Nehemías 7:1 - Li Santil hu

¹ Ut nak ac xya̱loꞌ li tzꞌac ut nak ac xeꞌqꞌueheꞌ saꞌ xnaꞌajeb li puerta re li oqueba̱l, queꞌxakaba̱c laj levita chi cꞌanjelac saꞌ li templo. Cuan li queꞌqꞌueheꞌ chi cꞌacꞌale̱nc saꞌ eb li oqueba̱l, ut cuan li queꞌqꞌueheꞌ chokꞌ aj bichanel.

Q'eqchi Bible

¹ Naq ak xyaalo'k li suttz'ak ut k'eeb'ileb' chik sa' xna'ajeb' li tz'apb'a-okeb'aal, ke'xaqab'aak chi k'anjelak eb' laj k'aak'alenel, laj b'ichanel ut laj Leví.

Nehemías 7:1 ပူးပေါင်းရင်းမြစ်များ

Nehemías 6:15

Kachoy xyi̱banquil li tzꞌac li sutsu cuiꞌ li tenamit saꞌ li o̱b xcaꞌcꞌa̱l xbe li po Elul. Cablaju roxcꞌa̱l cutan quiya̱loꞌ cuiꞌ.

Nehemías 6:1

Nak queꞌrabi laj Sanbalat, laj Tobías ut laj Gesem laj árabe, ut eb lix comon li xicꞌ nequeꞌiloc ke nak la̱in xinyi̱b li tzꞌac li sutsu cuiꞌ li tenamit ut ma̱ bar chic teto re, ut usta toj ma̱jiꞌ ninqꞌue lix puertil li oqueba̱l saꞌ li cutan aꞌan,

2 Crónicas 31:2

Li rey Ezequías quixqꞌueheb cuiꞌchic chi chꞌu̱tal eb laj tij ut eb laj levita, aꞌ yal cꞌaꞌru lix cꞌanjeleb li junju̱nk. Queꞌxcꞌat li mayej ut queꞌmayejac re xcꞌambaleb rib li tenamit saꞌ usilal riqꞌuin li Ka̱cuaꞌ. Queꞌcꞌanjelac chiru li Dios ut queꞌbantioxin ut queꞌxbicha xlokꞌal li Ka̱cuaꞌ saꞌ eb li oqueba̱l re lix templo li Dios.

Nehemías 12:24

Eb li cuanqueb saꞌ xcuanquil saꞌ xya̱nkeb laj levita, aꞌaneb aꞌin: laj Hasabías, laj Serebías, ut laj Jesúa li ralal laj Cadmiel. Eb li rech aj cꞌanjelil cuanqueb chi ubej ut yo̱queb chi lokꞌoni̱nc ut chi bantioxi̱nc. Nequeꞌxsume rib nak nequeꞌbichan laj bichanel joꞌ queꞌchakꞌrabi̱c cuiꞌ junxil xban li rey David laj cꞌanjel chiru li Dios.

Nehemías 11:3

Nabaleb laj Israel, joꞌ eb laj tij, eb laj levita, eb li nequeꞌcꞌanjelac saꞌ li templo ut eb li ralal xcꞌajol li queꞌcꞌanjelac chiru laj Salomón, queꞌcana chi cua̱nc saꞌ eb li tenamit xcue̱nt Judá. Ac saꞌ xnaꞌajeb queꞌcana li junju̱nk. Ut eb laj Israel li queꞌtaklan, li queꞌcana chi cua̱nc Jerusalén, aꞌaneb aꞌin:

Nehemías 10:39

Chixjunileb laj Israel joꞌqueb ajcuiꞌ laj levitas tento nak teꞌxcꞌam li trigo ut li vino ut li aceite saꞌ li cab li xocxo cuiꞌ li secꞌ li nacꞌanjelac saꞌ li templo. Saꞌ ajcuiꞌ li cab aꞌan cuanqueb xnaꞌajeb laj tij li nequeꞌcꞌanjelac saꞌ li templo, joꞌqueb ajcuiꞌ li nequeꞌcꞌacꞌalen re li oqueba̱l, ut eb laj bichanel. Ut kaye nak incꞌaꞌ takacanab lix templo li kaDios. Junelic ban takachꞌolani chi us.

Esdras 3:8

Ac yo̱ chic xcab po xcab chihab xsukꞌijiqueb Jerusalén laj Israel li queꞌchapeꞌ ut queꞌcꞌameꞌ saꞌ jalan tenamit, nak laj Zorobabel li ralal laj Salatiel ut laj Jesúa li ralal laj Josadac, queꞌoc chixyi̱banquil lix templo li Ka̱cuaꞌ Dios, rochbeneb laj tij ut eb laj levita. Eb laj levita li ac queꞌxba̱nu junmay chihab, aꞌaneb li queꞌcꞌamoc be chi cꞌanjelac.

2 Reyes 7:10

Joꞌcan nak queꞌel saꞌ li naꞌajej li cuanqueb cuiꞌ lix muheba̱leb laj Siria ut queꞌco̱eb saꞌ li tenamit Samaria. Nak queꞌcuulac saꞌ li oqueba̱l re li tenamit, queꞌxjap reheb chixbokbaleb li soldado li yo̱queb chi cꞌacꞌale̱nc. Queꞌxye reheb: —La̱o xocuulac chak saꞌ lix muheba̱leb laj Siria. Ma̱ aniheb chic aran. Ma̱ ani na-ecꞌan aran. Eb lix cacua̱y ut eb lix bu̱r bacꞌbo̱queb. Yi̱banbil ajcuiꞌ lix muheba̱leb xeꞌcana, chanqueb.

Nehemías 6:19

Ut chicuu nequeꞌxye nak laj Tobías, aꞌan kꞌaxal us naxba̱nu. Ut li cꞌaꞌru ninye, nequeꞌxye cuiꞌchic re laj Tobías. Ut riqꞌuin li cꞌaꞌru nayeheꞌ re, laj Tobías naxtakla cuiꞌchic nabal li hu cuiqꞌuin re inseꞌbesinquil.