Nehemías 8:3 - Li Santil hu

³ Ut laj Esdras quiril xsaꞌ li hu chiruheb chixjunileb li cuanqueb saꞌ li neba̱l li cuan chiru li oqueba̱l bar nequeꞌnumeꞌ cuiꞌ li nequeꞌbelan haꞌ. Quixtiquib rilbal saꞌ li hu tzꞌi̱banbil cuiꞌ li chakꞌrab chalen ekꞌela toj quicuulac cuaꞌleb chiruheb chixjunileb li cuanqueb aran, joꞌ cui̱nk, joꞌ ixk, ut joꞌ ajcuiꞌ chiruheb li queꞌru xtaubal ru. Ut chixjunileb queꞌxcanab rib chirabinquil li cꞌaꞌru naxye saꞌ li chakꞌrab.

Q'eqchi Bible

³ Chalen hik'ho toj tuqtu wa'leb' kixyaab'asi xsa' li hu chiruheb' li winq, li ixq ut chixjunileb' li wankeb' xna'leb', sa' li neb'aal li wank chiru li Okeb'aal reheb' laj b'eelahom ha'. Q'es xxikeb' chixjunil li tenamit chi rab'inkil li xHuhil li Chaq'rab'.

Nehemías 8:3 ပူးပေါင်းရင်းမြစ်များ

Apocalipsis 3:22

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel, chan li Cꞌajolbej reheb laj pa̱banel li cuanqueb Laodicea.

Apocalipsis 2:29

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel, chan li Cꞌajolbej reheb laj pa̱banel li cuanqueb Tiatira.

1 Ts 2:13

Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

Hechos 28:23

Joꞌcan nak queꞌxxakab jun li cutan re nak teꞌcuulak riqꞌuin saꞌ li cab li cuan cuiꞌ. Nabaleb queꞌcuulac riqꞌuin laj Pablo re nak tixchꞌolob xya̱lal chiruheb chirix lix nimajcual cuanquilal li Dios. Quixnumsi li cutan chixchꞌolobanquil lix ya̱lal chirix li Jesús joꞌ tzꞌi̱banbil saꞌ lix chakꞌrab laj Moisés joꞌ ajcuiꞌ li queꞌxtzꞌi̱ba li profeta re nak teꞌxpa̱b li Jesús.

Hechos 17:11

Eb li cuanqueb aran Berea kꞌaxal kꞌuneb xchꞌo̱l chiruheb li cuanqueb Tesalónica. Queꞌxcꞌul chi sa saꞌ xchꞌo̱leb li ra̱tin li Dios li yo̱ chixyebal laj Pablo. Ut rajlal cutan queꞌxtzol saꞌ li Santil Hu re rilbal ma joꞌcan tana naxye.

Hechos 16:14

Jun reheb li ixk aꞌan xLidia xcꞌabaꞌ. Tiatira xtenamit. Aꞌan nacꞌayin cha̱bil tꞌicr. Naxpa̱b li Dios ut yo̱ chi abi̱nc xban nak li Dios quixcꞌut chiru nak tixqꞌue retal li yo̱ chixyebal laj Pablo.

Hechos 15:21

Joꞌcaꞌin ajcuiꞌ naxye li chakꞌrab li quiqꞌueheꞌ re laj Moisés xban li Dios. Ut chalen chak najter cuan li ani najultican re saꞌ eb li cab li nequeꞌxchꞌutub cuiꞌ ribeb laj judío rajlal hiloba̱l cutan, chan laj Jacobo.

Hechos 13:27

Li cuanqueb Jerusalén ut eb li nequeꞌtaklan saꞌ xbe̱neb li tenamit incꞌaꞌ queꞌxtau ru li queꞌxye eb li profeta. Incꞌaꞌ queꞌxnau nak li Jesús, aꞌan laj Colonel. Abanan nak queꞌxkꞌaxtesi chi ca̱mc li Jesús, quitzꞌakloc ru li a̱tin li queꞌxye li profeta, li na-ileꞌ chiruheb rajlal saꞌ li hiloba̱l cutan.

Hechos 13:15

Eb laj cꞌamol be queꞌril xsaꞌ li chakꞌrab ut queꞌril ajcuiꞌ xsaꞌ li hu li queꞌxtzꞌi̱ba li profeta. Ut chirix aꞌan queꞌxye re laj Pablo: —Ex kas ki̱tzꞌin, cui cuan li cꞌaꞌru te̱ye re xqꞌuebal xcacuil xchꞌo̱leb li tenamit, takaj rabinquil anakcuan, chanqueb.

San Lucas 19:48

Abanan incꞌaꞌ queꞌxtau chanru teꞌxba̱nu xban nak chixjunileb li tenamit yo̱queb chixqꞌuebal xchꞌo̱leb chirabinquil li cꞌaꞌru yo̱ chixyebal li Jesús.

San Lucas 8:18

Joꞌcan ut cheqꞌuehak retal li cꞌaꞌru te̱rabi xban nak li ani naxqꞌue xchꞌo̱l chixtaubal ru lix ya̱lal, ta̱qꞌuehekꞌ mas xnaꞌleb. Abanan li incꞌaꞌ naxqꞌue xchꞌo̱l chixtaubal ru, ta̱makꞌekꞌ chiru li naxcꞌoxla nak naxnau, chan.

