Nehemías 5:7 - Li Santil hu

⁷ Quincꞌoxla chi us cꞌaꞌru tinba̱nu. Ut quinkꞌuseb li biomeb ut li nequeꞌtaklan saꞌ xbe̱neb li tenamit ut quinye reheb: —¿Ma us nak nequepatzꞌ ral li tumin li nequetoꞌoni reheb le̱ rech tenamitil?— Ut quinye ajcuiꞌ reheb nak teꞌxchꞌutub ribeb re nak takacꞌu̱b ru cꞌaꞌru takaba̱nu.

Q'eqchi Bible

⁷ Kink'oxla chi us k'aru tinb'aanu ut kinq'useb' li xninqaleb' ru winq ut eb' laj k'amol b'e xb'aan li iiq ke'xteneb' sa' xb'eeneb' li rech tenamitul. Keb'inb'oq sa' jun nimla ch'utub'aj ib' re xch'iilankileb'

Nehemías 5:7 ပူးပေါင်းရင်းမြစ်များ

Levítico 25:36

Me̱patzꞌ ral li tumin li te̱qꞌue chi toꞌ re le̱ rech tenamitil chi moco te̱makꞌ li cꞌaꞌru reheb. Qꞌuehomak ban xnaꞌaj le̱ rech tenamitil saꞌ le̱ rochoch. Ut chexucua ru li Ka̱cuaꞌ le̱ Dios.

Éxodo 22:25

Cui te̱qꞌue tumin chi toꞌ re junak li nebaꞌ li cuanqueb saꞌ e̱ya̱nk, incꞌaꞌ te̱ba̱nu joꞌ nequeꞌxba̱nu li nequeꞌtoꞌonin tumin. Incꞌaꞌ te̱patzꞌ ral li tumin li te̱toꞌoni.

Ezequiel 22:12

Cuanqueb cui̱nk nequeꞌtumina̱c ru re teꞌxcamsi ras ri̱tzꞌin. Cuanqueb li nequeꞌxpatzꞌ nabal li ral li tumin li nequeꞌxqꞌue chi toꞌ. Cuanqueb li nequeꞌxsicꞌ lix biomaleb riqꞌuin xmakꞌbal xtumineb li ras ri̱tzꞌin. Incꞌaꞌ chic niquineꞌxcꞌoxla la̱in. La̱in li Ka̱cuaꞌ Dios ninyehoc re aꞌin.

Salmos 15:5

Nequeꞌxqꞌue lix tumineb chi toꞌ ut incꞌaꞌ nequeꞌxpatzꞌ ral. Ut incꞌaꞌ nequeꞌxsume ticꞌtiꞌic chirixeb li ras ri̱tzꞌin usta nayechiꞌi̱c xtumineb. Eb li nequeꞌxba̱nu li usilal aꞌin incꞌaꞌ nachꞌinan xchꞌo̱leb riqꞌuin li Dios.

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Tito 2:15

Chixjunil li naꞌleb aꞌin li yo̱quin xtzꞌi̱banquil a̱cuiqꞌuin, aꞌan li ta̱chꞌolob chiruheb. Chaqꞌueheb xnaꞌleb ut chakꞌuseb cui incꞌaꞌ us yo̱queb xban nak tenebanbil saꞌ a̱be̱n xban li Dios xba̱nunquil. Ut ma̱ ani chitzꞌekta̱na̱nk a̱cue.

1 Timoteo 5:20

Ut li ani cuan xma̱c, us xkꞌusbal chiru chixjunileb laj pa̱banel re nak li jun chꞌol chic aj cꞌamol be teꞌxucuak ut teꞌxcꞌoxla chi us li cꞌaꞌru teꞌxba̱nu.

Gálatas 2:11

Nak quicuulac laj Pedro Antioquía, la̱in quinkꞌus xban nak incꞌaꞌ us li yo̱ chixba̱nunquil.

2 Corintios 5:16

Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

San Mateo 18:17

Ut cui incꞌaꞌ naraj ta̱rabiheb aꞌan, ta̱ye re li iglesia re nak li herma̱n teꞌxchꞌolob xya̱lal chiru. Ut cui incꞌaꞌ ajcuiꞌ naraj abi̱nc chiruheb aꞌan, aꞌan chic ta̱cua̱nk che̱ru joꞌ chanchan li ma̱cuaꞌak aj pa̱banel ut chanchanak laj titzꞌol toj li incꞌaꞌ us nequeꞌxba̱nu.

Ezequiel 45:9

Li nimajcual Dios quixye: —La̱ex li nequextaklan saꞌ xbe̱neb lin tenamit Israel, tzꞌakal li rahobtesi̱nc li xeba̱nu. Canabomak xba̱nunquil li ma̱usilal. Cheba̱nu ban li us ut chexcua̱nk saꞌ ti̱quilal. Canabomak xmakꞌbal lix chꞌochꞌeb lin tenamit, chan.

Proverbios 27:5

Kꞌaxal us nak tatkꞌusuk chi tzꞌakal re ru chiru nak tatrahok chi yal xcab rix a̱chꞌo̱l.

Salmos 27:8

La̱in xcuecꞌa saꞌ li cua̱m nak tento tatinsicꞌ. Joꞌcan nak xatinsicꞌ, at Ka̱cuaꞌ.

Salmos 15:1

At Ka̱cuaꞌ, ¿ani ta̱ru̱k ta̱cua̱nk saꞌ la̱ santil naꞌaj? ¿Ani ta̱ru̱k ta̱cua̱nk chi sum a̱tin a̱cuiqꞌuin?

Salmos 4:4

Chexucua ru li Dios ut canabomak li ma̱cobc. Nak yo̱kex chi hila̱nc ut nak ma̱cꞌaꞌ chic choki̱nc cheqꞌuehak retal chanru le̱ yuꞌam chiru li Dios.

Salmos 109:11

Aꞌ ta li natoꞌoni tumin chicꞌamok re chixjunil li cꞌaꞌru cuan re. Ut jalan ta chiyalok xsahil lix trabaj.

Éxodo 22:24

Ut la̱in tinjoskꞌokꞌ saꞌ e̱be̱n ut texinqꞌue chi camsi̱c riqꞌuin chꞌi̱chꞌ. Le̱ cocꞌal teꞌcana̱k chi ma̱cꞌaꞌ chic xyucuaꞌeb ut le̱ rixakil xma̱lcaꞌan chic teꞌcana̱k.

Salmos 94:16

¿Ani ta cuiꞌ ta̱ru̱k ta̱colok cue chiruheb li incꞌaꞌ useb xnaꞌleb? Ut, ¿ani ta̱oque̱nk chicuix chiruheb li nequeꞌba̱nun ma̱usilal?

Proverbios 28:4

Li nequeꞌxtzꞌekta̱na li chakꞌrab nequeꞌxqꞌue xlokꞌal li incꞌaꞌ useb xnaꞌleb. Ut eb li nequeꞌxba̱nu li naxye li chakꞌrab, xicꞌ nequeꞌril li cꞌaꞌru nequeꞌxba̱nu eb aꞌan.