Nehemías 6:2 - Li Santil hu

² laj Sanbalat ut laj Gesem queꞌxtakla chak inbokbal ut queꞌxye cue: —Cha̱lkat re takachꞌutub kib saꞌ li cꞌaleba̱l Ono, chanqueb. Abanan eb aꞌan quineꞌxbok yal re teꞌxba̱nu ma̱usilal cue.

Q'eqchi Bible

² Toja' naq laj Sanbalat ut laj Kesen ke'xtaqla chaq inb'oqb'al: “Chalqat chi aatinak qik'in arin Hakefirín, sa' xtaq'ahil Onó”, chankeb'. Ab'anan eb' a'an kine'xb'oq yal re inrahob'tesinkil.

Nehemías 6:2 ပူးပေါင်းရင်းမြစ်များ

Salmos 37:12

Li incꞌaꞌ us xnaꞌleb xicꞌ nequeꞌril li ti̱queb xchꞌo̱l ut nequeꞌxcꞌu̱b ru chanru nak teꞌxba̱nu ma̱usilal reheb.

1 Crónicas 8:12

Eb li ralal laj Elpaal, aꞌaneb laj Heber, laj Misam ut laj Semed li quitiquiban re li tenamit Ono ut Lod rochben lix cocꞌ cꞌaleba̱l.

Nehemías 11:35

Ut cuanqueb ajcuiꞌ li queꞌcana saꞌ eb li tenamit Lod ut Ono saꞌ li ru takꞌa cuanqueb cuiꞌ laj tenol chꞌi̱chꞌ.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

Jeremías 41:2

Nak yo̱queb chi cuaꞌac, laj Ismael ut li laje̱b chi cui̱nk li cuanqueb rochben, queꞌcuacli ut queꞌxcamsi chi chꞌi̱chꞌ laj Gedalías li ralal laj Ahicam, li ralal laj Safán. Laj Gedalías, aꞌan li quixakaba̱c xban lix reyeb laj Babilonia chi takla̱nc saꞌ li naꞌajej Judá.

Eclesiastés 4:4

Ut quinqꞌue ajcuiꞌ retal nak li ani nacꞌanjelac chi cha̱bil ut chi cau, aꞌan nacakali̱c. Ut chixjunil aꞌin ma̱cꞌaꞌ na-oc cuiꞌ. Junes raylal naxqꞌue.

Salmos 37:32

Li incꞌaꞌ useb xnaꞌleb nequeꞌxqꞌue retal li ti̱queb xchꞌo̱l ut nequeꞌxsicꞌ chanru nak teꞌxcamsi.

Salmos 12:2

Nequeꞌxticꞌtiꞌi ribeb ut riqꞌuin cha̱bil a̱tin nequeꞌkꞌunbesin re xbalakꞌinquil li ras ri̱tzꞌin.

2 Samuel 20:9

Laj Joab quixye re laj Amasa: —¿Chan xacuil, at cuami̱g?— Ut quixchap lix mach laj Amasa riqꞌuin li rukꞌ nim re ta̱rutzꞌ ru.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

Nehemías 6:3

Joꞌcan nak la̱in quintaklaheb lin takl riqꞌuineb chixyebal reheb nak incꞌaꞌ ta̱ru̱k tinxic riqꞌuineb xban nak latzꞌ cuu xba̱nunquil jun nimla cꞌanjel. —Incꞌaꞌ naru nincanab xba̱nunquil li cꞌanjel yal re nak tinxic aran e̱riqꞌuin, chanquin reheb nak quintakla li resil.

Nehemías 3:22

Li tzꞌac li cuan chixcꞌatk li quixyi̱b laj Baruc, aꞌan queꞌxyi̱b eb laj tij li cuanqueb saꞌ li ru takꞌa.