San Marcos 12:37

Li rey David quixye “aj Colol cue” re li Ka̱cuaꞌ usta aꞌan xcomoneb li ralal xcꞌajol, chan li Jesús. Ut li qꞌuila tenamit queꞌrabi li ra̱tin chi sa saꞌ xchꞌo̱leb.

Hechos 20:11

Quitakeꞌ cuiꞌchic, quixjachi li caxlan cua, ut queꞌcuaꞌac. Ut qui-oc cuiꞌchic chi a̱tinac. Ac xsake̱u chic nak quixcanab a̱tinac. Chirix aꞌan qui-el saꞌ xya̱nkeb ut co̱.

Hechos 20:7

Ut saꞌ xbe̱n li cutan re li xama̱n, chꞌutchꞌu̱queb laj pa̱banel chi cuaꞌac saꞌ comonil. Laj Pablo yo̱ chixtzolbaleb. Ac cuulajak naxic. Tuktu kꞌojyi̱n toj yo̱ chi a̱tinac.

Nehemías 8:1

Saꞌ xcuuk li po eb laj Israel queꞌxchꞌutub ribeb chixjunileb aran Jerusalén saꞌ li neba̱l li cuan chiru li oqueba̱l bar nequeꞌnumeꞌ cuiꞌ li nequeꞌbelan haꞌ. Queꞌxtzꞌa̱ma chiru laj Esdras laj tzꞌi̱b nak tixcꞌam chak li hu li tzꞌi̱banbil cuiꞌ li chakꞌrab li quiqꞌueheꞌ re laj Moisés xban li Dios chokꞌ reheb laj Israel.

Nehemías 8:4

Laj Esdras, li nacꞌutuc re li chakꞌrab chiruheb li tenamit, xakxo saꞌ xbe̱n li tusbil cheꞌ li queꞌxyi̱b re ta̱xakli̱k cuiꞌ. Ut eb li cui̱nk aꞌin xakxo̱queb chixcꞌatk saꞌ lix nim ukꞌ laj Esdras: laj Matatías, laj Sema, laj Anías, laj Urías, laj Hilcías, ut laj Maasías. Ut saꞌ lix tzꞌe xakxo̱queb laj Pedaías, laj Misael, laj Malquías, laj Hasum, laj Hasbadana, laj Zacarías ut laj Mesulam.

Nehemías 8:5

Chixjunileb li tenamit li cuanqueb aran queꞌril nak laj Esdras quixte li hu li tzꞌi̱banbil cuiꞌ li chakꞌrab xban nak najt xteram li naꞌajej li xakxo cuiꞌ. Nak quixte li hu, chixjunileb li tenamit queꞌxakli.

Deuteronomio 31:9

Ut laj Moisés quixtzꞌi̱ba li chakꞌrab aꞌin ut quixqꞌue reheb laj tij, eb li ralal laj Leví. Aꞌan eb li nequeꞌcꞌamoc re li Lokꞌlaj Ca̱x li cuan cuiꞌ li contrato li quixba̱nu li Ka̱cuaꞌ. Ut quixqꞌue ajcuiꞌ reheb li cui̱nk li nequeꞌcꞌamoc be saꞌ xya̱nkeb laj Israel.

Josué 8:35

Laj Josué quiril xsaꞌ li chakꞌrab chiruheb li tenamit. Ma̱ jun li a̱tin li quixtzꞌi̱ba laj Moisés incꞌaꞌ ta qui-ileꞌ chiruheb chixjunileb laj Israel, joꞌ cui̱nk, joꞌ ixk, joꞌ cocꞌal, joꞌeb ajcuiꞌ li jalaneb xtenamit li cuanqueb saꞌ xya̱nkeb laj Israel.

Nehemías 8:18

Laj Esdras rajlal cutan quiril xsaꞌ li hu li tzꞌi̱banbil cuiꞌ li chakꞌrab li quiqꞌueheꞌ reheb xban li Dios. Saꞌ li xbe̱n cutan quixtiquib rilbal xsaꞌ li hu chiruheb li tenamit toj quirakeꞌ li ninkꞌe. Ut saꞌ lix cuakxak li cutan queꞌxchꞌutub ribeb re xlokꞌoninquil li Ka̱cuaꞌ joꞌ cꞌaynakeb xba̱nunquil.

Nehemías 10:29

Ut chixjunileb chi junajeb xchꞌo̱l rochbeneb li nequeꞌcꞌamoc be saꞌ xya̱nkeb queꞌxba̱nu li juramento ut queꞌxye nak teꞌxba̱nu joꞌ naxye li chakꞌrab li quixqꞌue li Dios re laj Moisés laj cꞌanjel chiru. Queꞌxye nak teꞌxba̱nu chi tzꞌakal chixjunil li naxye saꞌ li chakꞌrab li quiqꞌueheꞌ reheb xban li Ka̱cuaꞌ li kaDios.

Nehemías 13:1

Saꞌ jun li cutan qui-ileꞌ chiruheb li tenamit li hu li quixtzꞌi̱ba laj Moisés. Ut saꞌ li hu aꞌan tzꞌi̱banbil retalil nak eb laj amonita ut eb laj moabitas incꞌaꞌ ta̱ru̱k teꞌcua̱nk saꞌ xya̱nkeb laj Israel, lix tenamit li Dios.