Nehemías 5:9 - Li Santil hu

⁹ Ut quinye ajcuiꞌ reheb: —Li cꞌaꞌru yo̱quex chixba̱nunquil, aꞌan incꞌaꞌ us. La̱ex incꞌaꞌ nequexucua ru li Dios. Yo̱quex ban chixba̱nunquil joꞌ nequeꞌxba̱nu li jalan tenamit li xicꞌ nequeꞌiloc ke, re nak incꞌaꞌ texrahobtesi̱k xban eb aꞌan.

Q'eqchi Bible

⁹ Ut laa'in kinye reheb': “Moko us ta li yookex xb'aanunkil. Tento raj sa' eeb'een roxloq'inkil li qaYos re naq ink'a' toohe'xhob' li tenamit li xik' neke'ilok qe.

Nehemías 5:9 ပူးပေါင်းရင်းမြစ်များ

Levítico 25:36

Me̱patzꞌ ral li tumin li te̱qꞌue chi toꞌ re le̱ rech tenamitil chi moco te̱makꞌ li cꞌaꞌru reheb. Qꞌuehomak ban xnaꞌaj le̱ rech tenamitil saꞌ le̱ rochoch. Ut chexucua ru li Ka̱cuaꞌ le̱ Dios.

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

2 Samuel 12:14

Abanan xban li ma̱c xaba̱nu, xaqꞌue li Dios chi hobecꞌ xbaneb li xicꞌ nequeꞌiloc re. Joꞌcan nak la̱ cualal li tojeꞌ xyoꞌla ta̱ca̱mk, chan.

Tito 2:5

Teꞌxcꞌut chiruheb nak cha̱bilakeb xnaꞌleb, ti̱cakeb lix chꞌo̱leb ut teꞌril lix jun cablal chi us. Cha̱bilakeb ut cheꞌpa̱ba̱nk chiru lix be̱lomeb. Cheꞌcua̱nk saꞌ xya̱lal re nak incꞌaꞌ ta̱sachma̱nk xcuanquil li colba-ib qꞌuebil ke xban li Dios.

1 Timoteo 5:14

Joꞌcan nak nacuaj nak li xma̱lcaꞌan li toj sa̱jeb teꞌsumla̱k cuiꞌchic. Cheꞌcua̱nk ralal xcꞌajol ut cheꞌxjolomi lix jun cablal re nak incꞌaꞌ tohobekꞌ la̱o aj pa̱banel xbaneb li xicꞌ nequeꞌiloc ke.

Romanos 2:24

Joꞌ naxye saꞌ li Santil Hu: Saꞌ e̱cꞌabaꞌ la̱ex aj judío, nequeꞌxmajecua li Dios li ma̱cuaꞌeb aj judío. (Isa. 52:5)

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

Ezequiel 36:20

Nak queꞌcuulac saꞌ eb li tenamit yalak bar, chixjunileb li tenamit queꞌxye nak aꞌaneb lin tenamit la̱in li Dios, ut queꞌisi̱c saꞌ li naꞌajej li quiqꞌueheꞌ reheb, chanqueb. Xma̱c eb aꞌan nak quimuxeꞌ ru lin santil cꞌabaꞌ.

Proverbios 24:23

Joꞌcan ajcuiꞌ eb li a̱tin aꞌin yebil xbaneb li cuanqueb xnaꞌleb. Incꞌaꞌ us nak laj rakol a̱tin tixsicꞌ ru ani tixcol rix saꞌ li rakleb a̱tin.

Proverbios 19:2

Junak cristian ma̱cꞌaꞌ xnaꞌleb incꞌaꞌ naxcꞌoxla chi us li cꞌaꞌru naxba̱nu. Xban nak naxba̱nu saꞌ junpa̱t aꞌan naqꞌuehoc re chi ma̱cobc.

Proverbios 18:5

Incꞌaꞌ us xyebal nak ma̱cꞌaꞌeb xma̱c li incꞌaꞌ useb xnaꞌleb. Incꞌaꞌ us xqꞌuebal li ma̱c saꞌ xbe̱neb li ma̱cꞌaꞌ xma̱c.

Proverbios 17:26

Relic chi ya̱l nak incꞌaꞌ us nak teꞌxye nak cuan xma̱c li ma̱cꞌaꞌ xma̱c. Ut incꞌaꞌ ajcuiꞌ us nak teꞌxqꞌue saꞌ raylal li nequeꞌtaklan saꞌ xya̱lal.

Proverbios 16:29

Li ani najoskꞌoꞌ saꞌ junpa̱t naxbalakꞌiheb li ras ri̱tzꞌin, ut naxcꞌameb chixba̱nunquil li incꞌaꞌ us.

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

Nehemías 4:4

La̱in quintijoc ut quinye re li Dios: —At Ka̱cuaꞌ at inDios chacuabi taxak chanru nak yo̱queb chikahobbal ut yo̱queb chikatzꞌekta̱nanquil. Li tzꞌekta̱na̱nc li yo̱queb chixba̱nunquil ke chisukꞌi̱k taxak saꞌ xbe̱neb. Cheꞌchapekꞌ ta xbaneb li xicꞌ nequeꞌiloc reheb ut cheꞌcꞌamekꞌ ta saꞌ jalan tenamit.

1 Samuel 2:24

Ex cualal, canabomak xba̱nunquil li ma̱usilal. Yibru li yo̱queb chixyebal che̱rix lix tenamit li Dios.

Génesis 42:18

Saꞌ rox li cutan laj José quixye reheb: —La̱in ninqꞌue xcuanquil li Dios. Te̱ba̱nu li cꞌaꞌru tinye e̱re re nak texcolekꞌ.

Génesis 20:11

Laj Abraham quichakꞌoc ut quixye re: —La̱in xincꞌoxla nak incꞌaꞌ nequepa̱b li Ka̱cuaꞌ Dios saꞌ li tenamit aꞌin. Cuan saꞌ inchꞌo̱l nak ma̱re tine̱camsi xban li cuixakil.

Nehemías 5:10

La̱in ut eb li cuechꞌalal joꞌqueb ajcuiꞌ li nequeꞌcꞌanjelac chicuu yo̱co ajcuiꞌ chixqꞌuebaleb xtrigo ut xtumineb chi toꞌ. Abanan nintzꞌa̱ma che̱ru nak incꞌaꞌ chic takapatzꞌ reheb lix cꞌaseb.

Salmos 90:11

¿Ani ta cuiꞌ ta̱cuyuk re xcꞌulbal la̱ joskꞌil? Ut, ¿ani ta cuiꞌ nanaꞌoc re chanru nak nacatjoskꞌoꞌ?