chi moco teꞌcuechꞌi̱nk.

Lamentaciones 3:41

Chikaya̱ba xcꞌabaꞌ li Ka̱cuaꞌ cuan saꞌ choxa ut takaye:

Éxodo 4:31

Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

2 Crónicas 20:18

Laj Josafat quixxulub rib saꞌ chꞌochꞌ. Ut chixjunileb laj Judá ut eb laj Jerusalén queꞌxcuikꞌib ribeb chiru li Ka̱cuaꞌ ut queꞌxlokꞌoni.

Apocalipsis 7:11

Ut chixjunileb li ángel li cuanqueb chi xjun sutam li lokꞌlaj cꞌojariba̱l ut li ca̱hib li chanchaneb ángel, joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran, queꞌxcuikꞌib ribeb chiru li lokꞌlaj cꞌojariba̱l ut queꞌxlokꞌoni li Dios.

Salmos 134:2

Chelokꞌonihak li Ka̱cuaꞌ chi sa saꞌ e̱chꞌo̱l saꞌ lix templo. Taksihomak le̱ rukꞌ retalil nak yo̱quex chixqꞌuebal xlokꞌal li Ka̱cuaꞌ.

Nehemías 5:13

Ut quinchikꞌ ru li cuakꞌ chiruheb ut quinye reheb: —Joꞌcaꞌin taxak tixba̱nu li Ka̱cuaꞌ Dios nak ta̱risi saꞌ rochoch ut saꞌ lix cꞌanjel li ani incꞌaꞌ ta̱ba̱nu̱nk re li cꞌaꞌru xye. Chi-isi̱k ta chi ma̱cꞌaꞌ chic cuan re, chanquin reheb. Ut chixjunileb li tenamit queꞌxye: —Joꞌcan taxak ta̱uxma̱nk, chanqueb. Ut chixjunileb li tenamit queꞌxba̱nu joꞌ queꞌxye ut queꞌxlokꞌoni li Ka̱cuaꞌ.

Génesis 24:26

Nak quirabi aꞌan, lix mo̱s laj Abraham quixxulub lix jolom ut qui-oc chixlokꞌoninquil li Ka̱cuaꞌ Dios.

1 Crónicas 29:20

Chirix aꞌan laj David quixye reheb chixjunileb li tenamit li chꞌutchꞌu̱queb aran: —Lokꞌonihomak li Ka̱cuaꞌ li kaDios, chan. Ut chixjunileb queꞌxlokꞌoni li Ka̱cuaꞌ, lix Dioseb lix xeꞌto̱nil yucuaꞌ. Queꞌxcuikꞌib ribeb saꞌ chꞌochꞌ chiru li Ka̱cuaꞌ ut chiru ajcuiꞌ li rey.

Levítico 9:24

Ut li Ka̱cuaꞌ quixtakla li xam ut quixcꞌat li mayej ut li xe̱b li cuan saꞌ xbe̱n li artal. Nak eb li tenamit queꞌril li xam queꞌxhupub ribeb saꞌ chꞌochꞌ ut queꞌxlokꞌoni li Dios.

Éxodo 12:27

la̱ex te̱chꞌolob xya̱lal chiruheb ut te̱ye reheb: —Aꞌin li kamayej re li ninkꞌe pascua re xjulticanquil chanru nak coxcol li Ka̱cuaꞌ Dios nak quinumeꞌ saꞌ li tenamit Egipto chixcamsinquil li xbe̱n ralaleb, chan laj Moisés. Ut eb laj Israel quilajeꞌxxulub xjolomeb ut queꞌxlokꞌoni li Ka̱cuaꞌ Dios.

1 Pedro 1:3

Lokꞌoninbil taxak li Dios Acuabej, lix Yucuaꞌ li Ka̱cuaꞌ Jesucristo. Saꞌ xcꞌabaꞌ lix nimal ruxta̱n, coyoꞌla cuiꞌchic xcaꞌ cua. Xban nak li Jesucristo quicuacli cuiꞌchic chi yoꞌyo saꞌ xya̱nkeb li camenak, nakayoꞌoni li acꞌ yuꞌam li ma̱cꞌaꞌ rosoꞌjic.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

1 Corintios 14:16

Cuan li incꞌaꞌ nequeꞌxtau ru lix ya̱lal chirix li jalanil a̱tin. Cui yo̱cat chixlokꞌoninquil li Dios caꞌaj cuiꞌ riqꞌuin la̱ musikꞌ, eb aꞌan incꞌaꞌ teꞌxtau ru li ta̱ye xban nak yo̱cat chi a̱tinac saꞌ jalanil a̱tin. ¿Chan put ru nak teꞌxye “joꞌcan taxak” cui incꞌaꞌ nequeꞌxtau ru li yo̱cat chixyebal?

