Nehemías 7:70 - Li Santil hu

⁷⁰ Ut cuanqueb junju̱nk li nequeꞌjolomin re li junju̱nk cabal queꞌxqꞌue xmayejeb re li cꞌanjel. Li gobernador quixqꞌue re laj xocol tumin numenak cuuklaju (17) libra li oro, laje̱b roxcꞌa̱l (50) li ni̱nki secꞌ, ut o̱b ciento riqꞌuin laje̱b xcaꞌcꞌa̱l (530) li rakꞌeb laj tij.

Q'eqchi Bible

⁷⁰ “Wan reheb' li xjolomileb' li junkab'al ke'kub'sink cho'q re li k'anjel. Laj taqlanel sa' xb'een li tenamit kixq'axtesi numenaq wuqlaju liib'r chi oor, lajeeb' roxk'aal chi uk'leb' sek' ut lajeeb' xka'k'aal raq'eb' laj tij, cho'q re li rochoch li Yos.

Nehemías 7:70 ပူးပေါင်းရင်းမြစ်များ

Nehemías 8:9

Nak queꞌrabi cꞌaꞌru naxye saꞌ li chakꞌrab queꞌoc chi ya̱bac. Ut laj Nehemías li gobernador, ut laj Esdras laj tij, ut laj tzꞌi̱b, ut eb laj levita li yo̱queb chixchꞌolobanquil lix ya̱lal reheb li tenamit, queꞌxye reheb: —Miyotꞌeꞌ e̱chꞌo̱l ut mexya̱bac xban nak li cutan aꞌin kꞌaxal lokꞌ chiru li Ka̱cuaꞌ li kaDios.—

Jeremías 52:19

Laj Nabuzaradán li nataklan saꞌ xbe̱neb li soldados li nequeꞌcꞌacꞌalen re li rey quixcꞌam chixjunileb li ucꞌal, li chꞌi̱chꞌ li nequeꞌxchap cuiꞌ li ru xam, ut li ni̱nki secꞌ. Quixcꞌam li ucꞌal, li xnaꞌajeb li candil, li cuchara ut eb li secꞌ li nequeꞌxqꞌue cuiꞌ li vino li nequeꞌxmayeja. Chixjunil li yi̱banbil riqꞌuin oro ut plata quilajeꞌxcꞌam.

Nehemías 10:1

Aꞌaneb aꞌin li queꞌxqꞌue xcꞌabaꞌ saꞌ li contrato li kayi̱b: La̱in laj Nehemías li gobernador. La̱in li ralal laj Hacalías. Ut eb laj tij li queꞌxqꞌue xcꞌabaꞌ, aꞌaneb aꞌin: laj Sedequías,

Nehemías 7:65

Ut li gobernador quixye nak incꞌaꞌ naru teꞌxtzaca li kꞌaxtesinbil tzacae̱mk toj cua̱nk junak aj tij ta̱tzꞌilok a̱tin chirix riqꞌuin li Urim ut Tumim.

2 Crónicas 4:11

Laj Hiram quixyi̱beb ajcuiꞌ li ucꞌal ut eb li pala joꞌ eb ajcuiꞌ li ni̱nki secꞌ. Joꞌcan nak laj Hiram quixchoy li cꞌanjel li quixba̱nu re li rey Salomón chokꞌ re lix templo li Ka̱cuaꞌ.

2 Crónicas 4:8

Quixyi̱b ajcuiꞌ laje̱b li me̱x ut quixqꞌueheb saꞌ li templo. O̱b quixqꞌue saꞌ li nim ut o̱b quixqꞌue saꞌ li tzꞌe. Ut quixyi̱b ajcuiꞌ jun ciento li ni̱nki secꞌ riqꞌuin oro.

1 Crónicas 28:17

Quixqꞌue ajcuiꞌ re li cha̱bil oro ut li plata li ta̱cꞌanjelak re xyi̱banquil li chapleb chꞌi̱chꞌ, li secꞌ ut li ucꞌal.

1 Reyes 7:45

Ut quixyi̱b ajcuiꞌ li ucꞌal ut li ni̱nki secꞌ joꞌ eb ajcuiꞌ li chꞌi̱chꞌ re xchapbal li ru xam. Aꞌan aꞌin chixjunil li cꞌanjeleba̱l li quiqꞌueheꞌ chixyi̱b laj Hiram xban li rey Salomón re teꞌcꞌanjelak saꞌ lix templo li Dios. Chixjunil yi̱banbil riqꞌuin li cha̱bil bronce.

Éxodo 24:6

Laj Moisés quixxoc lix quiqꞌuel li bo̱yx. Yijach quixxoc saꞌ eb li ucꞌal ut li yijach chic quixqꞌue chiru li artal.

Éxodo 12:22

Lix quiqꞌuel te̱cꞌul saꞌ junak ucꞌal. Te̱tzꞌa saꞌ li quicꞌ jun chꞌina jo̱b li pim hisopo xcꞌabaꞌ. Te̱qꞌue li quicꞌ saꞌ xbe̱n li puerta joꞌ ajcuiꞌ chiru li cheꞌ li cuan xcaꞌ pacꞌalil li puerta. Ut chetzꞌapak e̱rib saꞌ le̱ rochoch ut ma̱ jun e̱re ta̱e̱lk toj saꞌ li cutan jun chic.

Nehemías 7:69

Ut lix camelleb ca̱hib ciento riqꞌuin oꞌlaju xcaꞌcꞌa̱l (435). Ut cuanqueb ajcuiꞌ cuakib mil riqꞌuin cuukub ciento riqꞌuin junmay (6,720) lix bu̱reb.

Nehemías 7:71

Chixjunil li mayej li queꞌxqꞌue li nequeꞌjolomin re li junju̱nk cabal, aꞌan aꞌin: oxib ciento riqꞌuin cablaju roxcꞌa̱l (352) libra li oro, ut cuib mil riqꞌuin cuakib ciento riqꞌuin cuib xca̱cꞌa̱l libra (2,662) li plata.