Nehemías 5:12 - Li Santil hu

¹² Ut eb aꞌan queꞌchakꞌoc ut queꞌxye: —Takakꞌaxtesi reheb chixjunil li ac xkacꞌul ut incꞌaꞌ chic takapatzꞌ reheb. Takaba̱nu joꞌ xaye ke, chanqueb. Joꞌcan nak quinbokeb laj tij re nak chiruheb aꞌan teꞌxye riqꞌuin juramento nak teꞌxba̱nu li cꞌaꞌru ac xeꞌxye.

Q'eqchi Bible

¹² Ke'chaq'ok eb' a'an ut ke'xye: “Taaqaq'ajsi ut maak'a' chik tqapatz' reheb'. Taaqab'aanu jo' xaye laa'at”, chankeb'. Toja' naq kinb'oqeb' laj tij re naq chiruheb' a'an te'xye sa' jurament naq te'xb'aanu li xyehomeb'.

Nehemías 5:12 ပူးပေါင်းရင်းမြစ်များ

Esdras 10:5

Joꞌcan nak laj Esdras quixakli ut quixye reheb li xbe̱nil aj tij ut eb laj levita, joꞌqueb ajcuiꞌ chixjunileb laj Israel nak riqꞌuin juramento teꞌxye ma teꞌxba̱nu joꞌ queꞌxye. Ut eb aꞌan queꞌxba̱nu li juramento ut queꞌxsume xba̱nunquil li cꞌaꞌru queꞌxye.

San Lucas 19:8

Nak yo̱queb chi cuaꞌac, laj Zaqueo quixakli chiru li Jesús ut quixye re: —Ka̱cuaꞌ, chalen anakcuan jalan chic tinba̱nu. Yijach lin jun cablal tinsi reheb li nebaꞌ. Ut cui cuan anihak xcuelkꞌa cꞌaꞌru re, ca̱hib cua chic xqꞌuial li re̱kaj tinqꞌue, chan.

San Mateo 26:63

Ut li Jesús ma̱ jun li a̱tin quixye. Ut li xyucuaꞌileb aj tij quixye cuiꞌchic re: —Saꞌ xcꞌabaꞌ li yoꞌyo̱quil Dios ta̱ye ke cui la̱at li Cristo, li Ralal li Dios.—

Nehemías 13:25

La̱in quincuechꞌiheb ut quinbok raylal saꞌ xbe̱neb. Cuan quinsaqꞌueb ut cuan quinmichꞌeb chi rismal ut quinpuersiheb nak teꞌxye riqꞌuin juramento nak incꞌaꞌ chic teꞌxqꞌue li ralal xcꞌajoleb chi sumla̱c riqꞌuineb li ralal xcꞌajoleb li jalaneb xtenamit, chi moco teꞌxcꞌam rixakileb saꞌ xya̱nkeb li jalaneb xtenamit, chanquin reheb.

Nehemías 10:31

Ut xkaye ajcuiꞌ nak incꞌaꞌ tolokꞌok riqꞌuineb li jalaneb xtenamit cui teꞌcha̱lk chi cꞌayi̱nc saꞌ li hiloba̱l cutan. Incꞌaꞌ takalokꞌ li tzacae̱mk chi moco li cꞌaꞌak re ru teꞌxcꞌam chak chi cꞌay saꞌ li hiloba̱l cutan ut incꞌaꞌ ajcuiꞌ tolokꞌok saꞌ eb li cutan li santobresinbil re xlokꞌoninquil li Ka̱cuaꞌ. Ut saꞌ li xcuuk li chihab incꞌaꞌ toa̱uk. Takacanab ban chi hila̱nc li chꞌochꞌ. Ut chiru ajcuiꞌ li chihab aꞌan incꞌaꞌ takapatzꞌ re̱kaj lix cꞌaseb li ani queꞌcꞌasoc kiqꞌuin.

Nehemías 10:29

Ut chixjunileb chi junajeb xchꞌo̱l rochbeneb li nequeꞌcꞌamoc be saꞌ xya̱nkeb queꞌxba̱nu li juramento ut queꞌxye nak teꞌxba̱nu joꞌ naxye li chakꞌrab li quixqꞌue li Dios re laj Moisés laj cꞌanjel chiru. Queꞌxye nak teꞌxba̱nu chi tzꞌakal chixjunil li naxye saꞌ li chakꞌrab li quiqꞌueheꞌ reheb xban li Ka̱cuaꞌ li kaDios.

Esdras 10:12

Queꞌchakꞌoc chixjunileb li chꞌutchꞌu̱queb aran ut queꞌxye chi cau xya̱b xcuxeb: —Takaba̱nu joꞌ xaye la̱at.

Nehemías 5:11

Ut nintzꞌa̱ma ajcuiꞌ che̱ru nak anakcuan ajcuiꞌ te̱kꞌaxtesi cuiꞌchic reheb lix chꞌochꞌeb, li racui̱mkeb uvas ut olivos, joꞌ ajcuiꞌ li rochocheb. Ut te̱kꞌaxtesi ajcuiꞌ reheb li ral li tumin li ac xecꞌul joꞌ ajcuiꞌ li trigo, li aceite ut li uvas li ac xecꞌul.—

Nehemías 10:30

Xkaye nak incꞌaꞌ takaqꞌue li kalal kacꞌajol chi sumla̱c riqꞌuineb li ralal xcꞌajoleb li jalaneb xtenamit.