Nehemías 5:16 - Li Santil hu

¹⁶ Ut la̱in quinqꞌue inchꞌo̱l chi cꞌanjelac riqꞌuin xyi̱banquil li tzꞌac li sutsu cuiꞌ li tenamit. Ut eb li nequeꞌtrabajic chicuu queꞌxqꞌue ajcuiꞌ xchꞌo̱leb chi oque̱nc saꞌ li cꞌanjel. Ut incꞌaꞌ kacꞌoxla xlokꞌbal kachꞌochꞌ.

Q'eqchi Bible

¹⁶ Jo'wi' anchal kink'e inch'ool chi k'anjelak re xyiib'ankil li xsuttz'akil li tenamit, ut maajun linch'och' kinloq'. Chixjunileb' laj tenq' we ke'okenk chi k'anjelak.

Nehemías 5:16 ပူးပေါင်းရင်းမြစ်များ

Gálatas 6:9

Joꞌcan nak mextitzꞌ chixba̱nunquil li us. Cui incꞌaꞌ nachꞌinan kachꞌo̱l nak ta̱cuulak xkꞌehil la̱o take̱chani li kakꞌajca̱munquil.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

San Lucas 8:15

Ut li iyaj li quitꞌaneꞌ saꞌ cha̱bil chꞌochꞌ, aꞌan retalileb li nequeꞌabin re li ra̱tin li Dios. Nequeꞌxpa̱b li ra̱tin chi anchaleb xchꞌo̱l ut nequeꞌqꞌui saꞌ xpa̱ba̱leb, chan li Jesús.

Números 16:15

Riqꞌuin li cꞌaꞌru queꞌxye, queꞌxchikꞌ xjoskꞌil laj Moisés ut quixye re li Ka̱cuaꞌ: —At Ka̱cuaꞌ, ma̱cꞌul taxak lix mayejeb. La̱in ma̱cꞌaꞌ xinmakꞌ chiruheb. La̱in incꞌaꞌ xinmakꞌ lix bu̱r chiruheb chi moco xinba̱nu raylal reheb.—

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

Nehemías 5:17

Jun ciento riqꞌuin mero ciento laj judío li nequeꞌcuaꞌac saꞌ li cuochoch. Saꞌ xya̱nkeb aꞌan cuanqueb li nequeꞌcꞌamoc be saꞌ li tenamit. Ut ma̱cꞌaꞌeb saꞌ ajl li nequeꞌchal chak saꞌ eb li tenamit li cuanqueb chi nachꞌ kiqꞌuin.