Nehemías 5:5 - Li Santil hu

⁵ —La̱o kacomon kib riqꞌuineb li biom. Ut li kalal kacꞌajol juntakꞌe̱teb ajcuiꞌ riqꞌuineb li ralal xcꞌajol eb aꞌan. Moco jalaneb ta chic aꞌan chiku la̱o. Abanan la̱o tento nak takacꞌayiheb li kalal kacꞌajol chokꞌ xmo̱seb aꞌan. Cuanqueb karabin ac xkacꞌayiheb chokꞌ xmo̱seb aꞌan ut incꞌaꞌ chic naru nakisiheb riqꞌuineb xban nak ma̱cꞌaꞌ chic cuan ke. Li kachꞌochꞌ ut li kacui̱mk jalan chic aj e, chanqueb.

Q'eqchi Bible

⁵ Laa'o qakomon qib' rik'ineb' li qech tenamitul, ut juntaq'eet xloq'aleb' li qalal qak'ajol rik'ineb' li ralal xk'ajoleb' a'an. Ab'anan tento tqaq'axtesi eb' li qalal qak'ajol cho'q xmooseb' a'an. Ut wankeb' qarab'in ak xqak'ayeb' cho'q xmooseb' a'an, ut laa'o maak'a' naru tqab'aanu xb'aan naq li qach'och' ut li qawimq jalan aj e”.

Nehemías 5:5 ပူးပေါင်းရင်းမြစ်များ

2 Reyes 4:1

Cuan jun li ixk quicam xbe̱lom. Lix be̱lom, aꞌan profeta nak quicuan. Li ixk quicuulac riqꞌuin li profeta Eliseo ut quixye re: —Ka̱cuaꞌ, lin be̱lom quicam. La̱at nacanau nak aꞌan quixxucua ru li Dios. Abanan cuan xcꞌas. Ut li cui̱nk li cuan cuiꞌ lix cꞌas yo̱ chixpatzꞌbal li kacꞌas. Aꞌan ta̱raj xcꞌambaleb lin yum cuib chokꞌ xmo̱s chokꞌ re̱kaj li kacꞌas, chan.

Isaías 58:7

Qꞌuehomakeb chi cuaꞌac li teꞌtzꞌoca̱k ut cꞌulumakeb saꞌ le̱ rochoch li ma̱cꞌaꞌ rochocheb. Qꞌuehomak rakꞌeb li ma̱cꞌaꞌ rakꞌeb ut tenkꞌahomakeb le̱ rechꞌalal.

Génesis 37:27

Kacꞌayihak reheb laj ismaelita. Kꞌaxal us nak ti̱c takacꞌayi ut incꞌaꞌ takacamsi xban nak aꞌan ki̱tzꞌin ut kaquiqꞌuel kib chi kibil kib, chan laj Judá. Ut eb li ras ut eb li ri̱tzꞌin queꞌxcꞌul xchꞌo̱l li quixye.

San Mateo 18:25

Ut xban nak ma̱cꞌaꞌ cꞌaꞌru cuan re li cui̱nk aꞌan re tixtoj cuiꞌ lix cꞌas, joꞌcan nak li rey quixtakla xcꞌayinquil aꞌan rech xxiquic li rixakil, ut li ralal xcꞌajol ut chixjunil li cꞌaꞌru cuan re, re xtojbal lix cꞌas.

Génesis 29:14

Ut laj Labán quixye re laj Jacob: —Relic chi ya̱l nak tzꞌakal kacomon kib ut kaquiqꞌuel kib, chan. Ut laj Jacob quicana saꞌ rochoch laj Labán.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Proverbios 22:7

Eb li biom nequeꞌnumta saꞌ xbe̱neb li nebaꞌ. Ut li ani natoꞌonin riqꞌuin li cuan xtumin, chanchan chic xmo̱s nacana cuiꞌ.