San Mateo 26:39

Ut quibe̱c chic caꞌchꞌin li Jesús ut quixhupub rib saꞌ chꞌochꞌ ut quitijoc. Ut quixye: —At inYucuaꞌ, cui ta naxqꞌue rib, incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in.—

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

Jeremías 28:6

Quixye re: —Tixba̱nu taxak chi joꞌcan li Ka̱cuaꞌ. Chi-uxma̱nk taxak joꞌ xaye. Chixqꞌueheb ta chi sukꞌi̱c saꞌ xnaꞌajeb chixjunil li secꞌ ut li chꞌi̱chꞌ li nacꞌanjelac saꞌ li templo ut chixqꞌueheb ta ajcuiꞌ chi sukꞌi̱c saꞌ li naꞌajej aꞌin chixjunileb li cristian li queꞌcꞌameꞌ Babilonia.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Salmos 63:4

Joꞌ najtil cua̱nkin saꞌ ruchichꞌochꞌ, la̱in tatinlokꞌoni. Tintaksi li cuukꞌ retalil nak chi anchal inchꞌo̱l tinqꞌue a̱lokꞌal.

Salmos 41:13

Lokꞌoninbil taxak li Ka̱cuaꞌ, lix Dioseb laj Israel, chi junelic kꞌe cutan. Joꞌcan taxak.

Salmos 28:2

China̱cuabi nak yo̱quin chixya̱banquil la̱ cꞌabaꞌ. Yo̱quin xtzꞌa̱manquil intenkꞌanquil cha̱cuu nak nintaksi li cuukꞌ bar cuan cuiꞌ la̱ santil ochoch.

2 Crónicas 29:30

Ut chirix aꞌan, li rey rochbeneb li cuanqueb xcuanquil queꞌxye reheb laj levita nak teꞌxqꞌue xlokꞌal li Ka̱cuaꞌ riqꞌuin li bich li queꞌxyi̱b li rey David ut li profeta Asaf. Ut eb aꞌan queꞌxbicha xlokꞌal li Ka̱cuaꞌ Dios chi saheb saꞌ xchꞌo̱l. Queꞌxcuikꞌib ribeb ut queꞌxlokꞌoni li Ka̱cuaꞌ.

2 Crónicas 6:4

Ut quixye: —Lokꞌoninbil taxak li Ka̱cuaꞌ, li kaDios la̱o aj Israel, xban nak xba̱nu li cꞌaꞌru quixyechiꞌi re laj David lin yucuaꞌ nak quixye re,

Génesis 14:22

Abanan laj Abram quichakꞌoc ut quixye re: —Ac xinba̱nu jun li juramento riqꞌuin li Ka̱cuaꞌ Dios, li quiyi̱ban re li ruchichꞌochꞌ joꞌ ajcuiꞌ li choxa.

1 Crónicas 16:36

Chikaqꞌuehak taxak xlokꞌal li Ka̱cuaꞌ li kaDios la̱o aj Israel chi junelic kꞌe cutan,” chan laj David. Ut chixjunileb li tenamit queꞌxlokꞌoni li Ka̱cuaꞌ ut queꞌxye, “Joꞌcan taxak”.

Nehemías 8:7

Ut eb laj levita yo̱queb chixchꞌolobanquil xya̱lal li chakꞌrab chiruheb li tenamit. Ut eb li tenamit queꞌxqꞌue xchꞌo̱l chirabinquil. Eb laj levita, aꞌaneb aꞌin: laj Jesúa, laj Bani, laj Serebías, laj Jamín, laj Acub, laj Sabetai, laj Hodías, laj Maasías, laj Kelita, laj Azarías, laj Jozabed, laj Hanán ut laj Pelaía.

1 Crónicas 29:10

Joꞌcan ajcuiꞌ li rey David. Cꞌajoꞌ nak quisahoꞌ saꞌ xchꞌo̱l. Ut quixlokꞌoni li Ka̱cuaꞌ Dios chiruheb chixjunileb li chꞌutchꞌu̱queb aran ut quixye: —Lokꞌoninbilat taxak, at nimajcual Dios. La̱at lix Dios laj Israel li kaxeꞌto̱nil yucuaꞌ chalen chak junxil ut toj chalen anakcuan.

2 Crónicas 29:10

Joꞌcan nak anakcuan xinye nak tinba̱nu junak li contrato riqꞌuin li Ka̱cuaꞌ lix Dioseb laj Israel re nak ta̱e̱lk xjoskꞌil saꞌ kabe̱n.

Salmos 95:3

Li nimajcual Dios, aꞌan li tzꞌakal rey. Aꞌan li kꞌaxal nim xcuanquil saꞌ xbe̱neb chixjunileb li jalanil dios.