Nehemías 7:7 - Li Santil hu

⁷ Aꞌaneb aꞌin lix cꞌabaꞌeb li queꞌcꞌamoc be chiruheb laj Israel li queꞌchal xbe̱n cua: laj Zorobabel, laj Jesúa, laj Nehemías, laj Azarías, laj Raamías, laj Nahamani, laj Mardoqueo, laj Bilsán, laj Misperet, laj Bigvai, laj Nehum, ut laj Baana. Ut aꞌan aꞌin lix qꞌuialeb li cui̱nk aj Israel li queꞌsukꞌi rochbeneb laj cꞌamol be:

Q'eqchi Bible

⁷ Ke'sutq'iik chaq rochb'een laj Sorobabel, laj Josué, laj Nehemías, laj Asarías, laj Rahamías, laj Najamaní, laj Mardokeo, laj Bilsán, laj Mispar, laj Bikbay, laj Nejún ut laj Bahaná. A'an a'in xk'ihaleb' li xwinqilaleb' li tenamit Israel:

Nehemías 7:7 ပူးပေါင်းရင်းမြစ်များ

Esdras 2:2

Ut li nequeꞌcꞌamoc be saꞌ xya̱nkeb, aꞌaneb laj Zorobabel, laj Jesúa, laj Nehemías, laj Seraías, laj Reelaías, laj Mardoqueo, laj Bilsán, laj Mispar, laj Bigvai, laj Rehum, ut laj Baana. Aꞌaneb aꞌin lix qꞌuialeb li cui̱nk aj Israel.

Hageo 1:1

Yo̱ xcab chihab roquic chokꞌ rey aran Persia laj Darío saꞌ li xbe̱n cutan re li xcuak po nak quia̱tinac li Ka̱cuaꞌ riqꞌuin li profeta Hageo. Li cꞌaꞌru quiyeheꞌ re xban li Dios quixye re laj Zorobabel, li gobernador, li ralal laj Salatiel. Ut quixye ajcuiꞌ re laj Josué li xbe̱nil aj tij, li ralal laj Josadac.

Ezequiel 1:11

Ut helho ruheb lix xiqꞌueb saꞌ xbe̱neb chi xju̱nkaleb. Cuib lix xiqꞌueb nequeꞌxcꞌul ribeb ut riqꞌuin li cuib chic nequeꞌxtzꞌap rib.

Nehemías 12:10

Laj Jesúa aꞌan lix yucuaꞌ laj Joacim. Ut laj Joacim, aꞌan lix yucuaꞌ laj Eliasib. Ut laj Eliasib, aꞌan lix yucuaꞌ laj Joiada.

Nehemías 12:7

laj Salú, laj Amoc, laj Hilcías, ut laj Jedaías. Aꞌaneb aꞌin li queꞌcꞌamoc be saꞌ xya̱nkeb chixjunileb laj tij saꞌ eb li cutan nak quicuan chokꞌ xbe̱nil aj tij laj Jesúa.

Nehemías 12:3

laj Secanías, laj Rehum, laj Meremot,

Nehemías 12:1

Aꞌaneb aꞌin laj tij ut eb laj levita li queꞌsukꞌi Jerusalén rochben laj Zorobabel li ralal laj Salatiel ut laj Jesúa li xbe̱nil aj tij. Aꞌaneb aꞌin laj tij: laj Seraías, laj Jeremías, laj Esdras,

Nehemías 2:2

Ut li rey quixye cue: —¿Cꞌaꞌut nak kꞌaxal ra saꞌ a̱chꞌo̱l? La̱at moco yajat ta. ¿Cꞌaꞌru na-oc a̱cue? Ma̱re cuan junak chꞌaꞌajquilal yo̱ cuiꞌ a̱cꞌaꞌux, chan. La̱in cꞌajoꞌ nak qui-oc inxiu nak quixye cue chi joꞌcan li rey.

Esdras 5:2

Ut laj Zorobabel li ralal laj Salatiel rochben laj Jesúa li ralal laj Josadac, queꞌoc cuiꞌchic chixyi̱banquil lix templo li Ka̱cuaꞌ aran Jerusalén. Ut eb lix profeta li Ka̱cuaꞌ Dios cuanqueb rochbeneb ut yo̱queb chixtenkꞌanquileb.

Nehemías 7:6

Aꞌan aꞌin lix cꞌabaꞌeb laj Israel li queꞌchapeꞌ ut queꞌcꞌameꞌ Babilonia xban li rey Nabucodonosor ut queꞌsukꞌi cuiꞌchic Jerusalén ut Judá. Ac saꞌ xtenamit queꞌcana li junju̱nk.

Nehemías 7:8

Eb li ralal xcꞌajol laj Paros, aꞌan cuib mil riqꞌuin jun ciento riqꞌuin cablaju xca̱cꞌa̱l (2,172).

Nehemías 11:3

Nabaleb laj Israel, joꞌ eb laj tij, eb laj levita, eb li nequeꞌcꞌanjelac saꞌ li templo ut eb li ralal xcꞌajol li queꞌcꞌanjelac chiru laj Salomón, queꞌcana chi cua̱nc saꞌ eb li tenamit xcue̱nt Judá. Ac saꞌ xnaꞌajeb queꞌcana li junju̱nk. Ut eb laj Israel li queꞌtaklan, li queꞌcana chi cua̱nc Jerusalén, aꞌaneb aꞌin: